ଅର୍ଗସ ବ୍ୟୁରୋ: ଭୁବନ ବାମ ଜଣେ ଲୋକପ୍ରିୟ ୟୁଟ୍ୟୁବ ଷ୍ଟାର, ଇନଫ୍ଲୁଏନ୍ସର, ରାଇଟର, ପ୍ରଡ୍ୟୁସର। ଭୁବନଙ୍କ ଜନ୍ମ 22 ଜାନୁୟାରୀ ୧୯୯୪ ଦିଲ୍ଲୀର ଏକ ମିଡିଲ କ୍ଲାସ ପରିବାରରେ ହୋଇଥିଲା। ଜମା ବି ପଢ଼ାଲେଖାରେ ମନ ଦେଉ ନ ଥିଲେ। କିନ୍ତୁ ଆମ ସୋସାଇଟିରେ ମାତାପିତା ପାଠକୁ ବେଶ ଗୁରୁତ୍ବ ଦିଅନ୍ତି। ବାପାମା'ଙ୍କ ମନ ରଖିବାକୁ ଭୁବନ ପାଠ ପଢ଼ିଥିଲେ। ସାଙ୍ଗସାଥୀଙ୍କୁ ଭାରି ଏଣ୍ଟରଟେନ କରୁଥିଲେ। ରେଷ୍ଟୁରାଣ୍ଟର ଗୀତ ଗାଇ ରାତାରାତି ଷ୍ଟାର ପାଲଟିଥିଲେ। ଫକ୍ସ ଷ୍ଟାର ତାଙ୍କୁ ପ୍ରଥମେ ଚାନ୍ସ ଦେଇଥିଲା।

ଏହାପରେ ୭ଟା ଗୀତ ଗାଇବା ପରେ ଫକ୍ସ ଷ୍ଟାର ତାଙ୍କୁ ରିଜେକ୍ଟ କରିଦେଲା। ଏହାପରେ ସେ ନିଜ ଡ୍ରିମ କଥା ଭାବୁଥିଲେ। ଦିନେ ହଠାତ ବସି ବସି ୟୁଟ୍ୟୁବରେ ଗୋଟିଏ ଚ୍ୟାନେଲ କରିବେ ବୋଲି ଭାବିଲେ ଆଉ ସେଇଆ କଲେ ବି। ଚ୍ୟାନେଲର ନାଁ ଦେଲେ `ବିବି କି ଭାଇନ୍ସ'। ଏହି ଚ୍ୟାନେଲ କ୍ରିଏଟ ପରେ ପୁରା ଲାଇମଲାଇଟରେ ରହିଥିଲେ ଭୁବନ।

ତାଙ୍କର ଭିଡିଓ ସମଗ୍ର ବିଶ୍ୱରେ ଚର୍ଚ୍ଚାରେ ରହିଛି । ଏହା ବ୍ୟତୀତ ସେ ନିଜର ଅଭିନୟ ଜୀବନ ମଧ୍ୟ ଆରମ୍ଭ କରି ସାରିଛନ୍ତି। ୨୦୨୩ ମସିହାରେ ଡିଜନି ପ୍ଲସ୍ ହଟଷ୍ଟାରରେ ତାଙ୍କର ସିରିଜ୍ `ତାଜା ଖବର' ମୁକ୍ତିଲାଭ କରିଥିଲା । କିନ୍ତୁ ଏହା ବେଶୀଦିନ ଚାଲି ପାରି ନଥିଲା। ସେ ସବୁବେଳେ କମେଡି ପାଇଁ ଜଣାଶୁଣା ଥିଲେ। କିନ୍ତୁ ଆଜି ଆମେ ଭୁବନଙ୍କ ପର୍ସନାଲ ଲାଇଫ ବିଷୟରେ କିଛି କଥା ଆପଣଙ୍କୁ ଜଣାଇବୁ। ଜୀବନରେ ସମସ୍ତେ ନିଜ ପିତାମାତାଙ୍କୁ ଭଲ ପାଆନ୍ତି। ଭୁବନ ମଧ୍ୟ ପାଉଥିଲେ। କିନ୍ତୁ ଦଇବ ଏମିତି କଲା ଯେ, ସଫଳ ସିନା ହେଲେ କିନ୍ତୁ ଅଧା ରାସ୍ତାରୁ ବାପାମା' ଦୁହେଁ ତାଙ୍କୁ ଏକା କରି ଚାଲିଗଲେ।
ନିକଟରେ ଭୁବନ ବାମ ଏକ ଇଣ୍ଟରଭ୍ୟୁରେ ତାଙ୍କ ବାପା ଓ ମା’ଙ୍କ କଥା ମନେ ପକାଇ ଇମୋସନାଲ ହୋଇ ଯାଇଥିଲେ । କାରଣ କରୋନା ମହାମାରୀ ସମୟରେ ଭୁବନ ତାଙ୍କ ବାପା ଓ ମା’ ଉଭୟଙ୍କୁ ହରାଇ ଦେଇଛନ୍ତି।

ଭୁବନ କହିଛନ୍ତି, ‘ଆଜି ବି ବାପା ଓ ମା’ଙ୍କୁ ହରାଇବା ପରେ ମୋ ଉପରେ କ’ଣ ବିତୁଛି ତାହାକୁ ମୁଁ ଶବ୍ଦରେ କହିପାରିବିନି। ତେଣୁ ଏ ବିଷୟରେ ଅଧିକ କଥାବାର୍ତ୍ତା କରିବାକୁ ମୁଁ ପଛଘୁଞ୍ଚା ଦେଇଥାଏ। ଯାହା ଘଟିଲା ତାହା ମୋ ଭାଗ୍ୟରେ ଲେଖାଥିଲା । ଏବେ ସେ ବିଷୟରେ ଅଧିକା ଆଲୋଚନା କରିବା ଅର୍ଥ ନିଜକୁ କଷ୍ଟ ଦେବା।
କିନ୍ତୁ ଏତିକି କହିବି ବାପା ଓ ମା’ ଯିବା ପରେ ମୁଁ ଏକା ହୋଇଯାଇଛି। ଫ୍ୟାନ୍ସମାନଙ୍କ ପାଇଁ ବଞ୍ଚି ରହିଛି । ଉଭୟ ବାପା ଓ ମା’ଙ୍କ ମୃତ୍ୟୁ ପରେ ମୁଁ ସମ୍ପୂର୍ଣ୍ଣ ଭାଙ୍ଗି ପଡ଼ିଥିଲି ତଥାପି ଫ୍ୟାନ୍ସଙ୍କ ପାଇଁ କାମ ଜାରି ରଖିଥିଲି। କାରଣ ସେମାନେ ହିଁ ମୋର ବର୍ତ୍ତମାନ ଓ ଭବିଷ୍ୟତ। ମୁଁ ନିଜ ଅପେକ୍ଷା ଫ୍ୟାନ୍ସଙ୍କ କଥା ପ୍ରଥମେ ଚିନ୍ତା କରିଥାଏ।

ଅଧିକ ପଢ଼ନ୍ତୁ ମନୋରଞ୍ଜନ ଖବର

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV