ଅର୍ଗସ ବ୍ୟୁରୋ : କାନାଡ଼ା ବ୍ରାମ୍ପଟନରେ ହିନ୍ଦୁ ମନ୍ଦିର ଉପରେ ଆକ୍ରମଣ କରିଥିବା ୪ଜଣ ଖଲିସ୍ତାନୀ ସମର୍ଥକ ଗିରଫ । କାନାଡା ପୋଲିସ ଶିଖ୍ ଫର୍ ଜଷ୍ଟିସ ସଂଗଠନର ଶୀର୍ଷ ନେତା ଇନ୍ଦ୍ରଜିତ୍ ଗୋସାଲ ସମେତ ୪ଜଣ ଚରମପନ୍ଥୀଙ୍କୁ ଗିରଫ କରିଛି । ଏନେଇ କାନାଡାରେ ଥିବା ଭାରତୀୟ ଏଜେନ୍ସି ସୂଚନା ଦେଇଛି । ଗୋସାଲ୍ କାନାଡା ପାଇଁ ଏଏସ୍‌ଏଫ୍‌ଜେର ସଂଯୋଜକ ରହିଛି ଏବଂ ନିହତ ଖଲିସ୍ତାନୀ ଆତଙ୍କବାଦୀ ହରଦୀପ ସିଂହ ନିଜାରର ସେ ସହଯୋଗୀ ଥିଲା ।

ଅଧିକ ପଢନ୍ତୁ ବିଦେଶ ଖବର

ନଭେମ୍ବର ୪ ତାରିଖରେ ଶିଖ୍ ଦଙ୍ଗାର ୪୦ବର୍ଷ ପୂର୍ତ୍ତି ଅବସରରେ ବ୍ରାମ୍ପଟନ ମନ୍ଦିର ନିକଟରେ ବିକ୍ଷୋଭ ପ୍ରଦର୍ଶନ କରୁଥିବା ଖଲିସ୍ତାନ ସମର୍ଥକମାନେ ଅଚାନକ ହିନ୍ଦୁ ଶ୍ରଦ୍ଧାଳୁଙ୍କ ଉପରେ ଆକ୍ରମଣ କରିଥିଲୋ। ଏହି ଘଟଣାରେ ଭାରତ ସରକାର ତୀବ୍ର ପ୍ରତିକ୍ରିୟା ପ୍ରକାଶ କରିଥିଲେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ଏହି ଘଟଣାକୁ କଡ଼ା ନିନ୍ଦା କରିଥିଲେ । ମନ୍ଦିର ଆକ୍ରମଣ ଘଟଣାରେ ଅଭିଯୁକ୍ତଙ୍କୁ ଧରିବା ଲାଗି କାନାଡା ପୋଲିସ ସ୍ବତନ୍ତ୍ର ଟିମ୍ ଗଠନ କରିଥିଲା । ତଦନ୍ତକାରୀ ଟିମ୍ ସିସିଟିଭି ଫୁଟେଜକୁ ବିଶ୍ଲେଷଣ କରି କାର୍ଯ୍ୟାନୁଷ୍ଠାନ ଗ୍ରହଣ କରିଛି । ସନ୍ଦିଗ୍ଧଙ୍କୁ ଚିହ୍ନଟ କରାଯିବ ସହ ସେମାନଙ୍କୁ ଗିରଫ କରାଯାଇଛି ।