କୁହାଯାଏ ଦୁନିଆରେ ସବୁ ମିଛ କେବଳ ମୃତ୍ୟୁ ହିଁ ସତ। ମାତ୍ର ୨୯ ବର୍ଷରେ ଦୁନିଆକୁ ଅଲବିଦା କହିଛନ୍ତି କଣେ ଅଭିନେତ୍ରୀ। କାମ ନମିଳିବାରୁ ଚାଲିଗଲା ଜୀବନ। ଏଖବର ପରେ ହିରୋଇନଙ୍କ ଫ୍ୟାନ୍ସମାନେ ମଧ୍ୟ ଚିନ୍ତା ପ୍ରକଟ କରୁଛନ୍ତି। ହରିୟାଣାର ଜଣାଶୁଣା ତଥା ପ୍ରତିଭାବାନ ଅଭିନେତ୍ରୀ ଦିବ୍ୟଙ୍କା ସିରୋହୀଙ୍କର ମାତ୍ର ୨୯ ବର୍ଷ ବୟସରେ ଦେହାନ୍ତ ହୋଇଛି। ଏପ୍ରିଲ ୨୧ ତାରିଖରେ ନିଜ ବାସଭବନରେ ହୃଦଘାତ (Heart attack) ଯୋଗୁଁ ତାଙ୍କର ମୃତ୍ୟୁ ହୋଇଥିବା ବେଳେ ଏହି ଖବର ସାରା କଳା ଜଗତରେ ଶୋକର ଛାୟା ଖେଳାଇ ଦେଇଛି।ପରିବାର ପକ୍ଷରୁ ଏପ୍ରିଲ ୨୨ ସକାଳେ ତାଙ୍କର ଶେଷକୃତ୍ୟ (Last rites) ସମ୍ପନ୍ନ କରାଯାଇଛି, ତେବେ କୌଣସି ଶବ ବ୍ୟବଚ୍ଛେଦ (Post-mortem) କରାଯାଇ ନାହିଁ।

ମୂଳତଃ ବୁଲନ୍ଦସହରର ବାସିନ୍ଦା ଦିବ୍ୟଙ୍କା ହରିୟାଣବୀ ମ୍ୟୁଜିକ ଇଣ୍ଡଷ୍ଟ୍ରିର ଏକ ଜଣାଶୁଣା ଚେହେରା ଥିଲେ। 'ଭିଲେନ୍ ଏଗେନ୍' (Villain Again) ଏବଂ 'ବଦମାସାଁ କା ବ୍ୟାହ' (Badmashan Ka Byah) ଭଳି ଅନେକ ହିଟ୍ ଗୀତରେ ସେ ଅଭିନୟ କରିଥିଲେ। ଇନଷ୍ଟାଗ୍ରାମରେ ତାଙ୍କର ୧.୩ ମିଲିୟନରୁ ଅଧିକ ଫଲୋଅର୍ସ (Followers) ରହିଥିଲେ। ମୃତ୍ୟୁର ମାତ୍ର କିଛି ମାସ ପୂର୍ବରୁ ସେ 'ଅଙ୍ଗଦ' (Angad) ନାମକ ଏକ ସିନେମାର ସୁଟିଂ ଶେଷ କରିଥିଲେ, ଯାହା ଏବେ ମୁକ୍ତିଲାଭ ଅପେକ୍ଷାରେ ରହିଛି।

ଏଥିସହ ପଢ଼ନ୍ତୁ: ଦିନେ ଏକାଠି ଖେଳୁଥିଲେ, ଏବେ କୋହଲିଙ୍କ ବାୟୋପିକ୍‌ରେ ଅଭିନୟ କରିବାକୁ ଚାହୁଁଛନ୍ତି ଏହି ଅଭିନେତା

ଏପ୍ରିଲ ୨୧ରେ ହୃଦଘାତ ଯୋଗୁଁ ଦେହାନ୍ତ ହୋଇଥିବା ବେଳେ ଡାକ୍ତରଖାନାରେ ତାଙ୍କୁ ମୃତ ଘୋଷଣା (Pronounced dead on arrival) କରାଯାଇଥିଲା। ପ୍ରାଥମିକ ସୂଚନା ଅନୁଯାୟୀ, ଅତ୍ୟଧିକ ମାନସିକ ଚାପ (Significant stress) ଯୋଗୁଁ ତାଙ୍କର ସ୍ୱାସ୍ଥ୍ୟ ବିଗିଡି ଯାଇଥିବା କୁହାଯାଉଛି। କାମର ଅଭାବ ଏବଂ ଆର୍ଥିକ ସଙ୍କଟ (Financial struggles) ଯୋଗୁଁ ସେ ଦୀର୍ଘ ଦିନ ଧରି ଚିନ୍ତାରେ ଥିବା ସୂଚନା ମିଳିଛି।

.ଅଭିନେତ୍ରୀଙ୍କ ମୃତ୍ୟୁକୁ ନେଇ ବଢୁଛି ରହସ୍ୟ:

ଦିବ୍ୟଙ୍କାଙ୍କ ମୃତ୍ୟୁ ପରେ ଅନେକ ପ୍ରଶ୍ନବାଚୀ ସୃଷ୍ଟି ହୋଇଛି। ବିନା ଶବ ବ୍ୟବଚ୍ଛେଦରେ ପରିବାର ଲୋକ ଅତି ଶୀଘ୍ର ଶେଷକୃତ୍ୟ ସମ୍ପନ୍ନ କରିବାକୁ ନେଇ ଚର୍ଚ୍ଚା ଜୋର ଧରିଛି। ତେବେ ପରିବାର ପକ୍ଷରୁ କୌଣସି ସନ୍ଦେହଜନକ କାର୍ଯ୍ୟକଳାପ (Foul play) କୁ ମନା କରାଯାଇଛି। କୌଣସି ପୋଲିସ ଅଭିଯୋଗ ନକରି ପରିବାର ଲୋକ ଏହି ମାମଲାକୁ ଶେଷ କରିବାକୁ ଚାହୁଁଥିବା ଜଣାପଡିଛି।

.ମୃତ୍ୟୁ ପୂର୍ବରୁ ଘରେ ଏକା ଥିଲେ ଦିବ୍ୟଙ୍କା:

ଏପ୍ରିଲ ୨୧ରେ ଯେତେବେଳେ ଏହି ଘଟଣା ଘଟିଲା, ସେତେବେଳେ ଦିବ୍ୟଙ୍କା ନିଜ ଗାଜିଆବାଦ ସ୍ଥିତ ବାସଭବନରେ ଏକା ଥିଲେ। ହୃଦଘାତ ଯୋଗୁଁ ସେ ହଠାତ୍ ତଳେ ପଡିଯାଇଥିଲେ ଏବଂ ତାଙ୍କ ମୁଣ୍ଡରେ ଗଭୀର ଆଘାତ (Head injuries) ଲାଗିଥିଲା। ପରିବାର ଲୋକ ଘରକୁ ଫେରିବା ବେଳକୁ ସେ ଶେଷ ନିଶ୍ୱାସ ତ୍ୟାଗ କରିସାରିଥିଲେ। ତେବେ ତାଙ୍କ ଭାଇ ଦୀପାଂଶୁ କହିଛନ୍ତି ଯେ, କାମର ଚାପ କିମ୍ବା ଆର୍ଥିକ ସମସ୍ୟା ନେଇ ସେ କେବେ ପରିବାର ସହ ଆଲୋଚନା କରିନଥିଲେ। ରିପୋର୍ଟ ଅନୁଯାୟୀ, ଦିବ୍ୟଙ୍କା ଗତ କିଛି ଦିନ ହେବ ବଡ଼ ଧରଣର ଆର୍ଥିକ ସଙ୍କଟ ଦେଇ ଗତି କରୁଥିଲେ। ଅଭିନୟ କ୍ଷେତ୍ରରେ ପର୍ଯ୍ୟାପ୍ତ ସୁଯୋଗ ମିଳୁନଥିବାରୁ ସେ ମାନସିକ ସ୍ତରରେ ଭାଙ୍ଗି ପଡିଥିଲେ। ମୃତ୍ୟୁର ପ୍ରାୟ ଦୁଇ ସପ୍ତାହ ପୂର୍ବରୁ ସେ ଜଣେ ବନ୍ଧୁଙ୍କୁ ଆର୍ଥିକ ସହାୟତା ମଧ୍ୟ ମାଗିଥିବା ଜଣାପଡିଛି। ତାଙ୍କ ସହ କାମ କରିଥିବା କଳାକାର ବିନ୍ଦର ଦାନୋଦା କହିଛନ୍ତି ଯେ, ନୂଆ ପ୍ରୋଜେକ୍ଟ ନ ମିଳିବାରୁ ସେ ସବୁବେଳେ ବ୍ୟତିବ୍ୟସ୍ତ (Anxiety) ରହୁଥିଲେ।

ଅଧିକ ପଢ଼ନ୍ତୁ ମନୋରଞ୍ଜନ ଖବର: