Hina Khan Lock Upp 2 / Lock UPP-2ରେ ମୁହାଁମୁହିଁ ହେବେ ହୀନା ଖାନ-ଶିଳ୍ପା ସିନ୍ଦେ ! ଆସିଲା ବଡ଼ ଅପଡେଟ୍

ମୁମ୍ବାଇ: ନେଟଫ୍ଲିକ୍ସ ରିଆଲିଟି ଗେମ୍ ଶୋ’ରେ ହିନା ଖାନଙ୍କ ପ୍ରବେଶ ସହିତ ଲକ୍ ଅପ୍ ସିଜିନ୍ -୨ରେ ଏକ ବଡ଼ ମୋଡ଼ ପାଇଁ ପ୍ରସ୍ତୁତ ହେଉଛି । ହିନା ଏକ ସ୍ୱତନ୍ତ୍ର ପ୍ରତିଯୋଗୀ ଭାବେ ଶୋ’କୁ ଆସିବେ ଏବଂ ଏହା ପ୍ରତିଯୋଗୀ ଶିଳ୍ପା ସିନ୍ଦେଙ୍କ ସହିତ ଏକ ବଡ଼ ମୁକାବିଲା ହେବାର ସମ୍ଭାବନା ଅଛି । କାରଣ ଉଭୟଙ୍କ ମଧ୍ୟରେ ପୂର୍ବରୁ ସମ୍ପର୍କ ଭଲ ନାହିଁ । ଉଭୟ ପୂର୍ବରୁ ଏକ ରିଆଲିଟି ଶୋ'ରେ ବାରମ୍ବାର ମୁହାଁମୁହିଁ ହେବାର ଦେଖିବାକୁ ମିଳିଛି ।

ଇଣ୍ଡିଆ ଫୋରମର ଏକ ରିପୋର୍ଟ ଅନୁଯାୟୀ, ଆଗାମୀ ଏପିସୋଡଗୁଡ଼ିକରେ ହିନା ଖାନ ଏବଂ ଉରଫି ଜାଭେଦ ଲକ୍ ଅପ୍ -୨ରେ ସ୍ୱତନ୍ତ୍ର ଅତିଥି ଭାବରେ ପ୍ରବେଶ କରିବେ । ନିର୍ମାତାମାନେ ଏପର୍ଯ୍ୟନ୍ତ ଶୋ'ରେ ହିନା ଖାନଙ୍କ ଉପସ୍ଥିତି ନିଶ୍ଚିତ କରିନାହାଁନ୍ତି । ମାତ୍ର ହିନାଙ୍କ ଏଣ୍ଟ୍ରିକୁ ନେଇ ଏବେ ଜୋରଦାର ଚର୍ଚ୍ଚା ହେଉଛି ।

• ଉଭୟଙ୍କ ମଧ୍ୟରେ ସମ୍ପର୍କ କିପରି ?

ହିନା ଖାନ ଏବଂ ଶିଳ୍ପା ସିନ୍ଦେଙ୍କ ମଧ୍ୟରେ ବିବାଦ ନୂଆ ନୁହେଁ। ଏହା ସେମାନଙ୍କର ବିଗ୍ ବସ୍ ୧୧ ସିଜିନରୁ ଆରମ୍ଭ ହୋଇଥିଲା, ଯେଉଁଠାରେ ଦୁଇ ପ୍ରତିଯୋଗୀ ପରସ୍ପର ମଧ୍ୟରେ ବିବାଦର ସମ୍ମୁଖୀନ ହୋଇଥିଲେ । ଶିଳ୍ପା ନିକଟରେ ଭାରତୀ ସିଂହଙ୍କ ପୋଡକାଷ୍ଟରେ ଏହି କଥାକୁ ସ୍ୱୀକାର କରିବା ପରେ ସେମାନଙ୍କର ପ୍ରତିଦ୍ୱନ୍ଦ୍ୱିତା ପୁଣି ଥରେ ସାମ୍ନାକୁ ଆସିଥିଲା ​​। ସେଥିରେ ଜଣାପଡ଼ିଥିଲା ଯେ ଶିଳ୍ପା ପ୍ରଯୋଜକ ସଞ୍ଜୟ କୋହଲିଙ୍କ ବିରୁଦ୍ଧରେ ଏକ ମିଥ୍ୟା ଯୌନ ନିର୍ଯାତନା ଅଭିଯୋଗ ଆଣିଥିଲେ ।

• ଅନଲାଇନରେ ପ୍ରତିକ୍ରିୟା ରଖିଥିଲେ ହିନା

ଶିଳ୍ପାଙ୍କ ଏହି ସ୍ୱୀକାରୋକ୍ତି ଉପରେ ହିନା ଖାନ ଅନଲାଇନରେ ପ୍ରତିକ୍ରିୟା ରଖିଥିଲେ ଏବଂ ଏହାକୁ "ସମ୍ପୂର୍ଣ୍ଣ ଲଜ୍ଜାଜନକ" ବୋଲି କହିଥିଲେ। ତାଙ୍କ ଇନଷ୍ଟାଗ୍ରାମ ଷ୍ଟୋରୀରେ ଏକ ଲମ୍ବା ନୋଟ୍ ସେୟାର କରି ହିନା ଲେଖିଥିଲେ, "ହଁ, ଏକ କେସ୍ ଜିତିବା ପାଇଁ କାହାର ଛବିକୁ ଖରାପ କରିବା ଏବଂ ତାଙ୍କ ଉଦ୍ଦେଶ୍ୟରେ ଯୌନ ଶୋଷଣ ସମ୍ପନ୍ଧୀୟ ମିଥ୍ୟା ଅଭିଯୋଗ ଆଣିବା ସମ୍ପୂର୍ଣ୍ଣ ଲଜ୍ଜାଜନକ । ମୁଁ ସତରେ ଆଶ୍ଚର୍ଯ୍ୟ।" ଏହାପରେ ପ୍ରଯୋଜକ କୋହଲିଙ୍କୁ "ପ୍ରକୃତ ପୀଡିତା" ବୋଲି ମଧ୍ୟ ବର୍ଣ୍ଣନା କରିଥିଲେ ।

• ହିନାଙ୍କ ରୋଗକୁ ନେଇ ଏମିତି କହିଥିଲେ ଶିଳ୍ପା

ହିନା ଅନଲାଇନରେ ଏହି ମତ ରଖିବା ପରେ ଶିଳ୍ପାଙ୍କ ପାଲଟା ମତ ପ୍ରକାଶ ପାଇଥିଲା । ସେ କହିଥିଲେ କିଛି ଲୋକ ତାଙ୍କ ନାଁରେ ପବ୍ଲିସିଟି ନେଉଛନ୍ତି । ଯଦି ଲୋକଙ୍କ ଧ୍ୟାନ ଆକର୍ଷଣ କରିବାକୁ ଅଛି ତେବେ ନିଜ ରୋଗର ବ୍ୟବହାର କରିବାକୁ ହିନାଙ୍କୁ କହିଥିଲେ ଶିଳ୍ପା । ଶିଳ୍ପା କହିଥିଲେ, "ଆପଣଙ୍କର ଅସୁସ୍ଥତା ଅଛି; ଆପଣଙ୍କ ପରିବାରରେ ମୃତ୍ୟୁ ଘଟିଛି, ତେବେ ଆପଣ ପବ୍ଲିସିଟି ପାଇଁ କାହିଁକି ଶିଳ୍ପା ସିନ୍ଦେର ନାଁକୁ ଆବଶ୍ୟକ କରନ୍ତି ?" ଏଠାରେ କହିରଖୁଛୁ କି ହିନା ଖାନ ୨୦୨୪ରେ ଷ୍ଟେଜ-୩ ସନ୍ତନ କର୍କଟ ରୋଗରେ ପୀଡ଼ିତ ଥିଲେ । ତାଙ୍କର ଚିକିତ୍ସା ଜାରି ରହିଥିବାବେଳେ ସେ ସୁସ୍ଥ ହେଉଛନ୍ତି ।

ସୂଚନା ଥାଉ କି, ଲକ୍ ଅପ୍ -୨ର ନୂତନ ଏପିସୋଡ୍ ଶନିବାରରୁ ଗୁରୁବାର ରାତି ୮ଟାରେ ରିଲିଜ୍ ହେବ । ଏହି ଶୋ’ଟି Netflixରେ ଷ୍ଟ୍ରିମିଂ ହେଉଛି।

ଅଧିକ ମନୋରଞ୍ଜନ ସମ୍ବନ୍ଧୀୟ ଖବର ପଢନ୍ତୁ