ଅର୍ଗସ ବ୍ୟୁରୋ: ଟିଭିର ସବୁଠାରୁ ବିବାଦୀୟ ସୋ’ ବିଗ୍ ବସ୍-୧୮ ଆରମ୍ଭ ହୋଇଯାଇଛି। ଏହି ସୋ’ ଅକ୍ଟୋବର ୬ରୁ ଆରମ୍ଭ ହୋଇଥିବା ବେଳେ ସୋ’ରେ ପ୍ରତିଯୋଗୀ ଭାବେ ଯୋଗ ଦେଇଛନ୍ତି ଅଭିନେତ୍ରୀ ଶିଳ୍ପା ଶିରୋଦକର । ଶିଳ୍ପା ବଲିଉଡର ଜଣେ ଜଣାଶୁଣା ଅଭିନେତ୍ରୀ ହୋଇଥିଲେ ବି ଗତ କିଛି ବର୍ଷ ହେବ ସେ କୌଣସି ଫିଲ୍ମରେ ବା ଧାରାବାହିକରେ ନଜର ଆସୁନଥିଲେ। ବହୁତ ବର୍ଷ ପରେ ସେ ବିବାଦୀୟ ସୋ’ ବିଗ୍ ବସ୍-୧୮ କୁ ଆସି ଚର୍ଚ୍ଚାରେ ଅଛନ୍ତି।

ଶିଳ୍ପାଙ୍କ ଭଉଣୀ ହେଉଛନ୍ତି ଅଭିନେତ୍ରୀ ନମ୍ରତା ଶିରୋଦକର, ଯିଏ ସୁପରଷ୍ଟାର ମହେଶ ବାବୁଙ୍କୁ ବିବାହ କରିଛନ୍ତି। ସମ୍ପର୍କରେ ଶିଳ୍ପା, ମହେଶଙ୍କ ଶାଳୀ ହୋଇଥିବା ବେ‌ଳେ ନମ୍ରତା ଓ ମହେଶଙ୍କ ସହ ତାଙ୍କ ସମ୍ପର୍କ କିଭଳି ତାହା ସେ ସୋ’କୁ ଯିବା ପୂର୍ବରୁ ଜଣାଇଛନ୍ତି।

ଏକ ସାକ୍ଷାତକାରରେ ସେ କହିଥିଲେ, ନମ୍ରତା ଓ ମହେଶ ମୋ ପାଇଁ ବହୁତ ଖୁସି। ସେମାନେ ମୋ ପାଇଁ ବହୁତ ଗର୍ବିତ ଏବଂ ସେମାନେ ଜାଣନ୍ତି ଯେ ମୁଁ ଯାହାବି କରିବି, ମୁଁ ନିଜ ଦମରେ କରିବି। କାହାର ସୁପାରିଶରେ ନୁହେଁ। ମୁଁ ଜାଣେ ଏହି ସୋ’ ମାଧ୍ୟମରେ ମୁଁ ସେମାନଙ୍କୁ ବହୁତ ଗର୍ବିତ କରିବାକୁ ଯାଉଛି। ଏକ ପରିବାର ଭାବରେ, ଆମ ସମ୍ପର୍କ ଅତି ଘନିଷ୍ଠ । ସେମାନେ ମୋତେ ବହୁତ ସମର୍ଥନ କରନ୍ତି ।

ଅଧିକ ପଢ଼ନ୍ତୁ ମନୋରଞ୍ଜନ ଖବର

Argus News | argus news | Odisha Latest News, Breaking News, Trending News, Live TV