ନୂଆଦିଲ୍ଲୀରେ ଅନୁଷ୍ଠିତ ଆଜି ଦ୍ୱିତୀୟ ପଦ୍ମ ପୁରସ୍କାର ସମାରୋହରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ୬୫ ଜଣ ବିଜେତାଙ୍କୁ ପଦ୍ମ ପୁରସ୍କାର ପ୍ରଦାନ କରିଛନ୍ତି । ଏହି ସମୟରେ ପ୍ରସିଦ୍ଧ ଗାୟିକା ଅଲକା ୟାଗ୍ନିକ୍ଙ୍କୁ ସିନେମା ଜଗତରେ ଗୁରୁତ୍ୱପୂର୍ଣ୍ଣ ଅବଦାନ ପାଇଁ ପଦ୍ମ ପୁରସ୍କାର ପ୍ରଦାନ କରାଯାଇଛି । ସମାରୋହ ସମୟରେ ୬୦ ବର୍ଷୀୟ ପ୍ରସିଦ୍ଧ ଗାୟିକା ଅଲକା ୟାଗ୍ନିକଙ୍କ ଏକ ଫଟୋ ସମସ୍ତଙ୍କୁ ଚିନ୍ତିତ କରିଛି । ଯେତେବେଳେ ଅଲକା ୟାଗ୍ନିକ୍ ତାଙ୍କର ପଦ୍ମଭୂଷଣ ପୁରସ୍କାର ଗ୍ରହଣ କରିବାକୁ ରାଷ୍ଟ୍ରପତିଙ୍କ ପାଖକୁ ଯାଉଥିଲେ, ସେତେବେଳେ ଜଣେ ମହିଳା ତାଙ୍କ ଧରିଧରି ନେଇଯାଇଥିବା ଦେଖିବାକୁ ମିଳିଛି ।

ଯେତେବେଳେ ଅଲକା ୟାଗ୍ନିକଙ୍କ ନାମ ଘୋଷଣା କରାଗଲା, ସେ ପ୍ରଥମେ ପ୍ରଧାନମନ୍ତ୍ରୀ ମୋଦିଙ୍କୁ ଭେଟିଲେ ଏବଂ ତା’ପରେ ପୁରସ୍କାର ଗ୍ରହଣ କରିବା ପାଇଁ ରାଷ୍ଟ୍ରପତିଙ୍କ ପାଖକୁ ଚାଲିଗଲେ । ଏହି ସମୟ ମଧ୍ୟରେ ଜଣେ ମହିଳା ତାଙ୍କୁ ପଛରୁ ଧରି ରାଷ୍ଟ୍ରପତିଙ୍କ ନିକଟକୁ ନେଇ ଯାଇଥିଲେ । ପୁରସ୍କାର ଗ୍ରହଣ କରିବା ସମୟରେ ସେ ନିଜେ ଏକାକୀ ଠିଆ ହୋଇଥିଲେ । ଏହି ଚିତ୍ରଗୁଡ଼ିକ ତାଙ୍କ ପ୍ରଶଂସକଙ୍କୁ ଚିନ୍ତିତ କରିଛି ।

• ଦୁଇ ବର୍ଷ ପୂର୍ବେ ହଠାତ୍ ବଧିର ହୋଇଗଲେ

ଜୁନ ୨୦୨୪ରେ, ଅଲକା ୟାଗ୍ନିକ୍ ତାଙ୍କର ଶ୍ରବଣଶକ୍ତି ହରାଇଥିବା ନିଜ ପ୍ରଶଂସକଙ୍କୁ ଜଣାଇଥିଲେ । ସେ କହିଥିଲେ ଯେ ଏକ ଭାଇରାଲ୍ ସଂକ୍ରମଣ ଯୋଗୁଁ ସେ ଶ୍ରବଣଶକ୍ତି ହରାଇଛନ୍ତି । ଇନଷ୍ଟାଗ୍ରାମରେ ତାଙ୍କ ଅବସ୍ଥା ବିଷୟରେ ସୂଚନା ସେୟାର କରିଥିଲେ । ସେ କହିଥିଲେ ଯେ ବିମାନରୁ ଓହ୍ଲାଇବା ସମୟରେ ସେ ହଠାତ୍ ଅନୁଭବ କରିଥିଲେ ଯେ ତାଙ୍କର ଶ୍ରବଣଶକ୍ତି ହ୍ରାସ ପାଉଛି । ତାଙ୍କର ଶ୍ରବଣଶକ୍ତି ହ୍ରାସ 'ସେନ୍ସରି ନ୍ୟୁରାଲ ହିୟରିଂ ଲସ୍' ଯୋଗୁଁ ହୋଇଥିଲା ।

#WATCH | Delhi | Eminent playback singer Alka Yagnik conferred with Padma Bhushan by President Droupadi Murmu

(Video source: Rashtrapati Bhavan) pic.twitter.com/ui2U9koEMy

— ANI (@ANI) June 23, 2026

• ଅଲକାଙ୍କ କ୍ୟାରିଅର

୨୦ ମାର୍ଚ୍ଚ ୧୯୬୬ରେ କୋଲକାତାରେ ଜନ୍ମଗ୍ରହଣ କରିଥିବା ଅଲକା ୟାଗନିକ୍ ତାଙ୍କ କ୍ୟାରିଅରରେ ୨୫ରୁ ଅଧିକ ଭାଷାରେ ଗୀତ ଗାଇଛନ୍ତି । ଏହି ସମୟ ମଧ୍ୟରେ ସେ ୧୧୦୦ ଚଳଚ୍ଚିତ୍ରରେ ୨୨,୦୦୦ରୁ ଅଧିକ ଗୀତରେ କଣ୍ଠସ୍ୱର ଦେଇଛନ୍ତି । ତାଙ୍କୁ ଦୁଇଟି ଜାତୀୟ ପୁରସ୍କାର ଏବଂ ୭ଟି ଫିଲ୍ମଫେୟାର ପୁରସ୍କାରରେ ମଧ୍ୟ ସମ୍ମାନିତ କରାଯାଇଛି । ଅଲକା ୬ ବର୍ଷ ବୟସରୁ ଗୀତ ଗାଇବା ଆରମ୍ଭ କରିଥିଲେ ।

ପଢନ୍ତୁ ଏହି ଖବର: ରୋହିତଙ୍କୁ ସଫଳତା: ରାଷ୍ଟ୍ରପତିଙ୍କଠୁ ଗ୍ରହଣ କଲେ ପଦ୍ମଶ୍ରୀ ପୁରସ୍କାର

• ମମୁଟି ଏବଂ ଆର ମାଧବନଙ୍କୁ ବି ପଦ୍ମ ସମ୍ମାନ

ଏଠାରେ କହିରଖୁଛୁ କି, ଚଳିତ ବର୍ଷ ଦ୍ୱିତୀୟ ଥର ପାଇଁ ରାଷ୍ଟ୍ରପତି ପଦ୍ମ ପୁରସ୍କାର ପ୍ରଦାନ କରୁଛନ୍ତି । ମେ ୨୫ ତାରିଖରେ ଅନେକ ବିଜେତାଙ୍କୁ ମଧ୍ୟ ସମ୍ମାନିତ କରାଯାଇଥିଲା । ଆଜି ଜୁନ ୨୩ରେ ମାଲାୟଲମ ଚଳଚ୍ଚିତ୍ର ସୁପରଷ୍ଟାର ମମୁଟିଙ୍କୁ ପଦ୍ମ ବିଭୂଷଣରେ ସମ୍ମାନିତ କରାଯାଇଛି । ମମୁଟି ତାଙ୍କ ପରିବାର ସହିତ ପୁରସ୍କାର ବିତରଣ ସମାରୋହରେ ପହଞ୍ଚିଥିଲେ । ଏହି ବର୍ଷର ବିଜେତାଙ୍କ ମଧ୍ୟରେ ଆର. ମାଧବନ ମଧ୍ୟ ଅଛନ୍ତି । ତାଙ୍କୁ ଦେଶର ଚତୁର୍ଥ ସର୍ବୋଚ୍ଚ ନାଗରିକ ସମ୍ମାନ ପଦ୍ମଶ୍ରୀ ପ୍ରଦାନ କରାଯାଇଛି । ପୁରସ୍କାର ଗ୍ରହଣ କରିବା ପୂର୍ବରୁ ମାଧବନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟି କିଛି ମୁହୂର୍ତ୍ତ ପାଇଁ କଥା ହୋଇଥିଲେ । "ଧୁରନ୍ଧର" ଅଭିନେତାଙ୍କୁ ରାଷ୍ଟ୍ରପତି ଦ୍ରୌପଦୀ ମୁର୍ମୁ କରତାଳି ମଧ୍ୟରେ ପୁରସ୍କାର ପ୍ରଦାନ କରିଥିଲେ ।