Tej Pratap Flirting / କ୍ୟାମେରା ସାମ୍ନାରେ ଫ୍ଲର୍ଟ୍ କଲେ ତେଜ ପ୍ରତାପ ଯାଦବ ! ଲାଜେଇଗଲେ ଭୋଜପୁରୀ ଅଭିନେତ୍ରୀ

'ଭୋଜପୁରୀ ବବାଲ୍' ଶୋ' ଆରମ୍ଭ ହେବା ପରେ ଚାରିଆଡ଼େ ଚର୍ଚ୍ଚାର ବିଷୟ ପାଲଟିଛି । ସୋସିଆଲ ମିଡିଆରେ ଏହି ଶୋ'ର କିଛି କ୍ଲିପ୍ ସେୟାର କରାଯାଇଛି । ଯେଉଁଥିରେ ଭୋଜପୁରୀ କଳାକାରଙ୍କ ସହିତ ବିହାର ରାଜନୀତିର ଚର୍ଚ୍ଚିତ ଚେହେରା ତେଜ ପ୍ରତାପ ଯାଦବଙ୍କୁ ମଧ୍ୟ ଦେଖିବାକୁ ମିଳିଛି । ଏହି ଶୋ'ରେ ପୱନ ସିଂହ, ଆମ୍ରପାଲି ଦୁବେ, ନେରହୁଆ ଓ କାଜଲ ରାଘୱାନୀ ଇଣ୍ଡଷ୍ଟ୍ରିର ଭିତିରିଆ କଥା ସେୟାର କରୁଥିବା ନଜର ଆସିଛନ୍ତି । ତେଜ ପ୍ରତାପ ଏମାନଙ୍କ ଉପରେ ଭାରି ପଡ଼ିଛନ୍ତି । ଅଭିନେତ୍ରୀ କାଜଲଙ୍କୁ ନେଇ ଏବେ ସୋସିଆଲ ମିଡିଆରେ ଛାଇ ଯାଇଛନ୍ତି ତେଜ ପ୍ରତାପ ।

• କାଜଲଙ୍କ ଉପରେ ଫିଦା ହେଲେ ତେଜ !

ଭୋଜପୁରୀ ବବାଲ୍ ଶୋ'ଟି ଜିଓ ହଟଷ୍ଟାରରେ ପ୍ରସାରିତ ହେବାକୁ ଯାଉଛି । ଏହାର ଏକ ଛୋଟ କ୍ଲିପ୍ ସୋସିଆଲ ମିଡିଆରେ ଭାଇରାଲ ହେଉଛି । ଯେଉଁଥିରେ କାଜଲ ରାଘୱାନୀ ଓ ତେଜ ପ୍ରତାପ ଡିନର୍ ଡେଟ୍‌ରେ ଥିବା ନଜର ଆସିଛନ୍ତି । ଏହି ଭିଡିଓରେ ଦେଖିବାକୁ ମିଳିଛି ଯେ କାଜଲ ତେଜ ପ୍ରତାପଙ୍କୁ ପଚାରୁଛନ୍ତି ଯେ 'ଆପଣ କେମିତି ଅଛନ୍ତି ?' ଏହାର ଉତ୍ତରରେ ତେଜ ପ୍ରତାପ ମୁହଁ ତଳକୁ କରି କହୁଛନ୍ତି, "ମୁଁ ଠିକ୍ ଅଛି...ଆପଣ କେମିତି ଅଛନ୍ତି ?" ଏହାପରେ କାଜଲ ହସିକି କହୁଛନ୍ତି ଯେ ସେ ଠିକ୍ ଅଛନ୍ତି । ଏହାପରେ ତେଜ ପ୍ରତାପ ଚୁପ୍ ହୋଇ ବସିଛନ୍ତି । କଥାକୁ ଆଗକୁ ବଢାଇ କାଜଲ କହୁଛନ୍ତି, "ଆଜି ମେନ୍ୟୁରେ କଣ ଅଛି ?" ଏହାପରେ ତେଜ ପ୍ରତାପ କହୁଛନ୍ତି, "ମେନ୍ୟୁ ତୁମ ସାମ୍ନାରେ ଅଛି । ଗୋଟିଏ ଜିନିଷ ନଥିଲା..ମୁଁ ତାଙ୍କୁ ସାମିଲ କରାଇଛି । ବିହାରି ଡିସ୍ ଲିଟ୍ଟି ଚୋଖା ।"

ପଢନ୍ତୁ ଏହି ଖବର: CM ବିଜୟ ପୁଅଙ୍କ ଆସିଲା ପ୍ରଥମ ପ୍ରତିକ୍ରିୟା; ଶପଥ ନେଲାବେଳେ ସାଥୀରେ ନଥିଲେ, ଏବେ ଏମିତି କହିଲେ

ଲିଟ୍ଟି ଚୋଖା ନାଁ ଶୁଣିବା ପରେ କାଜଲ ଖୁସି ହୋଇଯାଉଛନ୍ତି । ତାଙ୍କୁ ଏହି ଖାଦ୍ୟଟି ପସନ୍ଦ ବୋଲି ସେ ତେଜ ପ୍ରତାପଙ୍କୁ କହୁଛନ୍ତି । ଏହାପରେ ତେଜ ପ୍ରତାପ କହୁଛନ୍ତି, "ପସନ୍ଦ ବୋଲି ତ ଏହାକୁ ମେନ୍ଯୁରେ ସାମିଲ କରାଇଛି ।" ଏତିକି କଥାରେ ଭୋଜପୁରୀ ଅଭିନେତ୍ରୀ କାଜଲ ଲାଜେଇ ଯାଉଛନ୍ତି । ସୋସିଆଲ ମିଡିଆରେ ଏହି ଭିଡିଓ ବେଶ ଭାଇରାଲ ହେଉଥିବାବେଳେ ୟୁଜର ବିଭିନ୍ନ ପ୍ରକାର ପ୍ରତିକ୍ରିୟା ପ୍ରକାଶ କରିଛନ୍ତି ।

• କଣ କହିଲେ ଫ୍ୟାନ୍ସ ?

ତେଜ ପ୍ରତାପଙ୍କ ଏପରି ଅନ୍ଦାଜ ଦେଖି ପ୍ରଶଂସକ ଆଶ୍ଚର୍ଯ୍ୟଚକିତ ହୋଇଯାଇଛନ୍ତି । ଜଣେ ଫ୍ଯାନ୍ ଲେଖିଛନ୍ତି, "ତେଜୁ ଭାଇ, ଆପଣ ଏହା କଣ କହିଲ ?" ସେହିପରି ଅନ୍ୟ ଜଣେ ୟୁଜର ଲେଖିଛନ୍ତି, "ତେଜୁ ଭାଇ କାଜଲଙ୍କ ସହିତ ଫ୍ଲର୍ଟ କରୁଛନ୍ତି, ଯାହାକି ତାଙ୍କ ମୁହଁରେ ସଫାସଫା ଦେଖାଯାଉଛି ।" ଏବେ ତେଜ ପ୍ରତାପ ସତରେ କାଜଲଙ୍କୁ ପସନ୍ଦ କରୁଛନ୍ତି କି ଏହା କେବଳ ଶୋ' ପାଇଁ ତାହା ଜଣାପଡ଼ିନାହିଁ ।