ଅଲ୍ଲୁଙ୍କ ବିରୋଧରେ ବିବାଦୀୟ ମନ୍ତବ୍ୟ ଦେଇ ଫସିଲେ ସିଦ୍ଧାର୍ଥ
ଅର୍ଗସ ବ୍ୟୁରୋ : "ପୁଷ୍ପା ୨ ଫିଲ୍ମରେ କ୍ବାଲିଟି ନାହିଁ " । ଏପରି କହି ଚର୍ଚ୍ଚାକୁ ଆସିଛନ୍ତି ସାଉଥ ସୁପରଷ୍ଟାର ସିଦ୍ଧାର୍ଥ ନାରାୟଣ । ପୁଷ୍ପା ୨ ରିଲିଜ ହେବା ପରଠୁ ବକ୍ସ ଅଫିସରେ ତାର ଜବରଦସ୍ତ ପଫୋମାନ୍ସ ଦେଖାଇସାରିଛି । ୫ ଦିନ ଭିତରେ ଏହା ପାଖାପାଖି ୯୦୦ କୋଟି ଟଙ୍କା ବିଶ୍ବବ୍ୟାପୀ ଆୟ କରିସାରିଛି । ଏହା ଭିତରେ ଅଲ୍ଲୁ ଅର୍ଜୁନଙ୍କୁ ଅପମାନିତ କଲାଭଳି ମନ୍ତବ୍ୟ ଦେଇଛନ୍ତି ସିଦ୍ଧାର୍ଥ ।
ପୁଷ୍ପା ୨ ଟ୍ରେଲର ଲଞ୍ଚ ହେବାଦିନ ସେ ଅଲ୍ଲୁ ଅର୍ଜୁନଙ୍କ ଫ୍ୟାନ୍ସ ମାନଙ୍କୁ ଜେସିବି ଖୋଳିବା ବେଳେ ଏକତ୍ରିତ ହୋଇ ଭିଡ ଜମାଇ ଦେଖୁଥିବା ଲୋକଙ୍କ ସହ ତୁଳନା କରିଛନ୍ତି । ସିଦ୍ଧାର୍ଥ ଏହା ମଧ୍ୟ କହିଛନ୍ତି ଯେ ଏହାର ଅର୍ଥ ଫିଲ୍ମରେ କ୍ବାଲିଟି ନାହିଁ ।
ଫିଲ୍ମ ପୁଷ୍ପା ୨ର ଟ୍ରେଲର ବିହାରର ପାଟନାରେ ଲଞ୍ଚ କରାଯାଇଥିଲା । ଏହି ଇଭେଣ୍ଟରେ ପହଞ୍ଚିଥିଲେ ଅଲ୍ଲୁ ଅର୍ଜୁନଙ୍କ ଲକ୍ଷ ଲକ୍ଷ ପ୍ରଶଂସକ । ଏହି ଇଭେଣ୍ଟକୁ ନେଇ ସିଦ୍ଧାର୍ଥ କହିଥିଲେ , ଭାରତରେ ଏପରି ଭିଡ ହବା କୌଣସି ଅସାଧାରଣ କଥା ନୁହେଁ । ଏପରି ଯଦି ହୋଇଥାନ୍ତା , ତାହେଲେ ସବୁ ରାଜନୈତିକ ପାର୍ଟି ଜିତି ଯାଇଥାନ୍ତା , ଆଉ କାହାକୁ ମଦ ବୋତଲ, ବିରିୟାନୀ ପ୍ୟାକେଟ ବାଣ୍ଟିବାକୁ ପଡି ନଥାନ୍ତା । ସିଦ୍ଧାର୍ଥଙ୍କ ଏପରି ଟିପ୍ପଣୀକୁ ନେଇ ଅଲ୍ଲୁ ଅର୍ଜୁନଙ୍କ ପ୍ରଶଂସକ ମାନେ ତାଙ୍କୁ ସମାଲୋଚନା କରିଛନ୍ତି । ସେ କହିଛନ୍ତି, ସିଦ୍ଧାର୍ଥ ତାଙ୍କୁ ଇର୍ଷା କରିଛନ୍ତି । ସେଥିପାଇଁ ତାଙ୍କ ଫିଲ୍ମକୁ ନେଇ ଏପରି କହୁଛନ୍ତି ।
ସେହିପରି ଆଉ ଜଣେ ପ୍ରଶଂସକ ଲେଖିଛନ୍ତି, ସିଦ୍ଧାର୍ଥଙ୍କ ଭାରତରେ କି ସାଉଥ ଇଣ୍ଡଷ୍ଟ୍ରୀରେ କେହି ଚିହ୍ନନ୍ତି ନାହିଁ । ସେଥିପାଇଁ ତାଙ୍କର ଏପରି ମନ୍ତବ୍ୟ ଦେବା ବୃଥା ଅଟେ । ତେବେ ସିଦ୍ଧାର୍ଥଙ୍କ ଏପରି ମନ୍ତବ୍ୟକୁ ନେଇ ବିଭିନ୍ନ ମାହୋଲରେ ଚର୍ଚ୍ଚା ଲାଗି ରହିଛି ।
