Measles Outbreak / ଭାରତର ପଡ଼ୋଶୀ ବାଂଲାଦେଶରେ ବ୍ୟାପୁଛି ମିଳିମିଳା, ସତର୍କ କଲା WHO
·2 hours ago·3 min read
Key Points
ମିଳିମିଳା ସହ ବାଂଲାଦେଶ ଲଢ଼ୁଛି । ସୂଚନା ଅନୁସାରେ, ମାର୍ଚ୍ଚ ୧୫ରୁ ଏବେ ସୁଦ୍ଧା ବାଂଲାଦେଶରେ ମିଳିମିଳାରେ ୨୫୦ରୁ ଅଧିକ ଜଣ ଆଖି ବୁଜିଛନ୍ତି ।
ଢାକା: ପ୍ରଥମେ ଜ୍ଵର, ପୁଣି ଦେହ ସାରା ଲାଲ୍ ଦାଗ । ଅସହ୍ୟ ଯନ୍ତ୍ରଣା ପରେ ଝରି ଯାଉଛି ଗୋଟିଏ ପରେ ଗୋଟିଏ କୋମଳମତି ଜୀବନ । ଏବେ ବାଂଲାଦେଶ ତାର ନିକଟ ଇତିହାସରେ ବଡ଼ଧରଣର ମିଳିମିଳା ସଂକ୍ରମଣର ସାମ୍ନା କରୁଛି । ଆଉ ଏଥିରେ ସର୍ବାଧିକ ଆକ୍ରାନ୍ତ ହେଉଛନ୍ତି ଛୋଟ ଛୁଆ ।
ବାଂଲାଦେଶରେ ବଢ଼ୁଥିବା ମିଳିମିଳା ସଂକ୍ରମଣକୁ ଦେଖି ଚିନ୍ତା ପ୍ରକଟ କରିଛି ବିଶ୍ଵ ସ୍ଵାସ୍ଥ୍ୟ ସଂଗଠନ (WHO) । ମିଳିମିଳା ସଂକ୍ରମଣ ପଡ଼ୋଶୀ ଭାରତ ଓ ମିଆଁମାରକୁ ବ୍ୟାପିବା ନେଇ WHO ଆଶଙ୍କା କରିଛି । ତେବେ ଭାରତରେ ଶତପ୍ରତିଶତ ଟୀକାକରଣ ହେଉଥିବାରୁ ବିପଦ ଆଶଙ୍କା ସେତେଟା ନଥିବା ବିଶେଷଜ୍ଞ କହିଛନ୍ତି ।
ଏଥିସହ ପଢ଼ନ୍ତୁ: ବନ୍ଦ ହେବ ପ୍ଲାଷ୍ଟିକ୍ ପାଉଚ୍ ଗୁଟଖା, ଏଥର ଆସିବ ପେପରବୋର୍ଡ ପ୍ୟାକ୍ ହୋଇ
ଗୋଟିଏ ସମୟରେ ବାଂଲାଦେଶ ମିଳିମିଳା ପାଇଁ ଟିକାକରଣ କ୍ଷେତ୍ରରେ ଦୁନିଆରେ ଆଗରେ ଥିଲା । ଏବେ ମିଳିମିଳା ସହ ବାଂଲାଦେଶ ଲଢ଼ୁଛି । ସୂଚନା ଅନୁସାରେ, ମାର୍ଚ୍ଚ ୧୫ରୁ ଏବେ ସୁଦ୍ଧା ବାଂଲାଦେଶରେ ମିଳିମିଳାରେ ୨୫୦ରୁ ଅଧିକ ଜଣ ଆଖି ବୁଜିଛନ୍ତି ।
ଏହି ସମୟରେ ବାଂଲାଦେଶରେ ମିଳିମିଳାର ୭ ହଜାର ୫୦୦ ମାମଲା ଆସିଛି । ଯାହା ପରେ ବାଂଲାଦେଶରେ ରବିବାର ଠାରୁ ଜରୁରୀକାଳୀନ ଭିତ୍ତିରେ ଟୀକାକରଣ ଅଭିଯାନ ଆରମ୍ଭ କରାଯାଇଛି ।
ବିଶ୍ଵ ସ୍ଵାସ୍ଥ୍ୟ ସଂଗଠନ ଅନୁସାରେ, ବାଂଲାଦେଶର ସମସ୍ତ ୮ଟି ଡିଭିଜନର ୬୪ ଜିଲ୍ଲାରୁ ୫୮ଟି ଜିଲ୍ଲାରେ ମିଳିମିଳା ବ୍ୟାପିଛି । ଚିହ୍ନଟ ହୋଇଥିବା ୭୯ ପ୍ରତିଶତ ମାମଲାରେ ୫ ବର୍ଷରୁ କମ୍ ବୟସ୍କ ଶିଶୁ ଆକ୍ରାନ୍ତ ହୋଇଛନ୍ତି ।
ଦ ଡେଲି ଷ୍ଟାର ରିପୋର୍ଟରେ ଦାବି କରାଯାଇଛି, ବାଂଲାଦେଶର ୯୧ ପ୍ରତିଶତ ମିଳିମିଳା ମାମଲା ୧୪ ବର୍ଷରୁ କମ୍ ଛୁଆଙ୍କ ଠାରେ ଚିହ୍ନଟ ହୋଇଛି । ଏଥିସହ ମୃତ୍ୟୁବରଣ କରିଥିବା ଛୁଆଙ୍କ ବୟସ ୫ ବର୍ଷରୁ କମ୍ ଅଟେ ।
ଟୀକାକରଣରେ ଅବହେଳା
ବାଂଲାଦେଶରେ ପ୍ରତି ୪ ବର୍ଷରେ ଥରେ ମିଳିମିଳା ବିରୋଧରେ ସ୍ଵତନ୍ତ୍ର ଟୀକାକରଣ ଅଭିଯାନ ହୋଇଥାଏ । ଏହା ପୂର୍ବରୁ ୨୦୨୦ରେ ଅଭିଯାନ କରାଯାଇଥିଲା । କିନ୍ତୁ ରାଜନୈତିକ ଅସ୍ଥିରତା ଓ ମହାମାରୀ କୋଭିଡ୍ ପରେ ପରବର୍ତ୍ତୀ ଟୀକାକରଣ ସମୟରେ ହୋଇନଥିଲା ।
ବର୍ତ୍ତମାନର ସ୍ଵାସ୍ଥ୍ୟ ମନ୍ତ୍ରୀ ସରଦାର ସଖାୱତ ହୁସୈନ କହିଛନ୍ତି, "ୟୁନୁସ ସରକାର ସମୟରେ ଟୀକାକରଣ ହାର ୨୦୨୫ରେ ୫୯.୬ ପ୍ରତିଶତକୁ ଖସି ଆସିଥିଲା । ଯେତେବେଳେ କି ୨୦୧୭ରୁ ୨୦୨୩ ପର୍ଯ୍ୟନ୍ତ ଟୀକାକରଣ ହାର ସବୁବେଳେ ୮୯ ପ୍ରତିଶତରୁ ଅଧିକ ରହୁଥିଲା ।"
ମିଳିମିଳା କେମିତି ବ୍ୟାପେ ?
ଏହା ହେଉଛି ଏକ ଭାଇରାଲ୍ ରୋଗ । ଯାହା ଶୀଘ୍ର ବ୍ୟାପିଥାଏ ଏବଂ ସମସ୍ତ ବୟସର ଲୋକଙ୍କୁ ସଂକ୍ରମଣ କରିପାରେ । କିନ୍ତୁ ଏହା ଛୋଟ ଛୁଆଙ୍କ ଲାଗି ଅଧିକ ବିପଜ୍ଜନକ ହୋଇପାରେ । ଦୁନିଆରେ ମିଳିମିଳାରେ ମୃତ୍ୟୁବରଣ ମାମଲା ମଧ୍ୟରୁ ଅଧିକାଂଶ ଛୋଟ ଛୁଆ । ଏହା ବାୟୁ ଦ୍ଵାରା ବ୍ୟାପିଥାଏ । ନାକ, ମୁହଁ କିମ୍ବା ଗଳାରେ ବୁନ୍ଦା ଦ୍ଵାରା ସଂକ୍ରମିତ କରିଥାଏ ।
ଏଥିସହ ପଢ଼ନ୍ତୁ: ବିବାହ ପରେ ଅଲଗା ସାତ ମାସ ପରେ ଯମଜ ସନ୍ତାନ, ଖୋଲିଲା ନବବଧୂର ରହସ୍ୟ
ମିଳିମିଳାର ଲକ୍ଷଣ ୧୦ରୁ ୧୪ ଦିନ ପରେ ଦେଖାଯାଏ । ପ୍ରବଳ ଜ୍ଵର ଆସିବା ସହ ନାକରୁ ପାଣି ବହେ, ଆଖି ଲାଲ୍ ହୋଇଯାଏ, କଫ ପଡ଼େ ଏବଂ ପାଟିରେ ଧଳା ଦାଗ ଦେଖାଯାଏ । କିଛିଦିନ ପରେ ମୁହଁରେ ଓ ଦେହରେ ଲାଲ୍ ଦାଗ ଦେଖାଯାଏ ।
ଟୀକାକରଣ ଓ ଭାରତର ସ୍ଥିତି
WHO ଓ UNICEF ତଥ୍ୟ ଅନୁସାରେ, ୨୦୨୪-୨୦୨୫ ବର୍ଷରେ ଭାରତରେ ଯଥାକ୍ରମେ ୯୭ ଓ ୯୨ ପ୍ରତିଶତଙ୍କୁ ପ୍ରଥମ ଓ ଦ୍ଵିତୀୟ ଡୋଜ୍ ଟିକା ଦିଆଯଇଛି । ଭାରତ ସରକାର ଦେଶକୁ ୨୦୨୬ ଶେଷ ସୁଦ୍ଧା ମିଳିମିଳା ମୁକ୍ତ କରିବାକୁ ଲକ୍ଷ୍ୟ ରଖିଛନ୍ତି ।
ବାଂଲାଦେଶରେ ବଢ଼ୁଥିବା ମିଳିମିଳା ସଂକ୍ରମଣକୁ ଦେଖି ଚିନ୍ତା ପ୍ରକଟ କରିଛି ବିଶ୍ଵ ସ୍ଵାସ୍ଥ୍ୟ ସଂଗଠନ (WHO) । ମିଳିମିଳା ସଂକ୍ରମଣ ପଡ଼ୋଶୀ ଭାରତ ଓ ମିଆଁମାରକୁ ବ୍ୟାପିବା ନେଇ WHO ଆଶଙ୍କା କରିଛି । ତେବେ ଭାରତରେ ଶତପ୍ରତିଶତ ଟୀକାକରଣ ହେଉଥିବାରୁ ବିପଦ ଆଶଙ୍କା ସେତେଟା ନଥିବା ବିଶେଷଜ୍ଞ କହିଛନ୍ତି ।
ଏଥିସହ ପଢ଼ନ୍ତୁ: ବନ୍ଦ ହେବ ପ୍ଲାଷ୍ଟିକ୍ ପାଉଚ୍ ଗୁଟଖା, ଏଥର ଆସିବ ପେପରବୋର୍ଡ ପ୍ୟାକ୍ ହୋଇ
ଗୋଟିଏ ସମୟରେ ବାଂଲାଦେଶ ମିଳିମିଳା ପାଇଁ ଟିକାକରଣ କ୍ଷେତ୍ରରେ ଦୁନିଆରେ ଆଗରେ ଥିଲା । ଏବେ ମିଳିମିଳା ସହ ବାଂଲାଦେଶ ଲଢ଼ୁଛି । ସୂଚନା ଅନୁସାରେ, ମାର୍ଚ୍ଚ ୧୫ରୁ ଏବେ ସୁଦ୍ଧା ବାଂଲାଦେଶରେ ମିଳିମିଳାରେ ୨୫୦ରୁ ଅଧିକ ଜଣ ଆଖି ବୁଜିଛନ୍ତି ।
ଏହି ସମୟରେ ବାଂଲାଦେଶରେ ମିଳିମିଳାର ୭ ହଜାର ୫୦୦ ମାମଲା ଆସିଛି । ଯାହା ପରେ ବାଂଲାଦେଶରେ ରବିବାର ଠାରୁ ଜରୁରୀକାଳୀନ ଭିତ୍ତିରେ ଟୀକାକରଣ ଅଭିଯାନ ଆରମ୍ଭ କରାଯାଇଛି ।
ବିଶ୍ଵ ସ୍ଵାସ୍ଥ୍ୟ ସଂଗଠନ ଅନୁସାରେ, ବାଂଲାଦେଶର ସମସ୍ତ ୮ଟି ଡିଭିଜନର ୬୪ ଜିଲ୍ଲାରୁ ୫୮ଟି ଜିଲ୍ଲାରେ ମିଳିମିଳା ବ୍ୟାପିଛି । ଚିହ୍ନଟ ହୋଇଥିବା ୭୯ ପ୍ରତିଶତ ମାମଲାରେ ୫ ବର୍ଷରୁ କମ୍ ବୟସ୍କ ଶିଶୁ ଆକ୍ରାନ୍ତ ହୋଇଛନ୍ତି ।
ଦ ଡେଲି ଷ୍ଟାର ରିପୋର୍ଟରେ ଦାବି କରାଯାଇଛି, ବାଂଲାଦେଶର ୯୧ ପ୍ରତିଶତ ମିଳିମିଳା ମାମଲା ୧୪ ବର୍ଷରୁ କମ୍ ଛୁଆଙ୍କ ଠାରେ ଚିହ୍ନଟ ହୋଇଛି । ଏଥିସହ ମୃତ୍ୟୁବରଣ କରିଥିବା ଛୁଆଙ୍କ ବୟସ ୫ ବର୍ଷରୁ କମ୍ ଅଟେ ।
ଟୀକାକରଣରେ ଅବହେଳା
ବାଂଲାଦେଶରେ ପ୍ରତି ୪ ବର୍ଷରେ ଥରେ ମିଳିମିଳା ବିରୋଧରେ ସ୍ଵତନ୍ତ୍ର ଟୀକାକରଣ ଅଭିଯାନ ହୋଇଥାଏ । ଏହା ପୂର୍ବରୁ ୨୦୨୦ରେ ଅଭିଯାନ କରାଯାଇଥିଲା । କିନ୍ତୁ ରାଜନୈତିକ ଅସ୍ଥିରତା ଓ ମହାମାରୀ କୋଭିଡ୍ ପରେ ପରବର୍ତ୍ତୀ ଟୀକାକରଣ ସମୟରେ ହୋଇନଥିଲା ।
ବର୍ତ୍ତମାନର ସ୍ଵାସ୍ଥ୍ୟ ମନ୍ତ୍ରୀ ସରଦାର ସଖାୱତ ହୁସୈନ କହିଛନ୍ତି, "ୟୁନୁସ ସରକାର ସମୟରେ ଟୀକାକରଣ ହାର ୨୦୨୫ରେ ୫୯.୬ ପ୍ରତିଶତକୁ ଖସି ଆସିଥିଲା । ଯେତେବେଳେ କି ୨୦୧୭ରୁ ୨୦୨୩ ପର୍ଯ୍ୟନ୍ତ ଟୀକାକରଣ ହାର ସବୁବେଳେ ୮୯ ପ୍ରତିଶତରୁ ଅଧିକ ରହୁଥିଲା ।"
ମିଳିମିଳା କେମିତି ବ୍ୟାପେ ?
ଏହା ହେଉଛି ଏକ ଭାଇରାଲ୍ ରୋଗ । ଯାହା ଶୀଘ୍ର ବ୍ୟାପିଥାଏ ଏବଂ ସମସ୍ତ ବୟସର ଲୋକଙ୍କୁ ସଂକ୍ରମଣ କରିପାରେ । କିନ୍ତୁ ଏହା ଛୋଟ ଛୁଆଙ୍କ ଲାଗି ଅଧିକ ବିପଜ୍ଜନକ ହୋଇପାରେ । ଦୁନିଆରେ ମିଳିମିଳାରେ ମୃତ୍ୟୁବରଣ ମାମଲା ମଧ୍ୟରୁ ଅଧିକାଂଶ ଛୋଟ ଛୁଆ । ଏହା ବାୟୁ ଦ୍ଵାରା ବ୍ୟାପିଥାଏ । ନାକ, ମୁହଁ କିମ୍ବା ଗଳାରେ ବୁନ୍ଦା ଦ୍ଵାରା ସଂକ୍ରମିତ କରିଥାଏ ।
ଏଥିସହ ପଢ଼ନ୍ତୁ: ବିବାହ ପରେ ଅଲଗା ସାତ ମାସ ପରେ ଯମଜ ସନ୍ତାନ, ଖୋଲିଲା ନବବଧୂର ରହସ୍ୟ
ମିଳିମିଳାର ଲକ୍ଷଣ ୧୦ରୁ ୧୪ ଦିନ ପରେ ଦେଖାଯାଏ । ପ୍ରବଳ ଜ୍ଵର ଆସିବା ସହ ନାକରୁ ପାଣି ବହେ, ଆଖି ଲାଲ୍ ହୋଇଯାଏ, କଫ ପଡ଼େ ଏବଂ ପାଟିରେ ଧଳା ଦାଗ ଦେଖାଯାଏ । କିଛିଦିନ ପରେ ମୁହଁରେ ଓ ଦେହରେ ଲାଲ୍ ଦାଗ ଦେଖାଯାଏ ।
ଟୀକାକରଣ ଓ ଭାରତର ସ୍ଥିତି
WHO ଓ UNICEF ତଥ୍ୟ ଅନୁସାରେ, ୨୦୨୪-୨୦୨୫ ବର୍ଷରେ ଭାରତରେ ଯଥାକ୍ରମେ ୯୭ ଓ ୯୨ ପ୍ରତିଶତଙ୍କୁ ପ୍ରଥମ ଓ ଦ୍ଵିତୀୟ ଡୋଜ୍ ଟିକା ଦିଆଯଇଛି । ଭାରତ ସରକାର ଦେଶକୁ ୨୦୨୬ ଶେଷ ସୁଦ୍ଧା ମିଳିମିଳା ମୁକ୍ତ କରିବାକୁ ଲକ୍ଷ୍ୟ ରଖିଛନ୍ତି ।
📱 Get Argus News App
✨📰 60 Word News🎬 Argus Podcast📺 Live TV and Breaking News🔔 Free Notification Alerts
Download Free:
Related Topics
Explore more stories