"ଆମେରିକା ଇତିହାସର ସବୁଠୁ ଖରାପ ରାଷ୍ଟ୍ରପତି ଜୋ ବାଇଡେନ"
ଅର୍ଗସ ବ୍ୟୁରୋ : 'ଜୋ ବାଇଡେନ ହେଉଛନ୍ତି ସବୁଠୁ ଖରାପ ରାଷ୍ଟ୍ରପତି' । ଏପରି ନିଜ ଏକ୍ସ ହ୍ୟାଣ୍ଡେଲରେ ଲେଖିଛନ୍ତି ଆମେରିକା ଉପରାଷ୍ଟ୍ରପତି ପ୍ରାର୍ଥୀ ଜେଡି ଭାନ୍ସ । ସେ ଲେଖିଛନ୍ତି, "ଆମେରିକା ଇତିହାସରେ ସବୁଠୁ ଖରାପ ରାଷ୍ଟ୍ରପତି ହେଉଛନ୍ତି ଜୋ ବାଇଡେନ । ଏବଂ ତାଙ୍କ ସହ କମଲା ହାରିସ ବି ସାମିଲ ଅଛନ୍ତି । ସେ ମଧ୍ୟ ୪ ବର୍ଷ ଧରି ଉପରାଷ୍ଟ୍ରପତି ପ୍ରାର୍ଥୀ ଭାବେ ରହି ଜୋ ବାଇଡେନଙ୍କ ସହ ହାତ ମିଳାଇଥିଲେ । ଏବଂ ଜୋ ବାଇଡେନଙ୍କ ସ୍ବାସ୍ଥ୍ୟବସ୍ଥା ନେଇ ମିଥ୍ୟା ତଥ୍ୟ ଦେଉଥିଲେ । ତେଣୁ ବାଇଡେନଙ୍କ ଅସଫଳତାର ସେ ମଧ୍ୟ ଭାଗୀଦାର ଅଟନ୍ତି । ତେଣୁ ଡେମୋକ୍ରାଟିକ୍ ପାର୍ଟି ଯାହାକୁ ବି ରାଷ୍ଟ୍ରପତି ପଦ ପାଇଁ ମଇଦାନକୁ ଓହ୍ଲାଇବ, ଆମେ ତାଙ୍କ ସହ ନିର୍ବାଚନ ଲଢ଼ିବାକୁ ପ୍ରସ୍ତୁତ" ।
ଅଧିକ ପଢନ୍ତୁ : ଆଗାମୀ ଆମେରିକା ରାଷ୍ଟ୍ରପତି ନିର୍ବାଚନ ଲଢ଼ିବେ ନାହିଁ ଜୋ ବାଇଡେନ
ତେବେ ଜୋ ବାଇଡେନ ଚଳିତ ଥର ରାଷ୍ଟ୍ରପତି ନିର୍ବାଚନ ରେସରୁ ଓହରିବା ପରେ ପୂର୍ବତନ ରାଷ୍ଟ୍ରପତି ତଥାଚଳିତ ଥର ରାଷ୍ଟ୍ରପତି ପ୍ରାର୍ଥୀ ଡୋନାଲ୍ଡ ଟ୍ରମ୍ଫ ମଧ୍ୟ ଏପରି ପ୍ରତିକ୍ରିୟା ରଖିଛନ୍ତି । ସେ ଏକ ଆନ୍ତର୍ଜାତୀୟ ଗଣମାଧ୍ୟମକୁ ଫୋନ କଲ ଦ୍ବାରା କହିଛନ୍ତି, "ବାଇଡେନ ହେଉଛନ୍ତି ସବୁଠୁ ଖରାପ ରାଷ୍ଟ୍ରପତି । ତାଙ୍କର ରାଷ୍ଟ୍ରପତି ହେବା ପରେ ଆମେ ବହୁତ କଷ୍ଟ ସହିଛୁ । ତେଣୁ ସେ ଯିବା ପରେ ଏବେ କମଲାଙ୍କୁ ହରାଇବା ସହଜ ହେବ" । ସୂଚନା ମୁତାବକ ଜୋ ବାଇଡେନ ରାଷ୍ଟ୍ରପତି ନିର୍ବାଚନ ରେସରୁ ଓହରି ଯିବାପରେ ଡେମୋକ୍ରାଟିକ ପାର୍ଟି ପକ୍ଷରୁ ପୂର୍ବତନ ରାଷ୍ଟ୍ରପତି କମଲାଙ୍କୁ ରାଷ୍ଟ୍ରପତି ପ୍ରାର୍ଥୀ ଘୋଷଣା କରାଯିବା ନେଇ ଚର୍ଚ୍ଚା ହେଉଛି । ଯାହାକୁ ନେଇ ଏପରି କହିଛନ୍ତି ଡୋନାଲ୍ଡ ଟ୍ରମ୍ଫ । ଏବେ ଅପେକ୍ଷା ଆଗାମୀ ନିର୍ବାଚନକୁ ।
