୨୦୨୬ ତାମିଲନାଡୁ ବିଧାନସଭା ନିର୍ବାଚନର ସବୁଠାରୁ ବଡ଼ କାହାଣୀ ମଧ୍ୟରୁ ଗୋଟିଏ ହେଉଛନ୍ତି ଥାଲାପତି ବିଜୟ । ତାଙ୍କ ଦଳ ତାମିଲଗା ଭେଟ୍ରି କାଝାଗମ (TVK) ଏକ ଶକ୍ତିଶାଳୀ ପଦାର୍ପଣ କରି ରାଜ୍ୟର ରାଜନୈତିକ ଦୃଶ୍ୟପଟକୁ ପୁନଃ ଆକୃତି ଦେଇଛି । ଅଭିନେତାରୁ ରାଜନେତା ହୋଇଥିବା ବିଜୟ ରାଜନୀତିରେ ବି ହିଟ୍ ହୋଇଛନ୍ତି । ତେବେ ପରଦା ବାହାରେ କିପରି ବିଜୟଙ୍କ ଜୀବନ ? କିଏ ବିଜୟଙ୍କ ପତ୍ନୀ ଓ କାହିଁକି ତାଙ୍କ ବୈବାହିକ ଜୀବନରେ ବିବାଦରେ ?

• ଥାଲାପାଥି ବିଜୟଙ୍କ ପତ୍ନୀ ସଂଗୀତ ସୋର୍ନାଲିଙ୍ଗମ୍

ବିଜୟ ସବୁବେଳେ ନିଜର ବ୍ୟକ୍ତିଗତ ଜୀବନକୁ ବର୍ଷ ବର୍ଷ ଧରି ବ୍ୟକ୍ତିଗତ ରଖିଆସିଛନ୍ତି । ସେ ୧୯୯ ମସିହା ଅଗଷ୍ଟ ୨୫ରେ ଚେନ୍ନାଇରେ ଏକ ପାରମ୍ପରିକ ସମାରୋହରେ ସଙ୍ଗୀତା ସୋର୍ନାଲିଙ୍ଗମଙ୍କୁ ବିବାହ କରିଥିଲେ । ସେତେବେଳେ ୟୁକେରେ ରହୁଥିବା ଶ୍ରୀଲଙ୍କାର ତାମିଲ ଯୁବତୀ ସଙ୍ଗୀତା ବିଜୟଙ୍କ ପ୍ରଶଂସକ ଥିଲେ ଏବଂ ତାଙ୍କ ଫିଲ୍ମ 'ପୁଭେ ଉନାକାଗା' ଦେଖିବା ପରେ ତାଙ୍କ ସହିତ ସାକ୍ଷାତ କରିଥିଲେ । ପ୍ରଶଂସକରୁ ସଙ୍ଗୀତା ଧୀରେ ଧୀରେ ପ୍ରେମିକା ହୋଇଥିଲେ ଓ ଉଭୟ ପରିବାର ଶେଷରେ ବିବାହ ବନ୍ଧନରେ ଆବଦ୍ଧ ହୋଇଥିଲେ ।

• ବିଜୟଙ୍କର କେତୋଟି ସନ୍ତାନ ଅଛି ?

ବିଜୟ ସର୍ବଦା ନିଜ ବ୍ୟକ୍ତିଗତ ଜୀବନକୁ ପ୍ରାଇଭେଟ୍ ରଖୁଥିଲେ । ଉଭୟ ସ୍ଵାମୀସ୍ତ୍ରୀ ସାଧାରଣରେ ଏକାଠି ଦେଖାଯାଉ ନଥିଲେ କିମ୍ବା ସେମାନଙ୍କ ବ୍ୟକ୍ତିଗତ ଜୀବନ ବିଷୟରେ କଥା ହେଉନଥିଲେ । ସେମାନଙ୍କର ଦୁଇଟି ସନ୍ତାନ ଅଛନ୍ତି - ପୁଅ ଜାସନ ସଞ୍ଜୟ ଏବଂ ଝିଅ ଦିବ୍ୟା ସାଶା, ଯେଉଁମାନେ ବଡ଼ ହେବା ସମୟରେ ଗଣମାଧ୍ୟମର ଦୃଷ୍ଟିରୁ ପ୍ରାୟତଃ ଦୂରରେ ରହିଥିଲେ । ବିଜୟ ଲୋକପ୍ରିୟତାର ଶୀର୍ଷରେ ଥିଲେ ବି ସର୍ବଦା ନିଜ ପରିବାରକୁ କ୍ୟାମେରାଠାରୁ ଦୂରରେ ରଖୁଥିଲେ ।

• ତ୍ରିଶା କୃଷ୍ଣନଙ୍କ ସହ ସମ୍ପର୍କକୁ ନେଇ ଚର୍ଚ୍ଚା

ବର୍ଷ ବର୍ଷ ଧରି, ବିଜୟ ଏବଂ ତ୍ରିଶା ତାମିଲ ସିନେମାର ସବୁଠାରୁ ପ୍ରିୟ ଅନସ୍କ୍ରିନ ଯୋଡ଼ି ହୋଇଥିଲେ । ଗିଲି (୨୦୦୪), ଥିରୁପାଚି (୨୦୦୫), ଆଥି (୨୦୦୬) ଏବଂ କୁରୁଭି (୨୦୦୮) ଭଳି ହିଟ୍ ଫିଲ୍ମରେ ସେମାନଙ୍କର ଚମତ୍କାର କେମେଷ୍ଟ୍ରି ପ୍ରଶଂସକମାନଙ୍କୁ ଆକର୍ଷିତ କରିଥିଲା । କିନ୍ତୁ କୁରୁଭି ପରେ ଦୁହେଁ ହଠାତ୍ ଏକାଠି କାମ କରିବା ବନ୍ଦ କରିଦେଇଥିଲେ । ବିଜୟଙ୍କ ପରିବାର ତାଙ୍କୁ ତ୍ରିଶାଙ୍କ ସହିତ କାମ କରିବାକୁ ବାରଣ କରୁଥିଲେ ବୋଲି ଚର୍ଚ୍ଚା ହେଉଥିଲା । ହେଲେ ଉଭୟ କେବଳ ଭଲ ବନ୍ଧୁ ବୋଲି ପ୍ରତିକ୍ରିୟାରେ କହିଥିଲେ ।

• ସଙ୍ଗୀତାଙ୍କ ସହ ବିଜୟଙ୍କ ଛାଡ଼ପତ୍ର

ଫେବୃଆରୀ ୨୦୨୬ରେ ବିଜୟଙ୍କ ପତ୍ନୀ ସଙ୍ଗୀତା ଛାଡ଼ପତ୍ର ଆବେଦନ କରିଥିବା ଖବର ମିଳିଥିଲା । ଏହି କେସ ଚେଙ୍ଗାଲପଟ୍ଟୁ ପରିବାର କୋର୍ଟରେ ଆବେଦନ ହୋଇଥିଲା । କିଛି ରିପୋର୍ଟ ଅନୁସାରେ, ବିଜୟଙ୍କ ପରକୀୟା ପ୍ରୀତି ଥିବା ପତ୍ନୀ ଅଭିଯୋଗ ଆଣିଥିଲେ । ଏହା ତାଙ୍କୁ ଖୁବ ଆଘାତ ଦେଇଥିଲା ଓ ସେଥିପାଇଁ ସେ ବିଜୟଙ୍କଠାରୁ ଛାଡ଼ପତ୍ର ଚାହୁଁଥିବା ଚର୍ଚ୍ଚା ହୋଇଥିଲା । ହେଲେ ଉଭୟ ଏ ସମ୍ପର୍କରେ କୌଣସି ସାର୍ବଜନୀନ ପ୍ରତିକ୍ରିୟା ଦେଇନାହାନ୍ତି ।