ଏହି ବର୍ଷ, ବଲିଉଡରେ ଅନେକ ସୁନ୍ଦର ଦମ୍ପତି ପିତାମାତା ହୋଇଛନ୍ତି, ଏବଂ ଏବେ ଆଉ ଜଣେ ସେମାନଙ୍କ ସହିତ ଯୋଡ଼ ହେବାକୁ ଯାଉଛନ୍ତି। ସେ ଆଉ କେହି ନୁହଁନ୍ତି ବରଂ କ୍ୟାଟ୍ରିନା କୈଫ୍ ଏବଂ ଭିକି କୌଶଳ। ଦୁହେଁ ନିକଟରେ ସୋସିଆଲ ମିଡିଆ ପୋଷ୍ଟ ମାଧ୍ୟମରେ ଘୋଷଣା କରିଛନ୍ତି ଯେ ଖୁବ୍ ଶୀଘ୍ର ଏକ ଖୁସି ସେମାନଙ୍କ ଦ୍ୱାରରେ ପହଞ୍ଚିବ।

ଏହି ଦମ୍ପତିଙ୍କୁ ବର୍ତ୍ତମାନ ଅଭିନନ୍ଦନର ସୁଅ ଛୁଟିଛି । ବିକି କୌଶଳ କ୍ୟାଟ୍ରିନାଙ୍କ ବେବି ବମ୍ପ ସହିତ ଏକ ସୁନ୍ଦର ଫଟୋ ମଧ୍ୟ ପୋଷ୍ଟ କରିଛନ୍ତି। ଏହି ଦମ୍ପତି ସେମାନଙ୍କର ପୋଷ୍ଟର କ୍ୟାପସନ ଦେଇଛନ୍ତି, "ଆମେ ଖୁସି ଏବଂ କୃତଜ୍ଞତାରେ ପୂର୍ଣ୍ଣ ହୃଦୟ ସହିତ ଆମ ଜୀବନର ସବୁଠୁ ସୁନ୍ଦର ଅଧ୍ୟାୟ ଆରମ୍ଭ କରୁଛୁ।"

ସିଦ୍ଧାର୍ଥ ମାଲହୋତ୍ରା ଏବଂ କିୟାରା ଆଡଭାନୀଙ୍କର ଜୁଲାଇ ୧୫, ୨୦୨୫ ମୁମ୍ବାଇରେ ସେମାନଙ୍କର ପ୍ରଥମ କନ୍ୟା ସନ୍ତାନ ହୋଇଥିଲା । ଏହି ଦମ୍ପତି ଏକ ଭାବପ୍ରବଣ ପୋଷ୍ଟ ସହିତ ଆନୁଷ୍ଠାନିକ ଭାବରେ ଏହି ଖବର ଘୋଷଣା କରିଥିଲେ।

ବତ୍ସଲ ଶେଠ ଏବଂ ଇଶିତା ଦତ୍ତ ଜୁନ୍ ୧୦, ୨୦୨୫ରେ ସେମାନଙ୍କର ଦ୍ୱିତୀୟ କନ୍ୟାକୁ ସନ୍ତାନ ଜନ୍ମ ଦେଇଥିଲେ । ଏହି ଦମ୍ପତି ହସ୍ପିଟାଲରୁ ଏକ ପରିବାର ଫଟୋ ସହିତ ଖୁସି ଖବର ସେୟାର କରିଥିଲେ, ଯେଉଁଥିରେ ସେମାନଙ୍କର ନବଜାତ କନ୍ୟା ସେମାନଙ୍କର ପ୍ରଥମ ସନ୍ତାନ ବାୟୁ ସହିତ ଥିଲେ, ଯିଏ ଜୁଲାଇ ୨୦୨୩ରେ ଜନ୍ମ ହୋଇଥିଲା।

ଏମି ଜ୍ୟାକସନ ଏବଂ ଏଡ୍ ୱେଷ୍ଟୱିକ୍ ୨୪ ମାର୍ଚ୍ଚ, ୨୦୨୫ ରେ ଏକ ପୁଅ, ଅସ୍କାର ଆଲେକଜାଣ୍ଡାର ୱେଷ୍ଟୱିକ୍ ଙ୍କୁ ସ୍ୱାଗତ କରିଥିଲେ। ସେମାନେ ଇନଷ୍ଟାଗ୍ରାମରେ ଏକ ସୁନ୍ଦର ଫଟୋ ସହିତ ଖୁସି ଖବର ସେୟାର କରିଥିଲେ ଯାହା ଉଭୟ ସେମାନଙ୍କ ନବଜାତ ଶିଶୁକୁ ଖୁସିରେ ଧରି ଅଛନ୍ତି।

ଆଥିୟା ଶେଟ୍ଟୀ ଏବଂ କେଏଲ ରାହୁଲ ମଧ୍ୟ ଏହି ବର୍ଷ ପିତାମାତା ହୋଇଛନ୍ତି ଏବଂ ପିତାମାତା ହେଇଥିବା ନେଇ ଖୁସି ପ୍ରକାଶ କରିଛନ୍ତି। ମାର୍ଚ୍ଚ ମାସରେ, ସେମାନେ ସେମାନଙ୍କର ପ୍ରଥମ ସନ୍ତାନକୁ ଜନ୍ମ ଦେଇଥିଲେ । ସେମାନେ ନିଜ ଝିଅକୁ ପାଇ ବହୁତ ଖୁସି ହୋଇଥିଲେ ଏବଂ ସୋସିଆଲ ମିଡିଆରେ ନିଜର ଖୁସି ପ୍ରକାଶ କରି ଫୋଟ ସେୟାର କରିଥିଲେ।

ଅଭିନେତ୍ରୀ ଇଲିଆନା ଡି'କ୍ରୁଜ୍ ଗତ ବର୍ଷ ଶେଷ ଭାଗରେ ତାଙ୍କର ଗର୍ଭଧାରଣ ବିଷୟରେ ଘୋଷଣା କରିଥିଲେ ଏବଂ ଚଳିତ ବର୍ଷ ଜୁନ୍ ମାସରେ ଦ୍ୱିତୀୟ ଥର ପାଇଁ ମାଆ ହୋଇଥିଲେ। ସେ ଜୁନ୍ ମାସରେ ତାଙ୍କର ଦ୍ୱିତୀୟ ସନ୍ତାନ, ଏକ ପୁଅକୁ ଜନ୍ମ ଦେଇଥିଲେ। ଅଭିନେତ୍ରୀ ତାଙ୍କର ନାମ କିନୁ ରାଫେ ଡୋଲାନ୍ ରଖିଥିଲେ।

ଅଧିକ ପଢ଼ନ୍ତୁ ମନୋରଞ୍ଜନ ସମ୍ପର୍କିତ ଖବର

Argus News | argus news | Odisha Latest News, Breaking News, Trending News, Live TV