ଅର୍ଗସ ବ୍ୟୁରୋ : ଅନେକ ଥର ଏକ ଛୋଟ ଭୁଲ ଏକ ବଡ଼ ଦୁର୍ଘଟଣାର କାରଣ ହୋଇଥାଏ । ଯୋଉ ଭୁଲ ପାଇଁ ଆମେ କାହାକୁ ଦାୟୀ କରି ପାରିବା । ନିକଟରେ ବ୍ରିଟେନର ଜଣେ ବୟସ୍କା ମହିଳାଙ୍କ ସହ ଘଟିଥିବା ଏକ ଘଟଣା । ଯାହା ବର୍ତ୍ତମାନ ସୋସିଆଲ ମିଡ଼ିଆରେ ଭାଇରାଲ ହେବାର ଲାଗିଛି । ଭିଡିଓରେ, ଦେଖିବାକୁ ମିଳୁଛି ମହିଳା ଜଣକ ଦୋକାନ ବାହାରେ ବୁଲୁଥିବାର ନଜର ଆସୁଛନ୍ତି । ଏହି ସମୟରେ, କିଛି ଅଘଟଣ ଘଟୁଛି ଯାହା ଫଳରେ ମହିଳା ଜଣକ ଆକାଶରେ ଉଡ଼ିବାକୁ ଲାଗୁଛନ୍ତି ।

ସୂଚନା ଅନୁସାରେ, ଜଣେ ୭୨ ବର୍ଷ ବୟସ୍କା ମହିଳା ଏକ ବନ୍ଦ ଦୋକାନର ସଟର ପାଖରେ ଛିଡ଼ା ହୋଇଥିଲେ । ଏହି ଦୋକାନୀ ଜଣକ ଇଲେକଟ୍ରିକ ସଟର ଉଠାଇଲେ । ସଟର ଉଠୁଥିବା ସମୟରେ ମହିଳା ଜଣଙ୍କର ପୋଷାକ ଏଥିରେ ଅଟକି ଯାଇଥିଲା ଏବଂ ମହିଳା ସଟର ସହିତ ଉପରକୁ ଉଠିବାକି ଲାଗିଥିଲେ । ଠିକ୍ ଏହି ସମୟରେ ମହିଳା ଜଣଙ୍କ ଚିତ୍କାର ସୁଣି ଦୋକାନୀ ଜଣକ ଆସି ମହିଳା ଜଣକୁ ଉଦ୍ଧାର କରିଥିଲେ  ।

ଅଧିକ ପଢନ୍ତୁ ବିଦେଶ ଖବର

ଏହି ଭି଼ଡ଼ିଓରେ ଆହୁରି ମଧ୍ୟ ଦେଖିବାକୁ ମିଳିଥିଲା, ମହିଳା ଝଣକ ୧୨ ସେକେଣ୍ଡ ଯାଏ ସଟରରେ ଝୁଲିବାର ନଜର ଆସିଥିଲା । ଦୋକନୀ କର୍ମଚାରୀ ବାହାରକୁ ଆସି ତାଙ୍କୁ ସାହାଯ୍ୟ କରିଥିଲେ । ଯଦି ଦୋକାନୀ ଜଣଙ୍କ ତାଙ୍କୁ ଧରି ନ ଥାନ୍ତେ ତାହାଲେ କଣ ଯେ ହୋଇଥାନ୍ତା । ଏହି ଘଟଣା ଘଟିବା ପରେ ମହିଳା ଜଣକ କହିଛନ୍ତି, ଭଗବାନ ଦୟାରୁ ମୁଁ ବଞ୍ଚି ଗଲି । ଦୋକାନୀ ଭାଇ ଜଣକ ନଥିଲେ ମୋର ଯେ କଣ ହେଇ ଥାନ୍ତା, ଭଗବାନଙ୍କୁ ଜଣା ।