ପୁଣି ଚର୍ଚ୍ଚାରେ ବଲିଉଡ ଅଭିନେତ୍ରୀ କରୀନା କପୁର ଖାନ୍‌। ଷ୍ଟାଡିୟମ୍ ମଝିରେ ପ୍ରବଳ ପାଟି କଲେ କରୀନା। ଯେଉଁ କବର ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ତେବେ କାହାକୁ ଗାଳି କଲେ ଆଉ କାହିଁକି ଗାଳି କଲେ ବୋଲି ସବୁଠି ଚର୍ଚ୍ଚା। କରୀନା କପୁରଙ୍କୁ ବଲିଉଡର ସବୁଠାରୁ ଷ୍ଟାଇଲିସ୍ ଏବଂ ବୋଲ୍ଡ ଅଭିନେତ୍ରୀମାନଙ୍କ ମଧ୍ୟରୁ ଜଣେ। କିନ୍ତୁ ଆପଣ କେବେ ବାସ୍ତବ ଜୀବନରେ ଏହି ଅଭିନେତ୍ରୀଙ୍କ ରାଗିବାର ଚେହେରା ଦେଖିଛନ୍ତି କି? ବର୍ତ୍ତମାନ ଏହା ଭାଇରାଲ ହେବାରେ ଲାଗିଛି।

IPL ୨୦୨୬ର ସିଜିନ୍ ବର୍ତ୍ତମାନ ଚାଲିଛି ଏବଂ ସମଗ୍ର ପଟୌଦି ପରିବାର - କରୀନା କପୁର, ତାଙ୍କ ଦୁଇ ପୁଅ ତୈମୁର ଏବଂ ଜେହ, ସୈଫ ଅଲ୍ଲୀ ଖାନ ଏବଂ ସାବତ ପୁଅ ଇବ୍ରାହିମ୍ ଅଲ୍ଲୀ ଖାନଙ୍କୁ ନେଇ ମ୍ୟାଚ୍ ଦେଖିବା ପାଇଁ ୱାଙ୍ଖେଡେ ଷ୍ଟାଡିୟମରେ ପହଞ୍ଚିଥିଲେ। ଖେଳ ସମୟରେ କରୀନାଙ୍କ ଅନେକ ଫଟୋ ସାମ୍ନାକୁ ଆସିଥିଲା। ଯେଉଁଥିରେ ସେ ମ୍ୟାଚ୍ ଉପଭୋଗ କରୁଥିବା ଦେଖାଯାଇଥିଲା। ସମଗ୍ର କାର୍ଯ୍ୟକ୍ରମ ସମୟରେ, କରୀନା କପୁର ବହୁତ ଖୁସି ନଜର ଆସିଥିବାର ଦେଖିବାକୁ ମିଳିଛି।

କରୀନା କପୁର ଖାନ ତାଙ୍କ ସ୍ୱାମୀ ସୈଫ୍ ଅଲ୍ଲୀ ଖାନ, ପୁଅ ତୈମୁର ଏବଂ ଜେହ ଏବଂ ପୁଅ ଇବ୍ରାହିମ୍ ଅଲ୍ଲୀ ଖାନଙ୍କ ସହିତ ମୁମ୍ବାଇ ଇଣ୍ଡିଆନ୍ସ (MI) ବନାମ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ (RCB) ମ୍ୟାଚ୍ ଦେଖିବାକୁ ଆସିଥିଲେ। ଏହି ମଧ୍ୟରେ ପ୍ରଶଂସକମାନେ ତାଙ୍କ ସମଗ୍ର ପରିବାରକୁ ଲିଫ୍ଟ ପାଖରେ ଘେରି ଯାଇଥିଲେ। ଯାହା ଫଳରେ କରୀନା ମୁହଁରେ ଚିଡ ଚିଡାପଣ ସ୍ପଷ୍ଟ ଭାବରେ ନଜର ଆସୁଥିଲା।

.ପ୍ରଶଂସକଙ୍କ ଗହଳି:

କରୀନା ଉତ୍ସାହର ସହିତ ମ୍ୟାଚ୍ ସ୍ଥାନରୁ ବାହାରି ଆସିଥିଲେ। ସେ ଷ୍ଟାଡିୟମ ଭିତରେ ଲିଫ୍ଟ ପାଇଁ ଅପେକ୍ଷା କରିଥିଲେ। କିନ୍ତୁ, ହଠାତ୍ ତାଙ୍କୁ ଦେଖି ପ୍ରଶଂସକଙ୍କ ମାନେ ଘେରିଯାଇଥିଲେ। ଏବଂ ସମସ୍ତେ ଫଟୋ ପାଇଁ ଚିତ୍କାର କରିବାକୁ ଲାଗିଲେ। ଭିଡିଓରେ ସ୍ପଷ୍ଟ ଭାବରେ ଦେଖାଯାଉଛି ଯେ ପ୍ରଶଂସକମାନେ ବ୍ୟକ୍ତିଗତ ସ୍ଥାନ କିମ୍ବା ସୀମାକୁ କୌଣସି ଗୁରୁତ୍ୱ ନ ଦେଇ କରୀନା ଏବଂ ତାଙ୍କ ସମଗ୍ର ପରିବାର ସହିତ ଫଟୋ ଉଠାଉଛନ୍ତି। ଏପରି ପରିସ୍ଥିତି ଯାହା କରୀନା ଟିକେ ବି ପସନ୍ଦ ଆସିନଥିଲା। ସେ ଘଟଣାସ୍ଥଳରେ ଉପସ୍ଥିତ କର୍ମଚାରୀ କିମ୍ବା ଟିମ୍‌ କର୍ମଚାରୀଙ୍କ ସହ ମୁହାଁମୁହିଁ ହୋଇଥିଲେ।

ଏଥିସହ ପଢ଼ନ୍ତୁ: କରୀନାଙ୍କ ଖୁଲାସା , ୨ ମାସ ଧରି ଶାହିଦଙ୍କର କରୁଥିଲେ ପିଛା ....

ଏହି ବିଶୃଙ୍ଖଳିତ ଆଚରଣ ଦେଖି, ସୈଫ ମଧ୍ୟ କହିଲେ, "ଏଠାରେ କ'ଣ ହେଉଛି?" ଏହାର କିଛି ସମୟ ପରେ, ସମଗ୍ର ପରିବାର ଶୀଘ୍ର ଲିଫ୍ଟ ଭିତରକୁ ଚାଲିଗଲେ। ଏହି ଘଟଣା ସାରା, କରୀନାଙ୍କ ରାଗ ଜାଗ୍ରତ ହୋଇଗଲା, କାରଣ ଭିଡିଓ ସ୍ପଷ୍ଟ ଭାବରେ ଦର୍ଶାଉଛି ଯେ ପ୍ରଶଂସକମାନେ ତାଙ୍କୁ ଅତ୍ୟନ୍ତ ଅସହଜ ଅନୁଭବ କରାଇଥିଲେ। ଏହି ଭିଡିଓ ବର୍ତ୍ତମାନ ସୋସିଆଲ ମିଡିଆ ପ୍ଲାଟଫର୍ମରେ ଭାଇରାଲ ହେଉଛି।

ଅଧିକ ପଢ଼ନ୍ତୁ ମନୋରଞ୍ଜନ ଖବର: