Sindhi Women / କଟକଣା ସତ୍ତ୍ୱେ ଭାରତରେ ପହଞ୍ଚିଲେ ୧୫୦ ସିନ୍ଧି କନ୍ୟା… ଖୁବଶୀଘ୍ର ହେବେ ଭାରତୀୟଙ୍କ ବୋହୂ

ପ୍ରେମ ପାଇଁ ସୀମା ଓ ଦୂରତା କେବେ ବାଧକ ହୁଏନା । ଭାରତରେ ରହୁଥିବା ସେମାନଙ୍କର ମନ ପସନ୍ଦର ବର ପାଇବାକୁ ପାକିସ୍ତାନରୁ ପହଞ୍ଚିଛନ୍ତି ୧୫୦ଜଣ ସିନ୍ଧି ମହିଳା । ସାଥିରେ ଅଛନ୍ତି ସେମାନଙ୍କର ପରିବାର । ଆଉ ଏମାନଙ୍କର କାହାଣୀ କୌଣସି ଫିଲ୍ମର କାହାଣୀ ଠାରୁ କମ ନୁହେଁ । ସେମାନଙ୍କର ବିବାହ ପୂର୍ବରୁ ଠିକ୍ ହୋଇଯାଇଥିଲେ ମଧ୍ୟ ଅପରେସନ ସିନ୍ଦୂର ପରେ ସେମାନଙ୍କର ସମ୍ପର୍କକୁ ନେଇ ଦେଖାଦେଇଥିଲା ଅନିଶ୍ଚିତତା । ଭାରତ- ପାକ ଦ୍ବିପାକ୍ଷିକ ସମ୍ପର୍କରେ ଦେଖାଦେଇଥିଲା ତିକ୍ତତା । ପାକିସ୍ତାନ ନାଗରିକଙ୍କ ଭିସା ଖାରଜ କରି ଦିଆଯାଇଥିଲା।

ଏହାସହ ପଢ଼ନ୍ତୁ: ରନ୍‌ୱେରେ ଛିଡ଼ା ହୋଇଥିବା ବିମାନକୁ ଉଡ଼ାଇ ନେଲା ପବନ; ଦେଖନ୍ତୁ ଛାତିଥରା Video

ଭାରତର ବୋହୂ ହେବାକୁ ସେମାନଙ୍କର ସ୍ବପ୍ନ ସାକାର ହେବ କି ନାହିଁ ସେ ନେଇ ଚିନ୍ତା ବଢିଯାଇଥିଲା । ଶେଷରେ ସେମାନେ ସେମାନଙ୍କ ମିଶନରେ ସଫଳ ହୋଇଛନ୍ତି । ସାଧାରଣତଃ ପାକିସ୍ତାନୀମାନେ ଓ୍ବାଘା-ଅଟାରୀ ସୀମା ଦେଇ ଭାରତକୁ ଆସିଥାନ୍ତି । କିନ୍ତୁ ଅପରେସନ ସିନ୍ଦୂର ପରେ ବନ୍ଦ ହୋଇଯାଇଥିଲା ସୀମା। ଭାରତ ଆସିବାକୁ ପୁଣି ଦିନ ଗଣୁଥିଲେ । ଆଉ ଏବେ ସେମାନେ ପାକିସ୍ତାନରୁ ସିଧାସଳଖ ଭାରତ ନ ଆସି ବାଂଲାଦେଶ, ଦୁବାଇ, ଓମାନ, ଶ୍ରୀଲଙ୍କା ଓ କତାର ଦେଇ ପହଞ୍ଚିଛନ୍ତି । ଏଥିପାଇଁ ସେମାନଙ୍କୁ ଅତିରିକ୍ତ ବିମାନ ଭଡା ସହ ଅଧିକ ଖର୍ଚ୍ଚ କରିବାକୁ ପଡିଛି । ନାଗପୁର, ରାୟପୁର, ଯୋଧପୁର ଓ ପୁନେ ସହରରେ ସେମାନଙ୍କର ବିବାହ ସ୍ଥିର ହୋଇଛି। 

ଏହାସହ ପଢ଼ନ୍ତୁ: ନିଶାରେ ଝୁମିଲେ ଏହି ଅଭିନେତ୍ରୀ, ଭିଡ଼ିଓ ହେଲା ଭାଇରାଲ୍

୧୯୪୭ ଭାରତ ସ୍ବାଧୀନ ହେବା ପରେ ସିନ୍ଧିମାନେ ଦୁଇ ଦେଶରେ ରହିଯାଇଥିଲେ । ସେମାନଙ୍କର ସୀମା ସରହଦ ଅଲଗା ହୋଇଥିଲେ ମଧ୍ୟ ପାରିବାରିକ ଓ ସାଂସ୍କୃତିକ ସମ୍ବନ୍ଧ ଅତୁଟ ରହିତିଲା । ଦୁଇ ଦେଶ ମଧ୍ୟରେ ସୀମାପାର ବିବାହ ଚାଲୁ ରହିଥିଲା । କିନ୍ତୁ ବହୁତ ସମୟରେ ସଂଖ୍ୟାଲଘୁ ସିନ୍ଧିମାନଙ୍କୁ ପାକିସ୍ତାନରେ ହଇରାଣ ହରକତ କରାଯାଉଥିଲା ଏଥିରେ ସେମାନେ ଅତିଷ୍ଠ ହୋଇ ପଡିଥିଲେ । ଆଉ ମନ ପସନ୍ଦର ସାଥୀ ପାଇବାକୁ ସେମାନେ ଭାରତୀୟଙ୍କୁ ପସନ୍ଦ କରୁଛନ୍ତି । ସେପଟେ ଆଉ ୩ଶହ ଜଣ ସିନ୍ଧି ମହିଳା ଭାରତର ବୋହୂ ହେବାକୁ ଅପେକ୍ଷା କରିଛନ୍ତି । ଆଉ ଚାତକ ପରି ଚାହିଁ ରହିଛନ୍ତି କେତେବେଳେ ସେମାନଙ୍କୁ ମିଳିବ ଭିସା।