ଅର୍ଗସ ବ୍ୟୁରୋ : ଓଡିଆର ଲୋକପ୍ରିୟ ଚଳଚ୍ଚିତ୍ର 'ଦମନ' କୁ ମିଳିଲା ଜାତୀୟ ପୁରସ୍କାର । ଶ୍ରେଷ୍ଠ ଓଡିଆ ଚଳଚ୍ଚିତ୍ର ଭାବେ 'ଦମନ'କୁ ମିଳିଲା ପୁରସ୍କାର । ରାଷ୍ଟ୍ରପତିଙ୍କ ଠାରୁ ପୁରସ୍କାର ଗ୍ରହଣ କଲେ ପ୍ରଯୋଜକ ଓ ୨ ନିର୍ଦ୍ଦେଶକ । ଫିଲ୍ମର ପ୍ରଯୋଜକ ଦୀପେନ୍ଦ୍ର ସାମଲଙ୍କୁ ମିଳିଲା ପୁରସ୍କାର । ନିର୍ଦ୍ଦେଶକ ବିଶାଲ ମୋର୍ଯ୍ୟ ଓ ଦେବୀପ୍ରସାଦ ଲେଙ୍କା ମଧ୍ୟ ହେଲେ ପୁରସ୍କୃତ । 

ଅଧିକ ପଢନ୍ତୁ : ମିଥୁନ ଚକ୍ରବର୍ତ୍ତୀଙ୍କୁ ଆଜି ମିଳିବ ଫିଲ୍ମ ଜଗତର ସର୍ବୋଚ୍ଚ ସମ୍ମାନ

ଆଜି ଅନୁଷ୍ଠିତ ହୋଇଥିବା ୭୦ତମ ରାଷ୍ଟ୍ରୀୟ ଚଳଚ୍ଚିତ୍ର ପୁରସ୍କାରରେ ଶ୍ରେଷ୍ଠ ଅଭିନେତା, ଅଭିନେତ୍ରୀ , ଶ୍ରେଷ୍ଠ ଚଳଚ୍ଚିତ୍ର ଆଦିଙ୍କୁ ସମ୍ମାନ ଦିଆଯାଇଛି । ଫିଲ୍ମ 'କାନ୍ତାରା' ପାଇଁ ରିଷବ ସେଟ୍ଟୀଙ୍କୁ ମିଳିଛି ଜାତୀୟ ପୁରସ୍କାର ।  ଶ୍ରେଷ୍ଠ ଅଭିନେତ୍ରୀ ଭାବେ ନିତ୍ୟା ମେନନ ଏବଂ ମାନସୀ ପାରେଖ ମଧ୍ୟ ପୁରସ୍କୃତ ହୋଇଛନ୍ତି ।  ସେହିପରି ମିଥୁନ ଚକ୍ରବର୍ତ୍ତଙ୍କୁ ମିଳିଛି ଦାଦା ସାହେବ ଫାଲକେ ପୁରସ୍କାର ।