ବିଗ୍ ବସ୍ ସିଜିନ ୧୯ର ପ୍ରତିଯୋଗୀ ତଥା ଷ୍ଟାଣ୍ଡଅପ୍ କମେଡିଆନ୍ ପ୍ରଣିତ ମୋରେଙ୍କୁ ଘେରିଛି ବିବାଦ । ଯେବେଠୁ ତାଙ୍କ କମେଡି ଶୋ'ରେ ଦର୍ଶକଙ୍କ ମଧ୍ୟରେ ବସିଥିବା ହିମାଂଶୁ ଜାଙ୍ଗଡ଼ା ମହିଳାଙ୍କୁ ନେଇ ଅଭଦ୍ର ଟିପ୍ପଣୀ ଦେଇଛନ୍ତି, ସେବେଠୁ ବିବାଦ ଘନେଇବାରେ ଲାଗିଛି । ସେ ୩୭୦ ଟଙ୍କିଆ ବିରିୟାନୀ ବଦଳରେ ଡେଟରେ ଯାଇଥିବା ଯୁବତୀଙ୍କଠାରୁ ସେ ପ୍ରତିବଦଳରେ କିଛି ଆଶା କରୁଥିବା କହିଥିଲେ, ଯାହାକି ତାଙ୍କ ଉପରେ ଭାରି ପଡ଼ିଛି ।

• ପ୍ରଣିତଙ୍କ କ୍ଲାସ୍ ନେଲେ ପୁନମ

ଏବେ ପ୍ରଣିତଙ୍କ କମେଡି ଶୋ'ର ଅନେକ ଭିଡିଓ ଭାଇରାଲ ହେବାରେ ଲାଗିଛି । ଗୋଟିଏ ପଟେ କମେଡିଆନଙ୍କ ଭାବନାକୁ ନେଇ ମଧ୍ୟ ପ୍ରଶ୍ନ ଉଠୁଛି । ଅଭଦ୍ର ଟିପ୍ପଣୀ ଦେଉଥିବା ଯୁବକଙ୍କୁ ରୋକିବା ପରିବର୍ତ୍ତେ ପ୍ରଣିତ ତାଙ୍କ ସହ ସ୍ଵର ମିଳାଇଥିଲେ । ଏହି ବିବାଦୀୟ ଘଟଣାରେ ଏବେ ଅଭିନେତ୍ରୀ ପୁନମ ପାଣ୍ଡେ ପ୍ରତିକ୍ରିୟା ପ୍ରକାଶ କରିଛନ୍ତି । ଇନଷ୍ଟାଗ୍ରାମରେ ନିଜର ଭିଡିଓ ସେୟାର କରି ପୁନମ କହିଛନ୍ତି, "ଏସବୁ କଣ ଚାଲିଛି । ମହିଳାଙ୍କୁ ପ୍ରତି ମାସରେ ପିରିୟଡ୍ସ ଆସେ ଓ ଆମେ ପ୍ୟାଡ୍ ବ୍ୟବହାର କରୁ । ଆମ ପ୍ୟାଡ୍ ବି ୩୭୦ ଟଙ୍କାରୁ ମହଙ୍ଗା ଆସେ, ଯାହାକୁ ଆମେ ବ୍ୟବହାର କରି ଫିଙ୍ଗି ଦେଉ । ଏଣୁ କଥା କହିବା ପୂର୍ବରୁ ଥରେ ଭାବ, କାରଣ ତୁମେ ଜଣେ ମହିଳା ଉପରେ ଟିପ୍ପଣୀ ଦେଉଛ ।"

• ବିବାଦରେ ପ୍ରଣିତଙ୍କ ଶୋ'

ପ୍ରଣିତ ମୋରେଙ୍କ ଶୋ'ରେ ହିଂମାଶୁ ଜାଙ୍ଗଡ଼ାଙ୍କ ବ୍ୟତୀତ ଆଉ ଜଣେ ଯୁବତୀଙ୍କ ଭିଡିଓ ମଧ୍ୟ ଭାଇରାଲ ହେଉଛି, ଯିଏକି ଶବକୁ ନେଇ ଅଭଦ୍ର ଟିପ୍ପଣୀ ରଖିଥିଲେ । ଶୋ'ରେ ଆସିଥିବା ଯୁବତୀ ଜଣକ କହିଥିଲେ ଯେ ବୃତ୍ତିରେ ଡାକ୍ତର ହୋଇଥିବା ଯୋଗୁଁ ସେ ମଣିଷ ଶରୀରକୁ ବୁଝିବା ଲାଗି ଶବକୁ ଚିରନ୍ତି । ଗୋଟିଏ ଶବ ଉପରେ ସେମାନେ ପ୍ରାୟ ୧ବର୍ଷ କାମ କରନ୍ତି । ଏହାପରେ ସେ ଶବର ଗୁପ୍ତାଙ୍ଗକୁ ନେଇ ମଜା କରୁଥିବା କହିଥିଲେ । ଏହି ମନ୍ତବ୍ୟ ଦେବା ପରେ ଡକ୍ଟର ସେଜେଲ୍ ପୱାରଙ୍କୁ ସୋସିଆଲ ମିଡିଆରେ ଟ୍ରୋଲର ଶିକାର ହେବାକୁ ପଡ଼ିଛି । ସେପଟେ ହିମାଂଶୁ ଜାଙ୍ଗଡ଼ାଙ୍କୁ ଚାକିରିରୁ ବାହାର କରିଦିଆଯାଇଛି । ଏବେ ପ୍ରଣିତଙ୍କ ଶୋ' ଉପରେ ମଧ୍ୟ ବିପଦ ପଡ଼ିଛି ।

ପଢନ୍ତୁ ଏହି ଖବର: '୩୭୦ ବିରିୟାନୀ' ବିବାଦ କଣ ? କମେଡିଆନ ପ୍ରଣିତଙ୍କ ଉପରେ ବର୍ଷିଲେ ଆକ୍ଟର

ଏହାକୁ ଅନେକ ଅଭିନେତ୍ରୀ ନାପସନ୍ଦ କରିଛନ୍ତି । ଅଭିନେତ୍ରୀ ଆୟେଶା ଖାନ୍ ଲେଖିଛନ୍ତି ଯେ, "ଯଦି ତୁମେ କୌଣସି ଝିଅକୁ ୩୭୦ ଟଙ୍କା ଖର୍ଚ୍ଚ କରି ବିରିୟାନୀ ଖୁଆଇଛ, ଏହାର ଅର୍ଥ ନୁହେଁ ଯେ ତାର ଶରୀର ଉପରେ ତୁମର ଅଧିକାର ଅଛି । ଏହା ଅତ୍ୟନ୍ତ ହୀନ ମାନସିକତା ।"

Poonam Pandey is explaining the ₹370 biryani in detail.... pic.twitter.com/0awnWO3Mnk

— Allen (@Allen__girl) June 11, 2026