ଚର୍ଚ୍ଚିତ ଯାତ୍ରା ଅଭିନେତା ପୀୟୂଷ ତ୍ରିପାଠୀଙ୍କୁ ବଡ଼ ଆଶ୍ବସ୍ତି । ପୀୟୂଷଙ୍କୁ ମଞ୍ଚ ଚଢ଼ିବାକୁ ଅନୁମତି ଦେଲେ ଅଦାଲତ । ଯାତ୍ରା ଜାରି ରଖିପାରିବେ ଅଭିନେତା ପୀୟୂଷ ତ୍ରିପାଠୀ । ପୁଣି ଆଜିଠୁ ଯାତ୍ରା ମଞ୍ଚରେ ଦର୍ଶକ ଦେଖିପାରିବେ ପୀୟୂଷଙ୍କ ଅଭିନୟ । ସୂଚନା ଅନୁସାରେ, ଚୁକ୍ତି ଖିଲାପ କରିଥିବା ନେଇ ପୀୟୂଷଙ୍କ ବିରୋଧରେ କୋର୍ଟକୁ ଯାଇଥିଲେ ଅପେରା ସୂର୍ଯ୍ୟ ମନ୍ଦିରର ପ୍ରଯୋଜକ ।

ଏହି ମାମଲା କୋର୍ଟରେ ପହଞ୍ଚିବା ପରେ କୋର୍ଟ ପକ୍ଷରୁ ପୀୟୂଷଙ୍କୁ ନୋଟିସ୍‌ ହୋଇଥିଲା । କୋର୍ଟରେ ଶୁଣାଣି ଯାଏଁ ପୀୟୂଷଙ୍କୁ ଯାତ୍ରା ମଞ୍ଚ ବାରଣ ହୋଇଥିଲା । ଆଉ ଏବେ ପୀୟୂଷ ଯାତ୍ରା କରିପାରିବେ ବୋଲି ଅଦାଲତ ପକ୍ଷରୁ କୁହାଯାଇଛି । କିନ୍ତୁ ମୂଳ ମାମଲା ଜାରି ରହିବ । ଏନେଇ ସୂଚନା ଦେଇଛନ୍ତି ଯାତ୍ରା ଅଭିନେତା ପୀୟୂଷ ତ୍ରିପାଠୀଙ୍କ ଓକିଲ ବିଭୁ ତ୍ରିପାଠୀ ।