ଭୁବନେଶ୍ଵର: ଓଡ଼ିଶାର ଗର୍ବ ତଥା ସୁମଧୁର କଣ୍ଠଶିଳ୍ପୀ ଜ୍ୟୋତିର୍ମୟୀ ନାୟକ ରିଆଲିଟି ଶୋ’ ‘ଇଣ୍ଡିଆନ୍ ଆଇଡଲ୍ ସିଜନ୍ ୧୬’ର ଗ୍ରାଣ୍ଡ ଫିନାଲେରେ ପହଞ୍ଚି ନିଜର ଚମତ୍କାର ପ୍ରଦର୍ଶନ ଜାରି ରଖିଛନ୍ତି । ନିଜର ଅସାଧାରଣ ଗାୟିକୀ ଏବଂ ଶାସ୍ତ୍ରୀୟ ସଙ୍ଗୀତର ଯାଦୁରେ ସେ ବିଚାରକ ଏବଂ ଦର୍ଶକଙ୍କ ମନ ଜିତି ‘ଇଣ୍ଡିଆନ୍ ଆଇଡଲ୍’ର ଟପ୍ ପ୍ରତିଯୋଗୀଙ୍କ ମଧ୍ୟରେ ସ୍ଥାନ ପାଇଛନ୍ତି । ଏହାପରେ ତାଙ୍କ ନିକଟକୁ ଛୁଟିଛି ଶୁଭେଚ୍ଛାର ସୁଅ । ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ମଧ୍ୟ ଜ୍ୟୋତିର୍ମୟୀଙ୍କୁ ଖାସ୍ ଅଭିନନ୍ଦନ ଜଣାଇଛନ୍ତି ।

ଓଡ଼ିଶାର ସଙ୍ଗୀତ ଗୌରବକୁ ଜାତୀୟ ସ୍ତରରେ ଆଗକୁ ନେଇ ସେ ସମଗ୍ର ଓଡ଼ିଶାବାସୀଙ୍କ ପାଇଁ ପ୍ରେରଣା ସାଜିଛନ୍ତି । ତେବେ ଗ୍ରାଣ୍ଡ ଫିନାଲେରେ ନିଜ ଜାଗା ବନାଇଛନ୍ତି ଜ୍ୟୋତିର୍ମୟୀ । ବାଲେଶ୍ଵର ଜିଲ୍ଲା ନୀଳଗିରି ବ୍ଲକ ଜଡ଼ିଦା ପଞ୍ଚାୟତର ବାଉଁଶନାଳ ଗ୍ରାମର ଝିଅ ହେଉଛନ୍ତି ଜ୍ୟୋତିର୍ମୟୀ ନାୟକ । ଏବେ ତାଙ୍କୁ ଚାରିଆଡୁ ପ୍ରଶଂସାର ସୁଅ ଛୁଟୁଛି । ମୁଖ୍ୟମନ୍ତ୍ରୀ ମୋହନ ମାଝୀ ମଧ୍ୟ ସୋସିଆଲ ମିଡ଼ିଆରେ ପୋଷ୍ଟ କରି ଜ୍ୟୋତିର୍ମୟୀଙ୍କୁ ଶୁଭେଚ୍ଛା ଜଣାଇଛନ୍ତି ।

• ସଫଳତା କାମନା କଲେ ମୁଖ୍ୟମନ୍ତ୍ରୀ

ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ନିଜ ଏକ୍ସ ହ୍ୟାଣ୍ଡେଲରେ ଏକ ପୋଷ୍ଟ କରି ଜ୍ୟୋତିର୍ମୟୀଙ୍କୁ ଗ୍ରାଣ୍ଡ ଫିନାଲେରେ ପହଞ୍ଚିଥିବାରୁ ଶୁଭେଚ୍ଛା ଜଣାଇଛନ୍ତି । ସେ ତାଙ୍କର ସୁମଧରୁ କଣ୍ଠର ଯାଦୁରେ ଇଣ୍ଡିଆନ ଆଇଡଲ୍ ପରି ମହାମଞ୍ଚରେ ରାଜ୍ କରୁଛନ୍ତି ଏବଂ ଜଣେ ଓଡ଼ିଆ ଭାବେ ପ୍ରତ୍ୟେକ ଓଡ଼ିଶାବାସୀଙ୍କୁ ଗର୍ବିତ କରିଛନ୍ତି । ଜ୍ୟୋତିର୍ମୟୀଙ୍କ ସଫଳତା କାମନା କରିଥିବାବେଳେ ତାଙ୍କୁ ଆଶୀର୍ବାଦ ଦେଇଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ।

ଜାତୀୟ ସ୍ତରର ପ୍ରତିଷ୍ଠିତ ସଙ୍ଗୀତ ମହାମଞ୍ଚ 'ଇଣ୍ଡିଆନ୍ ଆଇଡଲ୍'ର ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚି ଓଡ଼ିଶାର ସୁଯୋଗ୍ୟା କନ୍ୟା ଜ୍ୟୋତିର୍ମୟୀ ନାୟକ ସମଗ୍ର ରାଜ୍ୟ ପାଇଁ ଗୌରବ ଆଣିଦେଇଛନ୍ତି। ନିଜ ସୁମଧୁର କଣ୍ଠସ୍ୱର ମାଧ୍ୟମରେ ସେ ସମସ୍ତଙ୍କ ହୃଦୟ ଜିତିପାରିଛନ୍ତି।
ଜ୍ୟୋତିର୍ମୟୀଙ୍କ ସଫଳତା କାମନା କରିବା ସହ ଶୁଭେଚ୍ଛା ଓ ଆଶୀର୍ବାଦ… pic.twitter.com/ylXVwPBNSM

— Mohan Charan Majhi (@MohanMOdisha) July 8, 2026

• ଗ୍ରାଣ୍ଡ ଫିନାଲେରେ ଜ୍ୟୋତିର୍ମୟୀ

ଇଣ୍ଡିଆନ ଆଇଡଲ୍ ଶୋ'ଟି ଏବେ ନିର୍ଣ୍ଣାୟକ ପର୍ଯ୍ୟାୟରେ ପ୍ରବେଶ କରିସାରିଥିବାବେଳେ ଓଡ଼ିଆ ଝିଅ ଜ୍ୟୋତିର୍ମୟୀ ଅନ୍ୟ ପ୍ରତିଦ୍ଵନ୍ଦ୍ଵୀ ତନିଷ୍କ ଶୁକ୍ଳା, ଅଂଶିକା ଚୋଙ୍କର୍, ସୁହେଲ୍ ଏବଂ ମନରାଜ ବୀର ସିଂହଙ୍କ ସହିତ ଏହି ସମ୍ମାନଜନକ ଟାଇଟଲ ପାଇଁ ଲଢ଼ିବେ । ଇଣ୍ଡିଆନ୍ ଆଇଡଲର ଏହି ସିଜିନରେ ବଲିଉଡର ପ୍ରସିଦ୍ଧ ସିଙ୍ଗର ବିଶାଲ୍ ଦଦଲାନି, ଶ୍ରେୟା ଘୋଷାଲ୍ ଏବଂ ବାଦଶାହ ଜଜ୍ ଅଛନ୍ତି, ଯେଉଁମାନେ ନିୟମିତ ଭାବରେ ସମସ୍ତ ପ୍ରତିଯୋଗୀଙ୍କୁ ସେମାନଙ୍କର ପ୍ରତିଭା ପାଇଁ ପ୍ରଶଂସା କରିଛନ୍ତି । ଏହି ଶୋ’ଟି ଏବେ ସୋନି ଏଣ୍ଟରଟେନମେଣ୍ଟ ଟେଲିଭିଜନରେ ପ୍ରସାରିତ ହେଉଛି ।

Iss dhamakedaar performances mein se kisne jeeta aapka dil? Comments mein batayein!

Dekhiye Indian Idol, Sat-Sun raat 8 baje #SonyEntertainmentTelevision aur SonyLIV par.#YaadonKiPlaylist #IndianIdol16 #SonyTV pic.twitter.com/OoAr3vft8C

— sonytv (@SonyTV) July 8, 2026

• ସଙ୍ଗୀତ ମାଧ୍ୟମରେ ପ୍ରାଣ ଭରନ୍ତି ଜ୍ୟୋତିର୍ମୟୀ

ଜ୍ୟୋତିର୍ମୟୀ ଓଲିଉଡ ଫିଲ୍ମରେ ଓଡ଼ିଆ ଗୀତ ଅନେକ ଆଲବମ ଓ ଭଜନ ଗାଇଛନ୍ତି । ସେ କେବଳ ଜଣେ କଣ୍ଠଶିଳ୍ପୀ ନୁହଁନ୍ତି ବରଂ ତାଙ୍କ ସଙ୍ଗୀତ ଅନେକଙ୍କ ଜୀବନରେ ପ୍ରାଣ ଭରିଦେଇଛି । ଦୀର୍ଘ ୨ବର୍ଷ ହେବ ସଙ୍ଗୀତକୁ ମାଧ୍ଯମ କରି ସେ କ୍ୟାନ୍ସର ରୋଗୀଙ୍କୁ ମ୍ୟୁଜିକ୍ ଥେରାପି ଦେବା ଆରମ୍ଭ କରିଥିଲେ । ସଙ୍ଗୀତ ଥେରାପି ମାଧ୍ଯମରେ ରୋଗୀଙ୍କ ମୁହଁରେ ହସ ଭରିଦିଅନ୍ତି । ବାଲେଶ୍ଵର ଝିଅ ଜ୍ୟୋତିର୍ମୟୀ ଭୁବନେଶ୍ବର ପଳାଶୁଣୀରେ ରୁହନ୍ତି । ବାପା ଚକ୍ରଧର ନାୟକ ଓ ମା'ଗୌରୀ ନାୟକ । ସେ ଏକ ଘରୋଇ ବିଶ୍ବବିଦ୍ୟାଳୟରେ ବିଟେକ୍ କରିବା ପରେ ଚେନ୍ନାଇ ସ୍ଥିତ ସ୍କୁଲ ଅଫ ମ୍ୟୁଜିକ ଥେରାପି ସଙ୍ଗୀତ ମାଧ୍ୟମରେ ରୋଗୀଙ୍କୁ ଥେରାପି ଦେଇଥା'ନ୍ତି, ଯାହା ସେମାନଙ୍କ ମାନସିକ ଓ ଶାରୀରିକ ସ୍ତରରେ ସକରାତ୍ମକ ପ୍ରଭାବ ପକାଇଥାଏ । ଇଣ୍ଡିଆନ ଆଇଡଲରେ ଅଂଶଗ୍ରହଣ କରିବା ପରେ ଜ୍ୟୋତିର୍ମୟୀ ସାରା ଦେଶରେ ଅନେକ ଲୋକପ୍ରିୟତା ଅର୍ଜନ କରୁଛନ୍ତି ।