ଜେରା ବେଳେ ସେଖୋନ ଅନେକ ବଡ଼ ଖୁଲାସା କରିଛି । ଏପରିକି ବଟି ଟଙ୍କା ନଦେବା କ୍ଷେତ୍ରରେ କପିଲ ଶର୍ମାଙ୍କୁ ହତ୍ୟା କରିବା ପାଇଁ ମଧ୍ୟ ଯୋଜନା ପ୍ରସ୍ତୁତ କରାଯାଇଥିବା ବୋଲି ପୋଲିସ ନିକଟରେ ସେ କହିଛି ।

ଆଇଏସଆଇ ଅପରେଟିଭ୍ ହ୍ୟାରି ଚଥା ଏବଂ ଆକ୍ରମଣର ମାଷ୍ଟରମାଇଣ୍ଡ୍ କୁହାଯାଉଥିବା ଗ୍ୟାଙ୍ଗଷ୍ଟର ଗୋଲ୍ଡି ଢିଲୋନର ଡାହାଣ ହାତ ଭାବରେ ଚିହ୍ନଟ ସେଖୋନ । ନିଜକୁ ଲୁଚାଇ ରଖିବା ପାଇଁ ଭାରତ ପଳାଇ ଆସିଥିବା ଅଭିଯୋଗ ହୋଇଛି । ସେ ଦୁଇଜଣ ସୁଟର୍ଶଙ୍କ ସହିତ ଏକ କାରରେ ବନ୍ଧୁକ ଚଲାଉଥିବା ସିସିଟିଭିରେ ନଜର ଆସିଥିଲା । ପଚରାଉଚରା ସମୟରେ ଅନ୍ୟ ଦୁଇ ଗୁଳିଚାଳକ ଦଲଜୋତ ରେହାଲ ଏବଂ ଗୁରଜୋତର ବୋଲି ଚିହ୍ନଟ ହୋଇଥିଲେ । ଏହି ଦୁଇ ଜଣ ଆକ୍ରମଣର ଭିଡିଓ ତିଆରି କରିବା ପାଇଁ ବଡି କ୍ୟାମେରା ପିନ୍ଧିଥିଲେ ଏବଂ ଭିଡିଓ କରି ସେୟାର କରିଥିଲେ। 

ଅଧିକ ପଢ଼ନ୍ତୁ: କପିଲଙ୍କ କାନାଡା ରେଷ୍ଟୁରାଣ୍ଟରେ ଫାୟାରିଂ ଘଟଣା, ମୁଖ୍ୟ ସୁଟର ଗିରଫ

ସ୍ପେଶାଲ ପୋଲିସ କମିଶନର ଦେବେଶ ଶ୍ରୀବାସ୍ତବ କହିଛନ୍ତି, ଏକ ଚୀନ୍ ପିକ୍ସ-୩ ପିସ୍ତଲରୁ ସେଖୋନକୁ ନେଇ ତଦନ୍ତ ଆରମ୍ଭ ହୋଇଥିଲା । ଚାଲାଣକାରୀମାନେ ଲୁଧିଆନାର ଜଣେ କ୍ରେତାଙ୍କ କଥା କହିଥିଲେ, ଯାହା ଶେଷରେ ପୋଲିସକୁ ସେଖୋନ ପାଖରେ ପହଞ୍ଚାଇଥିଲା । ଜଏଣ୍ଟ ସିପି ସୁରେନ୍ଦର କୁମାର କହିଛନ୍ତି ଯେ ଜୁଲାଇରୁ କାଫେକୁ ତିନିଥର ଟାର୍ଗେଟ କରାଯାଇଛି । ଜୁଲାଇ 9ରେ ପ୍ରଥମ ଆକ୍ରମଣରେ ଜଣେ ବଡି କ୍ୟାମେରା ପିନ୍ଧିଥିବା ବ୍ୟକ୍ତି କାଫେ ଉପରେ ଗୁଳି ଚଳାଇଥିଲା । ଗୋଲ୍ଡି ଢିଲୋନଙ୍କ ସହଯୋଗୀମାନେ ସୋସିଆଲ ମିଡିଆରେ ଆକ୍ରମଣ ପାଇଁ ନିଜକୁ ଦାୟୀ କରିଥିଲେ । ସେଥିରେ କହିଥିଲେ, ଏହି ଆକ୍ରମଣ କପିଲ ଶର୍ମାଙ୍କ ଶୋ'ରେ ବିବାଦୀୟ ମନ୍ତବ୍ୟର ପ୍ରତିଶୋଧ ଥିଲା।

ଗୋଟିଏ ମାସ ମଧ୍ୟରେ କାଫେରେ ପୁଣି ଥରେ ଆକ୍ରମଣ ହୋଇଥିଲା । ଡିସିପି ସଞ୍ଜୀବ ଯାଦବଙ୍କ ଅନୁଯାୟୀ, ଆକ୍ରମଣକାରୀ ଏକ ସୋସିଆଲ ମିଡିଆ ପୋଷ୍ଟ ମାଧ୍ୟମରେ ଦାବି କରିଥିଲେ ଯେ କପିଲ ଶର୍ମା ସେମାନଙ୍କ ଫୋନର ଉତ୍ତର ଦେଇ ନାହାନ୍ତି । ଫଳରେ ପୁଣି ଥରେ ଆକ୍ରମଣ ହେବ । ସେହି ପୋଷ୍ଟରେ ମୁମ୍ବାଇରେ ବି ଆକ୍ରମଣ ପାଇଁ ଧମକ ଦିଆଯାଇଥିଲା ।

ଅକ୍ଟୋବର ୭ରେ ତୃତୀୟ ଥର ପାଇଁ ଗୁଳିକାଣ୍ଡ ଘଟିଥିଲା । ଦ୍ୱିତୀୟ ଆକ୍ରମଣର କିଛି ସମୟ ପରେ ସେଖୋନ୍ ଅଗଷ୍ଟ ୨୨ରେ କାନାଡାରୁ ପଳାଇ ଯାଇଥିଲା । ରୟାଲ୍ କାନାଡିଆନ୍ ମାଉଣ୍ଟେଡ୍ ପୋଲିସ ଗ୍ୟାଙ୍ଗ୍ ଉପରେ କାର୍ଯ୍ୟାନୁଷ୍ଠାନ ତୀବ୍ର କରିଥିଲା । ଗ୍ୟାଙ୍ଗ୍ ସଦସ୍ୟଙ୍କ ମଧ୍ୟରୁ ସିପୁ ନାମକ ଜଣେ ବ୍ୟକ୍ତିକୁ ଗିରଫ କରାଯାଇଥିଲା । ଭାରତରେ ପହଞ୍ଚିବା ପରେ ସେଖୋନ ଲୋ ପ୍ରୋଫାଇଲ୍ ଜୀବନ ବିତାଇବା ଆରମ୍ଭ କରିଥିଲା।