ଅଧିକାଂଶ ଲୋକ ବିଶ୍ୱାସ କରନ୍ତି ଯେ ସ୍ତନ କର୍କଟ କେବଳ ମହିଳାଙ୍କୁ ହୋଇଥାଏ । ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ପୁରୁଷମାନେ ବି ସ୍ତନ କର୍କଟ ରୋଗରେ ପୀଡିତ ହୋଇପାରନ୍ତି । କିଛି ଗଣମାଧ୍ୟମ ରିପୋର୍ଟ ଅନୁଯାୟୀ, ଆମେରିକାର ବିଶ୍ୱ ବାଣିଜ୍ୟ କେନ୍ଦ୍ର ଅଞ୍ଚଳ ନିକଟରେ ରହୁଥିବା ଏବଂ କାମ କରୁଥିବା କିଛି ପୁରୁଷଙ୍କଠାରେ ସ୍ତନ କର୍କଟ ରୋଗର ଘଟଣା ରିପୋର୍ଟ ହୋଇଛି ଏବଂ ଏହି ଗୁରୁତର ରୋଗରେ ବୃଦ୍ଧି ଘଟିଛି।

ବିଶେଷଜ୍ଞମାନେ କୁହନ୍ତି ଯେ ପୁରୁଷମାନେ ପ୍ରାୟତଃ ଏହି ରୋଗର ଲକ୍ଷଣଗୁଡ଼ିକୁ ଅଣଦେଖା କରନ୍ତି କାରଣ ସେମାନେ ବିଶ୍ୱାସ କରନ୍ତି ଯେ ଏହା ସେମାନଙ୍କ ସହିତ ଜଡିତ ନୁହେଁ । ଏହି ଚିନ୍ତାଧାରା ପ୍ରାୟତଃ ବିଳମ୍ବରେ ରୋଗ ନିର୍ଣ୍ଣୟ ଏବଂ ଚିକିତ୍ସାର କାରଣ ସାଜିଥାଏ, ଯାହା ଜୀବନ ପ୍ରତି ବିପଦପୂର୍ଣ୍ଣ ହୋଇଥାଏ । ଏଣୁ ଆମେ ଆପଣଙ୍କୁ ପୁରୁଷଙ୍କଠାରେ ଦେଖାଯାଉଥିବା କର୍କଟ ଓ ଏହାର ଲକ୍ଷଣଗୁଡ଼ିକ ବିଷୟରେ କହିବୁ ।

ପଢନ୍ତୁ ଏହି ଖବର: ସକାଳୁ ଏହି ଅଭ୍ୟାସ ଥିଲେ ସାବଧାନ ! ଶୀଘ୍ର ହୋଇଯିବେ ଦୁର୍ବଳ

• ପୁରୁଷମାନଙ୍କଠାରେ ସ୍ତନ କର୍କଟ କିପରି ହୁଏ?

ସାଧାରଣତଃ ପୁରୁଷମାନେ ଅଳ୍ପ ପରିମାଣର ସ୍ତନ ଟିସୁ ସହିତ ଜନ୍ମ ହୁଅନ୍ତି । ଯେତେବେଳେ ଏହି ଟିସୁର କୋଷଗୁଡ଼ିକରେ ଅସ୍ୱାଭାବିକ ପରିବର୍ତ୍ତନ ଘଟେ, ସେତେବେଳେ କର୍କଟ ରୋଗ ହୋଇପାରେ । ଏହି ରୋଗ ସାଧାରଣତଃ ଛାତିର ଉପର ଭାଗରେ ଏକ ଗଣ୍ଠି ଭାବରେ ଆରମ୍ଭ ହୁଏ, ଯାହା ସମୟ ସହିତ ଟ୍ୟୁମରରେ ପରିଣତ ହୋଇପାରେ । ଏହି ରୋଗ ପ୍ରାରମ୍ଭରେ ଯନ୍ତ୍ରଣାହୀନ ହୋଇଥିବାରୁ ଅନେକ ଲୋକ ଏହାକୁ ଅଣଦେଖା କରନ୍ତି । ତଥାପି ସଠିକ ସମୟରେ ଏହାର ଯାଞ୍ଚ ନ କରିବା ଆପଣଙ୍କ ପ୍ରତି ବିପଦପୂର୍ଣ୍ଣ ହୋଇପାରେ । କର୍କଟ ରୋଗର ଲକ୍ଷଣ ଯେତେବେଳେ ଭଲ ଭାବରେ ଦେଖାଯାଏ, ସେତେବେଳେ ବହୁତ ବିଳମ୍ବ ହୋଇଯାଏ । କାରଣ ସେତେବେଳକୁ କର୍କଟ ଶରୀରକୁ କବଳିତ କରିସାରିଥାଏ, ଯାହାର ଚିକିତ୍ସା କରିବା ଅତ୍ୟନ୍ତ କଷ୍ଟକର ହୋଇପଡ଼େ ।

• କେଉଁ ପୁରୁଷମାନେ ଅଧିକ ବିପଦରେ ?

ସ୍ୱାସ୍ଥ୍ୟ ବିଶେଷଜ୍ଞମାନେ ବିଶ୍ୱାସ କରନ୍ତି ଯେ ୬୦ରୁ ୭୦ବର୍ଷ ବୟସର ପୁରୁଷମାନେ ସର୍ବାଧିକ ବିପଦରେ ଥାଆନ୍ତି, କିନ୍ତୁ ଏହାବାଦ ଏହି ମାରତ୍ମକ ରୋଗଟି ଯେକୌଣସି ବୟସରେ ହୋଇପାରେ । ତେବେ ଅଧିକ ବୟସ, ହରମୋନ ଅସନ୍ତୁଳନ, ସିରୋସିସ୍ ଭଳି ଯକୃତ ରୋଗ ଏବଂ କିଛି ଜେନେଟିକ୍ ଅବସ୍ଥା ଏହି ବିପଦକୁ ବଢ଼ାଇପାରେ । ଏହା ସହିତ ଯେଉଁ ପୁରୁଷମାନେ ଇଷ୍ଟ୍ରୋଜେନ୍ ଥେରାପି ଗ୍ରହଣ କରନ୍ତି ସେମାନଙ୍କ ପ୍ରତି ଅଧିକ ବିପଦ ହୋଇପାରେ ।

ଏଥିସହ ପଢ଼ନ୍ତୁ: ପ୍ଲାଷ୍ଟିକ୍ କପ୍ ରେ ଚା' ପିଇଲେ ହୋଇପାରେ ଏହି ମାରାତ୍ମକ ରୋଗ

• ଏହାର ଲକ୍ଷଣଗୁଡ଼ିକ କ’ଣ ଏବଂ କିପରି ବର୍ତ୍ତିବେ ?

ପୁରୁଷମାନଙ୍କ ମଧ୍ୟରେ ସ୍ତନ କର୍କଟ ରୋଗର ପ୍ରାରମ୍ଭିକ ଲକ୍ଷଣଗୁଡ଼ିକ ସାମାନ୍ୟ ହୋଇପାରେ, ଯେପରିକି ଛାତିରେ ଯନ୍ତ୍ରଣାହୀନ ଗଣ୍ଠି, ଚର୍ମରେ ପରିବର୍ତ୍ତନ, ନିପଲ ଭିତରକୁ ମୋଡ଼ିବା କିମ୍ବା କୌଣସି ତରଳ ପଦାର୍ଥ ସ୍ତନରୁ ନିର୍ଗତ ହେବା । ଯଦି ଏହି ଲକ୍ଷଣଗୁଡ଼ିକ ଦୀର୍ଘ ସମୟ ପର୍ଯ୍ୟନ୍ତ ରହିଥାଏ, ତେବେ ଆପଣଙ୍କୁ ତୁରନ୍ତ ଡାକ୍ତରଙ୍କ ସହିତ ପରାମର୍ଶ କରିବା ଉଚିତ । ସେହି ସମୟରେ, କର୍କଟ ରୋଗ ନିରାକରଣ ପାଇଁ ସୁସ୍ଥ ଜୀବନଶୈଳୀ ବଜାୟ ରଖିବା ଏବଂ ଡାକ୍ତରଙ୍କ ପରାମର୍ଶ ଅନୁଯାୟୀ ଜୀବନଯାପନ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଏହା ସହିତ ଓଜନ ନିୟନ୍ତ୍ରଣ ରଖିବା, ମଦ୍ୟପାନଠାରୁ ଦୂରେଇ ରହିବା, ନିୟମିତ ସ୍ୱାସ୍ଥ୍ୟ ପରୀକ୍ଷା କରିବା ଏବଂ ପରିବାରର ଇତିହାସ ଥିଲେ ଜେନେଟିକ୍ ପରୀକ୍ଷା କରିବା ଆପଣଙ୍କ ବିପଦକୁ ହ୍ରାସ କରିପାରେ ।

ଅଧିକ ଖବର ପଢନ୍ତୁ...