ଅର୍ଗସ ବ୍ୟୁରୋ: ନାଗା ଚୈତନ୍ୟ ଏବଂ ଶୋଭିତା ଧୁଲିପାଲା ଡିସେମ୍ବର ୪ ରେ ହାଇଦ୍ରାବାଦରେ ଅଭିନେତାଙ୍କ ପାରିବାରିକ ମାଲିକାନାରେ ଥିବା ଅନ୍ନପୂର୍ଣ୍ଣା ଷ୍ଟୁଡିଓରେ ବିବାହ ବନ୍ଧନରେ ବାନ୍ଧି ହୋଇଥିଲେ। ବିବାହ ପରେ ଶୁକ୍ରବାର ନବଦମ୍ପତି ପ୍ରଥମ ଥର ପାଇଁ ସାର୍ବଜନୀନ ଭାବେ ଯୋଗ ଦେଇଥିଲେ। ସେମାନେ ଆନ୍ଧ୍ରପ୍ରଦେଶର ଶ୍ରୀ ଭ୍ରମରମ୍ବା ସମତା ମଲ୍ଲିକାର୍ଜୁନ ସ୍ୱାମୀ ଦେବସ୍ଥାନମ୍ ମନ୍ଦିରକୁ ଯାଇ ସ୍ୱାମୀ-ସ୍ତ୍ରୀ ଭାବରେ ସେମାନଙ୍କର ନୂତନ ଯାତ୍ରା ପାଇଁ ଆଶୀର୍ବାଦ ଲୋଡ଼ିଥିଲେ। ଏହି ଦମ୍ପତିଙ୍କ ଭିଡିଓ ସାମ୍ନାକୁ ଆସିବା ମାତ୍ରେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।

ନବଦମ୍ପତି ମନ୍ଦିର ବାହାରେ ପାପାରାଜି କ୍ୟାମେରା ପାଇଁ ପୋଜ୍ ଦେଇଥିଲେ। ଚୈତନ୍ୟ ଏବଂ ସୋଭିତାଙ୍କ ସହ ନାଗାଙ୍କ ପିତା, ବରିଷ୍ଠ ଅଭିନେତା ନାଗାର୍ଜୁନ ଅକ୍କିନେନି ମଧ୍ୟ ଉପସ୍ଥିତ ଥିଲେ। ନାଗାର୍ଜୁନ ବିବାହର ପ୍ରଥମ ଅଫିସିଆଲ୍ ଫଟୋ ଶେୟାର କରି ଏକ ହୃଦୟସ୍ପର୍ଶୀ କ୍ୟାପସନ୍ ସହ ନବବିବାହିତ ଦମ୍ପତିଙ୍କ ପାଇଁ ନିଜର ଖୁସି ଓ ଆଶୀର୍ବାଦ ବ୍ୟକ୍ତ କରିଛନ୍ତି। ସୋଭିତା ଏବଂ ଚାଇଙ୍କୁ ଏକାଠି ଏହି ସୁନ୍ଦର ଅଧ୍ୟାୟ ଆରମ୍ଭ କରିବା ମୋ ପାଇଁ ଏକ ସ୍ୱତନ୍ତ୍ର ଏବଂ ଭାବପ୍ରବଣ ମୁହୂର୍ତ୍ତ ଥିଲା।
ନାଗା ଚୈତନ୍ୟ ଏବଂ ସୋଭିତା ଏପର୍ଯ୍ୟନ୍ତ ନିଜ ବିବାହର ଅଫିସିଆଲ ଫଟୋ ସୋସିଆଲ ମିଡିଆରେ ସେୟାର କରିନାହାନ୍ତି।

ଚଳିତ ବର୍ଷ ପ୍ରାରମ୍ଭରେ ଏହି ଦମ୍ପତି ନାଗାଙ୍କ ପିତା ତଥା ବରିଷ୍ଠ ଅଭିନେତା ନାଗାର୍ଜୁନଙ୍କ ହାଇଦ୍ରାବାଦର ଜୁବିଲି ହିଲ୍ସସ୍ଥିତ ବାସଭବନରେ ନିର୍ବନ୍ଧ କରିଥିଲେ। ଚୈତନ୍ୟ ପ୍ରଥମେ ଅଭିନେତ୍ରୀ ସାମନ୍ତ ରୁଥ୍ ପ୍ରଭୁଙ୍କୁ ବିବାହ କରିଥିଲେ। ତେବେ ୨୦୨୧ ଅକ୍ଟୋବରରେ ଦୁହେଁ ଅଲଗା ହେବା ଘୋଷଣା କରି ଅଲଗା ହୋଇଯାଇଥିଲେ।

ଅଧିକ ପଢ଼ନ୍ତୁ ମନୋରଞ୍ଜନ ଖବର