ପରପାରିରେ ଓଡ଼ିଶାର ଲୋକପ୍ରିୟ କଣ୍ଠଶିଳ୍ପୀ ହ୍ୟୁମାନ ସାଗର । ସୋମବାର ରାତି ୯ଟା ୮ରେ ଚିକିତ୍ସାଧିନ ଅବସ୍ଥାରେ ଭୁବନେଶ୍ଵର ଏମ୍ସରେ ଆଖି ବୁଜିଛନ୍ତି ହ୍ୟୁମାନ । ତାଙ୍କ ସ୍ଵର ଶୁଣିଲେ କ୍ଳାନ୍ତ ଶରୀରରେ ଫୁର୍ତ୍ତି ଆସିଯାଏ । ବିଶାଦ ମନରେ ଖେଳିଯାଏ ଆନନ୍ଦ । ୧୭ ବର୍ଷର ସଙ୍ଗୀତମୟ ଜୀବନରେ ସେ ଛାଡ଼ି ଯାଇଛନ୍ତି ଅନେକ ଛାପ । ତାଙ୍କ ସଙ୍ଗୀତ ପିଲାଠୁ ବଡ଼ ଯାଏଁ ଗୁଣୁଗୁଣାନ୍ତି ।

କଣ୍ଠଶିଳ୍ପୀରୁ ଆରମ୍ଭ କରିଥିଲେ କ୍ୟାରିଅର୍ ହ୍ୟୁମାନ ସାଗର । ଆଗକୁ ସେ ସଙ୍ଗୀତ ନିର୍ଦ୍ଦେଶନାରେ ପାଦ ଦେବାକୁ ପ୍ରସ୍ତୁତି ଆରମ୍ଭ କରିଥିଲେ । ଅନୁଭବ ମହାନ୍ତିଙ୍କ ଆଗାମୀ ଚଳଚ୍ଚିତ୍ର ‘ଛକିଶୂନ’ରେ ସେ ସଙ୍ଗୀତ ନିର୍ଦ୍ଦେଶନା କାମ ଆରମ୍ଭ କରିଥିଲେ । ହେଲେ ସିନେମା ଶେଷ ହେବା ପୂର୍ବରୁ ସେ ଚାଲିଗଲେ ଶେଷଯାତ୍ରାରେ । ଜୀବନଯାତ୍ରାର ଛକିଶୂନ ଖେଳରେ ହାରି ମହାଶୂନ୍ୟକୁ ଚାଲିଗଲେ । ଏ ସିନେମା କରିବାକୁ ସେ ନିର୍ମାତାଙ୍କୁ କୁଆଡ଼େ କହିଥିଲେ, ଫିଲ୍ମର ସିକ୍ୱେଏନ୍ସ ନୁହେଁ, ପୂରା କାହାଣୀ ଶୁଣିବି । ଏଥିରୁ ଜଣାପଡ଼ିଥିଲା ଯେ, ସିନେମା ପ୍ରତି ତାଙ୍କର ଦକ୍ଷତା କେତେ ।

ଏଥିସହ ପଢ଼ନ୍ତୁ: ଟିଟିଲାଗଡ଼ ଭିଟାମାଟିରେ ହେବ ହ୍ୟୁମାନଙ୍କ ଶେଷ କୃତ୍ୟ 

ସୂଚନାନୁଯାୟୀ ୧୫ ହଜାରରୁ ଅଧିକ ଗୀତ ସେ ଗାଇଛନ୍ତି । କେତେ ଲକ୍ଷ ବିବାହ ପ୍ରୋସେସନ୍ ଓ କେତେ ଭସାଣୀ, ପୂଜା ମଣ୍ଡପରେ ତାଙ୍କ ଗୀତ ବାଜିଛି ତାର ହିସାବ ନାହିଁ । ଓଡ଼ିଶାରେ ୯୦% ୟ୍ୟୁଟୁବ୍ ଚ୍ୟାନେଲ୍ ମନିଟାଇଜ୍ ହେବାର ପ୍ରମୁଖ କାରଣ ମଧ୍ୟ ହ୍ୟୁମାନ୍ । ପ୍ରଚ୍ଛଦ ପଟରେ ରହି ସେ କେତେ ଜଣଙ୍କ କ୍ୟାରିଅର୍ କରିଛନ୍ତି ତା’ର ହିସାବ କେବଳ ସେ ହିଁ କହି ପାରିବେ । ଅନେକ ଫିଲ୍ମ ତାଙ୍କ ଗୀତ ଯୋଗୁ ବହୁତ୍ ଆଗକୁ ଯାଇଛି, ଯାହାକୁ ଅସ୍ୱୀକାର କରାଯାଇନପାରେ । ତାଙ୍କ ପରି କଳାକାର ଓଡ଼ିଶାକୁ ଆଗରୁ ଆସି ନାହାଁନ୍ତି କି ଏବେ ନାହାଁନ୍ତି କି ଆଗକୁ ଆସିବେ ବି ନାହିଁ ବୋଲି କୁହାଯାଉଛି ।

ଆହୁରି ପଢ଼ନ୍ତୁ: ଦେହ ଖରାପ ସତ୍ତ୍ଵେ ହ୍ୟୁମାନଙ୍କୁ ନେଇ କିଏ କରାଉଥିଲା ଷ୍ଟେଜ୍ ଶୋ' ? ମାଆ ଆଣିଲେ ସାଂଘାତିକ ଅଭିଯୋଗ

କଟକ ସିଡିଏ ସ୍ଥିତ ବାସଭବନରେ କଲେ ହ୍ୟୁମାନ ସାଗରଙ୍କୁ ଅନ୍ତିମ ଦର୍ଶନ କରିଥିଲେ। ବହୁ ବିଶିଷ୍ଟ ବ୍ୟକ୍ତି ଶେଷ ଦର୍ଶନ କରିବା ସହ ଦେଲେ ଶ୍ରଦ୍ଧାଞ୍ଜଳି ଦେଇଥିଲେ । ବର୍ତ୍ତମାନ ଜନ୍ମମାଟି ଅଭିମୁଖେ ହ୍ୟୁମାନ ସାଗରଙ୍କ ପାର୍ଥିବ ଶରୀରକୁ ନିଆଯାଉଥିବା ସୂଚନା ମିଳିଛି । ଟିଟିଲାଗଡ଼ର ପୈତୃକ ଗାଁରେ ହ୍ୟୁମାନସାଗରଙ୍କ ଅନ୍ତିମ ସଂସ୍କାର ହେବ ବୋଲି ଜଣାପଡିଛି।