Tollywood Updates / ଚଳଚ୍ଚିତ୍ର ନିର୍ମାତା ରାଜ ନିଦିମୋରୁଙ୍କ ରୋମାଣ୍ଟିକ ହେଲେ ସାମନ୍ଥା

ସାମନ୍ଥା ରୁଥ୍ ପ୍ରଭୁ ଦୀର୍ଘ ଦିନ ଧରି ଚର୍ଚ୍ଚାରେ ଅଛନ୍ତି। ତାହା ପୁଣି ଚଳଚ୍ଚିତ୍ର ନିର୍ମାତା ରାଜ ନିଦିମୋରୁଙ୍କ ସହ ସମ୍ପର୍କ ପାଇଁ । ଉଭୟଙ୍କ ଅନେକ ଫଟୋ ସୋସିଆଲ ମିଡିଆରେ ଭାଇରାଲ ହେଉଛି। କିନ୍ତୁ ସେମାନେ କେବେ ସେମାନଙ୍କ ସମ୍ପର୍କକୁ ନିଶ୍ଚିତ କରି ନାହାନ୍ତି। ହେଲେ ନିକଟରେ ଏଭଳି ଏକ ଫଟୋ ସେୟାର କରିଛନ୍ତି ।ଯାହାକୁ ଦେଖିଲେ ଆପଣ ବି ଆଶ୍ଚର୍ଯ୍ୟ ହୋଇଯିବେ।

ଏହାସହ ପଢ଼ନ୍ତୁ : ସାମ୍ନାକୁ ଆସିଲା ବିଜୟ-ରଶ୍ମୀକାଙ୍କ ଓ୍ବେଡିଂ ଡେଟ: ରାଜସ୍ଥାନରେ କରିବେ ବିବାହ

ନିକଟରେ ସାମନ୍ଥା ରାଜ ନିଦିମୋରୁଙ୍କ ସହ ଏକ ରୋମାଣ୍ଟିକ ଫଟୋ ସେୟାର କରିଛନ୍ତି, ଯାହା ଦ୍ୱାରା ପ୍ରଶଂସକମାନେ ବିଶ୍ୱାସ କରୁଛନ୍ତି ଯେ ଅଭିନେତ୍ରୀ "ଦି ଫ୍ୟାମିଲି ମ୍ୟାନ୍" ନିର୍ଦ୍ଦେଶକଙ୍କ ସହ ତାଙ୍କ ସମ୍ପର୍କକୁ ନିଶ୍ଚିତ କରୁଛନ୍ତି। ଏହି ଫଟୋ ଭାଇରାଲ ହେବା ପରେ, ୟୁଜର୍ସମାନେ ସାମନ୍ଥାଙ୍କ ଫଟୋ ଉପରେ ପ୍ରତିକ୍ରିୟା ଦେଉଛନ୍ତି। ଅଭିନେତ୍ରୀ ସାମନ୍ଥା ରୁଥ୍ ପ୍ରଭୁ ତାଙ୍କ ଅଫିସିଆଲ୍ ଇନଷ୍ଟାଗ୍ରାମ୍ ଆକାଉଣ୍ଟରେ ଅନେକ ଫଟୋ ସେୟାର କରିଛନ୍ତି। ନିକଟରେ, ଅଭିନେତ୍ରୀ ତାଙ୍କର ନିଜର ପରଫ୍ୟୁମ୍ ବ୍ରାଣ୍ଡ ଲଞ୍ଚ କରିଛନ୍ତି। ଏହି ଇଭେଣ୍ଟର ସମସ୍ତ ଫଟୋ ମଧ୍ୟରୁ, ଯେଉଁ ଫଟୋଟି ସବୁଠାରୁ ଅଧିକ ଧ୍ୟାନ ଆକର୍ଷଣ କରିଥିଲା ​​ତାହା ଥିଲା ରାଜଙ୍କ ସହ। ଏହି ଫଟୋରେ, ରାଜ ତାଙ୍କ ସହ ଠିଆ ହୋଇଛନ୍ତି, ଏବଂ ସାମନ୍ଥା ରୁଥ୍ ପ୍ରଭୁ ତାଙ୍କୁ ଧରି ରୋମାଣ୍ଟିକ ପୋଜ୍ ଦେଉଛନ୍ତି।

ଏହାସହ ପଢ଼ନ୍ତୁ :୪୨ ବର୍ଷରେ ମା' ହେଲେ କାଟ୍ରିନା କୈଫ: ପୁତ୍ରସନ୍ତାନକୁ ଦେଲେ ଜନ୍ମ

ଏହି ଫଟୋ ସେୟାର କରି ସାମନ୍ଥା ଲେଖିଛନ୍ତି, "ପରିବାର ଏବଂ ବନ୍ଧୁମାନଙ୍କ ସହ। ଗତ ଦେଢ଼ ବର୍ଷ ମଧ୍ୟରେ, ମୁଁ ମୋ କ୍ୟାରିୟରରେ ଅନେକ ସାହସିକ ପଦକ୍ଷେପ ନେଇଛି। ମୁଁ ମୋର ମନ କଥା ଶୁଣି ରିକ୍ସ ନେବା ସହ କିଛି ନୂଆ ଶିଖିଛି। ଆଜି, ମୁଁ ମୋର ଛୋଟ ସଫଳତାକୁ ଉପଭୋଗ କରୁଛି। ଗତ କିଛି ବର୍ଷ ମଧ୍ୟରେ ପରିଶ୍ରମୀ ଏବଂ ଶ୍ରେଷ୍ଠ ଲୋକଙ୍କ ସହିତ କାମ କରିଥିବାରୁ କୃତଜ୍ଞ। ମୁଁ ଆତ୍ମବିଶ୍ୱାସର ସହିତ କହିପାରିବି ଯେ ଏହା କେବଳ ଆରମ୍ଭ।"

ଦି ଫ୍ୟାମିଲି ମ୍ୟାନ୍" ନିର୍ଦ୍ଦେଶକଙ୍କ ସହ ସାମନ୍ଥାଙ୍କ ରୋମାଣ୍ଟିକ ଫଟୋ ଦେଖିବା ପରେ ପ୍ରଶଂସକମାନେ ମିଶ୍ରିତ ପ୍ରତିକ୍ରିୟା ଦେଉଛନ୍ତି। ଜଣେ ୟୁଜର୍ସ ଲେଖିଛନ୍ତି, "ବୋଧ ହୁଏ ସମ୍ପର୍କ ଏବେ ନିଶ୍ଚିତ ହୋଇଗଲା," ଅନ୍ୟ ଜଣେ ଲେଖିଛନ୍ତି, "ଆମେ ଏହାକୁ କନଫର୍ମ ବୋଲି ଭାବିବା କି? ଆଉ କିଛି ପ୍ରଶଂସକ ଏହି କପଲଙ୍କ ଉପରେ ପ୍ରେମ ବର୍ଷା କରୁଥିବା ବେଳେ, ଅନ୍ୟମାନେ ସାମନ୍ଥାଙ୍କ ରିଲେଶନକୁ ପସନ୍ଦ କରୁନାହାନ୍ତି।