ମୁମ୍ବାଇ: ଟେଲିଭିଜନର ଲୋକପ୍ରିୟ ଅଭିନେତ୍ରୀ ଜେନିଫର ୱିଙ୍ଗେଟ୍ ତାଙ୍କ ବ୍ୟକ୍ତିଗତ ଜୀବନ ପାଇଁ ସବୁବେଳେ ଖବରର ଶିରୋନାମାରେ ରହିଥାନ୍ତି । ସୋସିଆଲ ମିଡିଆରୁ ଖବର ପର୍ଯ୍ୟନ୍ତ ଜେନିଫରଙ୍କ ଦ୍ୱିତୀୟ ବିବାହ ଏବେ ଚର୍ଚ୍ଚାର ବିଷୟ ପାଲଟିଛି । ଛାଡ଼ପତ୍ରର ଦୀର୍ଘ ୧୨ବର୍ଷ ପରେ ପୁଣିଥରେ ସେ ବିବାହ କରିଛନ୍ତି । ତେବେ ଜେନିଫରଙ୍କ ସ୍ୱାମୀ ୱିଲିୟମ୍ ଇସମାଏଲଙ୍କ ପାଖରେ କେତେ ସମ୍ପତ୍ତି ଅଛି ଆସନ୍ତୁ ଜାଣିବା ।

• ୱିଲିୟମ୍ ଇସମାଏଲଙ୍କର କେତେ ସମ୍ପତ୍ତି ଅଛି?

ଯଦିଓ ୱିଲିୟମ୍ ଇସମାଏଲ୍ ବିଷୟରେ ଅନଲାଇନରେ ବହୁତ ସୂଚନା ଉପଲବ୍ଧ ନାହିଁ, କିଛି ଗଣମାଧ୍ୟମ ରିପୋର୍ଟ ଅନୁଯାୟୀ ତାଙ୍କର ବ୍ୟକ୍ତିଗତ ସମ୍ପତ୍ତି ₹୪୨ କୋଟିରୁ ₹୩୦୦ କୋଟି ପର୍ଯ୍ୟନ୍ତ ହୋଇପାରେ । ଜେନିଫରଙ୍କ ମୋଟ ସମ୍ପତ୍ତି ହେଉଛି ୪୫କୋଟିରୁ ୫୮ କୋଟି । ଜେନିଫର ୱିଙ୍ଗେଟ୍‌ଙ୍କ ସ୍ଵାମୀ ୱିଲିୟମ୍ ଇସମାଏଲ୍, ଜଣେ ସିଙ୍ଗାପୁରର ବ୍ୟବସାୟୀ ଯିଏକି ଫିନଟେକ୍ ଏବଂ ବାଣିଜ୍ୟ କ୍ଷେତ୍ରରେ କାର୍ଯ୍ୟ କରନ୍ତି। ସେ MHC ଡିଜିଟାଲ୍ ଗ୍ରୁପ୍‌ରେ ବ୍ୟବସାୟ ବିକାଶ ଏବଂ ବାଣିଜ୍ୟ ନିର୍ଦ୍ଦେଶକ ପଦବୀରେ ମଧ୍ୟ ଅଛନ୍ତି।

• ଚର୍ଚ୍ଚାରେ ୱିଲିୟମ୍ ଏବଂ ଜେନିଫରଙ୍କ ବିବାହ

ଟେଲିଭିଜନର ଲୋକପ୍ରିୟ ଅଭିନେତ୍ରୀ ଜେନିଫର ୱିଙ୍ଗେଟ୍ ଗୁରୁବାର ତାଙ୍କ ଜୀବନର ଏକ ନୂତନ ଅଧ୍ୟାୟ ଆରମ୍ଭ କରିଛନ୍ତି । ସେ ୟୁକେରେ ସିଙ୍ଗାପୁରର ବ୍ୟବସାୟୀ ୱିଲିୟମ୍ ଇସମାଇଲଙ୍କୁ ବିବାହ କରିଛନ୍ତି । କେବଳ ପରିବାର ଏବଂ ନିକଟତର ବନ୍ଧୁମାନେ ଏହି ବିବାହ ଉତ୍ସବରେ ଯୋଗ ଦେଇଥିଲେ। ଜେନିଫର ନିଜର ପ୍ରେମ ସମ୍ପର୍କକୁ ଲାଇମଲାଇଟ୍ ଠାରୁ ଦୂରରେ ରଖିଥିଲେ । ଆଉ ଏବେ ବିବାହ କରି ୱେଡିଂ ଫଟୋକୁ ସୋସିଆଲ ମିଡିଆରେ ସେୟାର କରି ପ୍ରଶଂସକମାନଙ୍କୁ ଆଶ୍ଚର୍ଯ୍ୟଚକିତ କରିଛନ୍ତି। ସେମାନଙ୍କର ଚମତ୍କାର ବିବାହ ଫଟୋଗୁଡ଼ିକ ପ୍ରଶଂସକଙ୍କ ହୃଦୟ ଜିତିଛି।

ପଢନ୍ତୁ ଏହି ଖବର: ବିଦେଶୀଙ୍କୁ ବିବାହ କଲେ ଚର୍ଚ୍ଚିତ ଅଭିନେତ୍ରୀ ଜେନିଫର ୱିଙ୍ଗେଟ୍, ଚର୍ଚ୍ଚରେ କଲେ ହ୍ଵାଇଟ୍ ୱେଡିଂ

• କରଣ ସିଂ ଗ୍ରୋଭରଙ୍କ ଠାରୁ ଛାଡପତ୍ର

ସୂଚନା ଥାଉ କି ଜେନିଫର ୱିଙ୍ଗେଟ୍ ଟେଲିଭିଜନ ଅଭିନୟ ଜଗତରେ ଏକ ବଡ଼ ନାମ ଏବଂ ତାଙ୍କର ଏକ ବଡ଼ ପ୍ରଶଂସକ ଅଛନ୍ତି । ଏହା ବ୍ୟତୀତ ତାଙ୍କର ବ୍ୟକ୍ତିଗତ ଜୀବନ ପ୍ରାୟତଃ ଖବରରେ ରହିଆସିଛି । କିଛି ବର୍ଷ ଡେଟିଂ କରିବା ପରେ ଅଭିନେତ୍ରୀ ଏପ୍ରିଲ ୯, ୨୦୧୨ରେ ତାଙ୍କର "ଦିଲ୍ ମିଲ୍ ଗୟେ" ସହ-କଳାକାର କରଣ ସିଂ ଗ୍ରୋଭରଙ୍କୁ ବିବାହ କରିଥିଲେ । କିନ୍ତୁ ସେମାନଙ୍କର ବିବାହ ଦୁଇ ବର୍ଷ ମଧ୍ୟରେ ଶେଷ ହୋଇଗଲା ଏବଂ ସେମାନେ ୨୦୧୪ରେ ଅଲଗା ହୋଇଥିଲେ । ଏହାପରେ କରଣ ସିଂ ଗ୍ରୋଭର ବଲିଉଡର ବ୍ଲାକ୍ୟ ବ୍ୟୁଟି ବିପାସା ବଷୁଙ୍କୁ ବିବାହ କରିଥିଲେ ।