Gold Price Today / ହଠାତ୍ ଖସିଲା ସୁନା-ରୁପା ଦର ! ରୁପା ୬,୦୦୦ ଟଙ୍କା ଓ ସୁନା ୩ ହଜାର ଟଙ୍କା କମିଲା
·29 mins ago·2 min read

Key Points
ଗ୍ରାହକଙ୍କ ପାଇଁ ବଡ଼ ଖବର
ହଠାତ୍ ଶସ୍ତା ହେଲା ସୁନା ଓ ରୁପା
ରୁପା ୬ ହଜାର ଓ ସୁନା ୩ ହଜାର ଟଙ୍କା ଖସିଲା
ହଠାତ୍ ଶସ୍ତା ହେଲା ସୁନା ଓ ରୁପା
ରୁପା ୬ ହଜାର ଓ ସୁନା ୩ ହଜାର ଟଙ୍କା ଖସିଲା
ସୁନା ଓ ରୁପା କିଣିବାକୁ ଯୋଜନା କରୁଥିବା ଗ୍ରାହକଙ୍କ ପାଇଁ ଆସିଛି ବଡ଼ ଖବର । ପୁଣି ଥରେ ଦେଶରେ ସୁନା-ରୁପା ଦରରେ ବଡ଼ ଧରଣର ହ୍ରାସ ଦେଖିବାକୁ ମିଳିଛି । ବୁଧବାର ମଲ୍ଟି କମୋଡିଟି ଏକ୍ସଚେଞ୍ଜ (MCX)ରେ କାରବାର ଆରମ୍ଭ ହେବା ମାତ୍ରେ ଉଭୟ ମୂଲ୍ୟବାନ ଧାତୁର ଦାମ୍ ହ୍ରାସ ପାଇଛି । ରୁପା କିଲୋଗ୍ରାମ ପିଛା ୬ ହଜାର ଟଙ୍କାରୁ ଅଧିକ ଶସ୍ତା ହୋଇଥିବା ବେଳେ ସୁନା ୧୦ ଗ୍ରାମ ପିଛା ୩ ହଜାର ଟଙ୍କାରୁ ଅଧିକ ଖସିଛି ।
ରୁପା ଦରରେ ବଡ଼ ହ୍ରାସ
ମଙ୍ଗଳବାର କାରବାର ଶେଷରେ ଡିସେମ୍ବର ୪ ତାରିଖ ଏକ୍ସପାୟରି ଥିବା ରୁପାର ମୂଲ୍ୟ କିଲୋଗ୍ରାମ ପିଛା ୧,୬୯,୭୦୨ ଟଙ୍କା ରହିଥିଲା । କିନ୍ତୁ ବୁଧବାର କାରବାର ଆରମ୍ଭ ହେବା ସହ ଏହା ହ୍ରାସ ପାଇ ୧,୬୩,୫୩୩ ଟଙ୍କାରେ ପହଞ୍ଚିଛି । ଅର୍ଥାତ୍ ଗୋଟିଏ ଝଟକାରେ ରୁପା କିଲୋଗ୍ରାମ ପିଛା ୬,୧୬୯ ଟଙ୍କା ଶସ୍ତା ହୋଇଛି ।
ଏହି ହ୍ରାସ ପରେ ରୁପା ନିଜର ସର୍ବକାଳୀନ ସର୍ବୋଚ୍ଚ ଦରଠାରୁ ଆହୁରି ତଳକୁ ଖସିଛି । ଗତ ଜାନୁଆରୀ ୨୯ ତାରିଖରେ ରୁପାର ଦାମ୍ କିଲୋଗ୍ରାମ ପିଛା ୪,୨୦,୦୪୮ ଟଙ୍କାର ଐତିହାସିକ ସ୍ତର ଛୁଇଁଥିଲା । ବର୍ତ୍ତମାନର ଦର ସହ ତୁଳନା କଲେ ଏହା ୨,୫୬,୫୧୫ ଟଙ୍କା ଶସ୍ତା ହୋଇଛି ।
ନଭେମ୍ବରରେ ୧୫,୫୯୯ ଟଙ୍କା ଶସ୍ତା ହେଲା ରୁପା
ନଭେମ୍ବର ମାସରେ ମଧ୍ୟ ରୁପା ଦରରେ ଲଗାତାର ହ୍ରାସ ଜାରି ରହିଛି । ଅକ୍ଟୋବର ୩୦ ତାରିଖରେ ରୁପାର ମୂଲ୍ୟ କିଲୋଗ୍ରାମ ପିଛା ୧,୭୯,୧୩୨ ଟଙ୍କାରେ ବନ୍ଦ ହୋଇଥିଲା । ଅନ୍ୟପକ୍ଷରେ, ନଭେମ୍ବର ୧ରୁ ୧୮ ତାରିଖ ମଧ୍ୟରେ ଏହା ହ୍ରାସ ପାଇ ୧,୬୩,୫୩୩ ଟଙ୍କାରେ ପହଞ୍ଚିଛି । ଅର୍ଥାତ୍ ଚଳିତ ମାସରେ ରୁପା କିଲୋଗ୍ରାମ ପିଛା ୧୫,୫୯୯ ଟଙ୍କା ଶସ୍ତା ହୋଇଛି ।
ସୁନା ଦର ମଧ୍ୟ ଖସିଲା ୩ ହଜାର ଟଙ୍କାରୁ ଅଧିକ
କେବଳ ରୁପା ନୁହେଁ, ସୁନା ଦରରେ ମଧ୍ୟ ବଡ଼ ହ୍ରାସ ଦେଖାଦେଇଛି । ମଙ୍ଗଳବାର MCXରେ ଡିସେମ୍ବର ୪ ଏକ୍ସପାୟରି ଥିବା ସୁନାର ଦାମ୍ ୧୦ ଗ୍ରାମ ପିଛା ୧,୩୪,୨୨୩ ଟଙ୍କାରେ ବନ୍ଦ ହୋଇଥିଲା । କିନ୍ତୁ ବୁଧବାର କାରବାର ଆରମ୍ଭ ହେବା ପରେ ଏହା ହ୍ରାସ ପାଇ ୧,୩୧,୦୬୫ ଟଙ୍କାରେ ପହଞ୍ଚିଛି ।
ଫଳରେ ୧୦ ଗ୍ରାମ ପିଛା ସୁନା ଦର ୩,୧୫୮ ଟଙ୍କା ହ୍ରାସ ପାଇଛି। ଏହା ସୁନା କିଣିବାକୁ ଅପେକ୍ଷା କରିଥିବା ଗ୍ରାହକଙ୍କ ପାଇଁ ଏକ ବଡ଼ ଖବର ।
📱 Get Argus News App
✨📰 60 Word News🎬 Argus Podcast📺 Live TV and Breaking News🔔 Free Notification Alerts
Download Free:
ନଭେମ୍ବରରେ ୭,୪୨୦ ଟଙ୍କା ଶସ୍ତା ହେଲା ସୁନା
ଚଳିତ ନଭେମ୍ବର ମାସରେ ସୁନା ଦରରେ ମଧ୍ୟ ବଡ଼ ହ୍ରାସ ହୋଇଛି। ଅକ୍ଟୋବର ମାସର ଶେଷ କାରବାର ଦିନରେ ୧୦ ଗ୍ରାମ ସୁନାର ଦାମ୍ ୧,୩୮,୪୮୫ ଟଙ୍କା ରହିଥିଲା । କିନ୍ତୁ ବୁଧବାର ଏହା ହ୍ରାସ ପାଇ ୧,୩୧,୦୬୫ ଟଙ୍କାକୁ ଖସିଆସିଛି । ଅର୍ଥାତ୍ ନଭେମ୍ବର ମାସରେ ଏପର୍ଯ୍ୟନ୍ତ ସୁନା ୧୦ ଗ୍ରାମ ପିଛା ୭,୪୨୦ ଟଙ୍କା ଶସ୍ତା ହୋଇସାରିଛି ।
ଚଳିତ ନଭେମ୍ବର ମାସରେ ସୁନା ଦରରେ ମଧ୍ୟ ବଡ଼ ହ୍ରାସ ହୋଇଛି। ଅକ୍ଟୋବର ମାସର ଶେଷ କାରବାର ଦିନରେ ୧୦ ଗ୍ରାମ ସୁନାର ଦାମ୍ ୧,୩୮,୪୮୫ ଟଙ୍କା ରହିଥିଲା । କିନ୍ତୁ ବୁଧବାର ଏହା ହ୍ରାସ ପାଇ ୧,୩୧,୦୬୫ ଟଙ୍କାକୁ ଖସିଆସିଛି । ଅର୍ଥାତ୍ ନଭେମ୍ବର ମାସରେ ଏପର୍ଯ୍ୟନ୍ତ ସୁନା ୧୦ ଗ୍ରାମ ପିଛା ୭,୪୨୦ ଟଙ୍କା ଶସ୍ତା ହୋଇସାରିଛି ।
Related Topics
Explore more stories