Hanuman Ansh / ବ୍ଳକ୍ ବ୍ଲଷ୍ଟର ହେଲା 'ହନୁମାନ ଅଂଶ', ନିର୍ଦ୍ଦେଶକ କହିଲେ ଆସିବ ଦ୍ୱିତୀୟ ଭାଗ

ମୁମ୍ବାଇ,୦୨/୦୯: ନୀମ୍ କରୌଲି ବାବାଙ୍କ ଜୀବନ ଏବଂ ଶିକ୍ଷା ଉପରେ ଆଧାରିତ, "ହନୁମାନ ଅଂଶ" ଭାରତୀୟ ବକ୍ସ ଅଫିସରେ ଧମାଲ କରୁଛି। ଏହି ଫିଲ୍ମ ପ୍ରଥମ ୨ ସପ୍ତାହ ଯାଏ ଆଦୌ ବ୍ୟବସାୟ କରିପାରିନଥିଲା । କିନ୍ତୁ ୪ର୍ଥ ସପ୍ତାହ ଏଭଳି ଚମତ୍କାର ହେଲା । ୨ କୋଟି ଟଙ୍କାର ବଜେଟ୍ ଫିଲ୍ମ ଏବେ ୫୦୦ କୋଟି ଟଙ୍କାର ଫିଲ୍ମ ‘ଟକ୍ସିକ୍’ କୁ  ଟକ୍କର ଦେଇଛି । 'ହନୁମାନ ଅଂଶ' ଏପରି ମ୍ୟାଜିକ୍ କରିବ ବୋଲି ନିଜେ ନିର୍ଦ୍ଦେଶକ ବି କଳ୍ପନା କରିନଥିଲେ । ଏହି ଚଳଚ୍ଚିତ୍ରଟି ଚଳିତ ବର୍ଷର ସବୁଠାରୁ ସଫଳ ହିନ୍ଦୀ ଚଳଚ୍ଚିତ୍ର ବୋଲି କୁହାଯାଉଛି।  ଏହି ଚଳଚିତ୍ର ୨ କୋଟି ଟଙ୍କା ବଜେଟରେ ୬୦ କୋଟି ଟଙ୍କାର ବ୍ୟବସାୟ କରିଛି । 'ହନୁମାନ ଅଂଶ' ପାର୍ଟ ୨ ଉପରେ କାମ ଆରମ୍ଭ ହୋଇଯାଇଛି । ଖୁବଶୀଘ୍ର ସିକ୍ୟୁଲ ଆସିବ ବୋଲି  କହିଛନ୍ତି ଏହାର ନିର୍ଦ୍ଦେଶକ ବିଶାଲ ଚତୁର୍ବେଦୀ ।

'ହନୁମାନ ଅଂଶ'ର ଘୋଷଣା

'ହନୁମାନ ଅଂଶ'ର ସିକ୍ୱେଲ୍ ବ୍ଲକବଷ୍ଟର ହୋଇଛି। ଏହାର କ୍ଲାଇମାକ୍ସ ସ୍ପଷ୍ଟ ଭାବରେ ସୂଚାଇ ଦେଉଥିଲା ଯେ ଫିଲ୍ମର କାହାଣୀ ଏପର୍ଯ୍ୟନ୍ତ ଶେଷ ହୋଇନାହିଁ। ଫିଲ୍ମର ଶେଷରେ ଦେଖାଯାଇଥିବା ସ୍ଲେଟରେ ଉଲ୍ଲେଖ କରାଯାଇଛି ଯେ ନିମ୍ କରୋଲି ବାବାଙ୍କ ଯାତ୍ରା ଏବଂ ତାଙ୍କ ଜୀବନର କାହାଣୀ ଆହୁରି ଆଗକୁ ବଢ଼ିବ। ତେଣୁ, ସିକ୍ୱେଲ୍ ବିଷୟରେ ଦର୍ଶକଙ୍କ ମଧ୍ୟରେ ବହୁତ ଉତ୍ସାହ ରହିଛି। ପ୍ରତିଶ୍ରୁତି ଅନୁଯାୟୀ, ଫିଲ୍ମର ଲେଖକ-ନିର୍ଦ୍ଦେଶକ ବିଶାଲ ଚତୁର୍ବେଦୀ ଏହାର ସିକ୍ୱେଲ୍ ଉପରେ କାମ ଆରମ୍ଭ କରିଛନ୍ତି। ଆଗ୍ରାର ଏକ ମଲ୍ଟିପ୍ଲେକ୍ସରେ ଦର୍ଶକଙ୍କୁ ଭେଟିବା ସମୟରେ, 'ହନୁମାନ ଅଂଶ'ର ବିଶାଲ ଚତୁର୍ବେଦୀ ନିଜେ କହିଥିଲେ ଯେ ଫିଲ୍ମର ଦ୍ୱିତୀୟ ଭାଗ ଉପରେ କାମ ଆରମ୍ଭ ହୋଇସାରିଛି।  ଗଣମାଧ୍ୟମ ସହିତ କଥାବାର୍ତ୍ତା କରି ସେ ଏହା ମଧ୍ୟ ପ୍ରକାଶ କରିଛନ୍ତି ଯେ ଆଗାମୀ ଚଳଚ୍ଚିତ୍ରଟି ନିମ କରୋଲି ବାବାଙ୍କ ଜୀବନର ଗୁରୁତ୍ୱପୂର୍ଣ୍ଣ ଅଧ୍ୟାୟଗୁଡ଼ିକୁ ଚିତ୍ରଣ କରିବ, ଯେଉଁଥିରେ ଫିରୋଜାବାଦରେ ତାଙ୍କ ଜନ୍ମସ୍ଥାନ ମଧ୍ୟ ଅନ୍ତର୍ଭୁକ୍ତ। କାହାଣୀରେ ତାଙ୍କ ଜୀବନ ଏବଂ ଆଗ୍ରା, ମଥୁରା ଏବଂ ଅନ୍ୟାନ୍ୟ ସ୍ଥାନରେ ଆଧ୍ୟାତ୍ମିକ ଯାତ୍ରା ବିଷୟରେ ବିସ୍ତୃତ ଭାବରେ ବର୍ଣ୍ଣନା କରାଯିବ। 
       
୨୬ ଦିନରେ କେତେ ରୋଜଗାର କରିଛି?

ବଲିଉଡର ଭକ୍ତିପୂର୍ଣ୍ଣ ସିନେମା "ହନୁମାନ ଅଂଶ" ଏହାର ଚତୁର୍ଥ ମଙ୍ଗଳବାର, ମୁକ୍ତିଲାଭର ୨୬ତମ ଦିନରେ ଅସାଧାରଣ ଭାବରେ ଭଲ ପ୍ରଦର୍ଶନ କରି ₹୮.୫ କୋଟି ଆୟ କରିଛି। ଏହା ସହିତ, ଫିଲ୍ମଟି ଭାରତୀୟ ବକ୍ସ ଅଫିସରେ ୫୪.୧୩ କୋଟି ଆୟ କରିଛି, ଯାହା ଏହାର ମୋଟ ଆୟ ୬୩.୮୭ କୋଟି କରିଛି
'ହନୁମାନ ଅଂଶ' ୨ରେ ଦେଖିବାକୁ ମିଳିବ ଏହି କାହାଣୀ

ପଢନ୍ତୁ ଏହି ଖବର: କୋଟି କୋଟି ଟଙ୍କାର ଅଫରକୁ ପ୍ରତ୍ୟାଖାନ କଲେ ମଲ୍ଲିକା! କହିଲେ ମୁଁ ଯିବି ନାହିଁ

ନିକଟରେ ହନୁମାନ ଅଂଶଙ୍କ ଟିମ୍ ଆଗ୍ରାର ମଲ୍ଟିପ୍ଲେକ୍ସକୁ ଯାଇଥିଲେ, ଯେଉଁଠାରେ ସେମାନେ ଥିଏଟରରେ ବସିଥିବା ଦର୍ଶକଙ୍କୁ ଭେଟିଥିଲେ । ସେ କହିଛନ୍ତି, ଚଳଚ୍ଚିତ୍ର ଦ୍ୱିତୀୟ ଭାଗରେ ବାବା ନିମ୍ କରୋଲିଙ୍କ ଜନ୍ମସ୍ଥାନ ଫିରୋଜାବାଦ ଉପରେ ଫୋକସ୍ କରାଯିବ । ଏହା ପରେ କାହାଣୀ ଆଗ୍ରା-ମଥୁରା ତାଙ୍କ ଜୀବନକୁ ଦର୍ଶାଇବ । ନିର୍ଦ୍ଦେଶକ ବିଶାଲ ଚତୁର୍ବେଦୀ ଏହି ଚଳଚ୍ଚିତ୍ରର ୩ଟି ଭାଗରେ ବାବା ନିମ କରୋଲିଙ୍କ ଜୀବନକୁ ଦେଖାଇବାକୁ ଚାହୁଁଛନ୍ତି । 
ଷ୍ଟାରକାଷ୍ଟରେ
ଏହି ଚଳଚିତ୍ରରେ ଶୋଭିନବ ସତ୍ୟ, ଚନ୍ଦନ ଆନନ୍ଦ, ପୂର୍ଣ୍ଣିମା ତିୱାରୀ ଏବଂ ବିହାନ ଶେଡଗେ ଅଭିନୟ କରିଛନ୍ତି।  ଫିଲ୍ମଟି ଅଗଷ୍ଟ ୭ ତାରିଖରେ ସିନେମା ହଲରେ ମୁକ୍ତିଲାଭ କରିଥିଲା।