ସିଡନୀର ବଣ୍ଡି ବିଚ୍‌ରେ ଇହୁଦୀମାନଙ୍କ ଉତ୍ସବ ସମୟରେ ଦୁଇ ଜଣ ଆତଙ୍କବାଦୀ ଆଖିବୁଜା ଗୁଳିମାଡ଼ କରିଥିଲେ । ଆଉ ଏହି ଗୁଳିକାଣ୍ଡରେ ଅତିକମ୍‌ରେ ୧୫ ଜଣଙ୍କ ମୃତ୍ୟୁ ହୋଇଥିଲା । ଏବେ ଏହି ଗୁଳିକାଣ୍ଡରେ ଜଡ଼ିତ ଦୁଇ ବନ୍ଧୁକଧାରୀଙ୍କୁ ଚିହ୍ନଟ କରାଯାଇଛି । ନ୍ୟୁ ସାଉଥ୍ ୱେଲ୍ସ ପୋଲିସ କହିଛି ଯେ ଏହି ଦୁଇ ଆତଙ୍କବାଦୀ ସମ୍ପର୍କରେ ବାପା-ପୁଅ । ଯାହାଙ୍କ ବୟସ ଯଥାକ୍ରମେ ୫୦ ଓ ୨୪ ବର୍ଷ । ଅନ୍ୟପଟେ ଏହି ଆତଙ୍କବାଦୀଙ୍କୁ ନିୟନ୍ତ୍ରଣ କରିଥିବା ଜଣେ ବ୍ୟକ୍ତିଙ୍କୁ ଚିହ୍ନଟ କରାଯାଇଛି।ଲୋକମାନେ ତାଙ୍କ ସାହସିକତାକୁ ପ୍ରଶଂସା କରୁଛନ୍ତି ଏବଂ ତାଙ୍କୁ ଜଣେ ପ୍ରକୃତ 'ହିରୋ' ବୋଲି କହୁଛନ୍ତି।ବ୍ୟକ୍ତି ଜଣଙ୍କ ନିଜ ଜୀବନକୁ ପାଣି ଛଡାଇ ଆତଙ୍କୀକୁ ଧରି ପକାଇଥିଲେ। ପୋଲିସ କହିଛି ଯେ, ଆତଙ୍କବାଦୀଙ୍କୁ ଧରିଥିବା ବ୍ୟକ୍ତି ହେଉଛନ୍ତି 43 ବର୍ଷୀୟ ଅହମ୍ମଦ ଅଲ୍ ଅହମ୍ମଦ ।

ନିରସ୍ତ୍ର ବ୍ୟକ୍ତି ଆତଙ୍କବାଦୀଙ୍କଠାରୁ ରାଇଫଲ୍ ଛଡ଼ାଇ ନେଲେ:

ଆକ୍ରମଣ ସମୟରେ, ଜଣେ ସାହସୀ ବ୍ୟକ୍ତି ନିଜ ଜୀବନକୁ ବାଜି ଲଗାଇ ପଛରୁ ଜଣେ ବନ୍ଧୁକଧାରୀଙ୍କୁ ଧରି ତାଙ୍କ ଅସ୍ତ୍ର ଛଡ଼ାଇ ନେଇଥିଲେ। ସେ ସିଡନୀର ସଦରଲ୍ୟାଣ୍ଡ ଅଞ୍ଚଳର ଜଣେ ଫଳ ଦୋକାନୀ ଏବଂ ଦୁଇ ପିଲାର ପିତା। ଅହମ୍ମଦ ଜଣେ ସ୍ଥାନୀୟ ବାସିନ୍ଦା । ସେମାନେ କେବଳ ସେହି ଅଞ୍ଚଳ ଦେଇ ଯାଉଥିଲେ। ଯେତେବେଳେ ସେମାନେ ଆକ୍ରମଣ ଦେଖିଲେ ସଙ୍ଗେ ସଙ୍ଗେ ସମସ୍ତଙ୍କୁ ଉଦ୍ଧାର କରିବାକୁ ଧାଇଁ ଆସିଲେ। ସୋସିଆଲ ମିଡିଆରେ ଭାଇରାଲ ହୋଇଥିବା ଭିଡିଓ ଫୁଟେଜରେ ଅହମ୍ମଦ ଧଳା ସାର୍ଟ ପିନ୍ଧିଥିବାର ଦେଖାଯାଉଛି। ସେମାନେ ଏକ କାର ପଛରେ ଲୁଚି ରହିଥିଲେ, ତା’ପରେ, ଗୁଳିଚାଳନାରୁ ସୁଯୋଗ ନେଇ, ସେ ଗାଡ଼ିଗୁଡ଼ିକ ମଧ୍ୟରେ ଦୌଡ଼ି ପଳାଇଲେ ଏବଂ ପଛରୁ ହେଡଲକ୍ ଦ୍ୱାରା ଆକ୍ରମଣକାରୀଙ୍କୁ କାବୁ କଲେ।

ଏଥିସହ ପଢ଼ନ୍ତୁ: ସିଡନୀରେ ନରସଂହାର ପଛରେ ବାପା-ପୁଅ, ଆକ୍ରମଣରେ ବ୍ୟବହାର କରିଥିଲେ ଲାଇସେନ୍ସପ୍ରାପ୍ତ ବନ୍ଧୁକ

ପ୍ରାୟ ପାଞ୍ଚ ସେକେଣ୍ଡର ସଂଘର୍ଷ ପରେ, ଅହମ୍ମଦ ବନ୍ଧୁକ ଛଡ଼ାଇ ନେଲେ ଏବଂ ଆକ୍ରମଣକାରୀକୁ ପଛରୁ ଧରାପକାଇଲେ। କୁହାଯାଉଛି ଯେ ଏହି ସାହସିକ କାର୍ଯ୍ୟ ସମୟରେ ଅହମ୍ମଦଙ୍କୁ ଦୁଇଟି ଗୁଳି ଲାଗିଥିଲା । ଅହମ୍ମଦକୁ ସଙ୍ଗେ ସଙ୍ଗେ ହସ୍ପିଟାଲ ନିଆଯାଇଥିଲା। ସେଠାରେ ତାଙ୍କର ଅସ୍ତ୍ରୋପଚାର ହେବାର ଥିଲା। ଅହମ୍ମଦଙ୍କ ଭାଇ ମୁସ୍ତାଫା କହିଥିଲେ, 'ସେ ହସ୍ପିଟାଲରେ ଅଛନ୍ତି, ଚିକିତ୍ସା ଚାଲିଛି। କିନ୍ତୁ ଆମେ ଆଶା କରୁଛୁ ସେ ସୁସ୍ଥ ହୋଇଯିବେ। ସେ ଜଣେ ହିରୋ।"

ଏହି ଘଟଣାକୁ ନେଇ ନ୍ୟୁ ସାଉଥ୍ ୱେଲ୍ସ ପୋଲିସ କମିଶନର ମାଲ ଲାନିଅନ୍ ସୋମବାର ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ ରାତାରାତି ତଦନ୍ତ ପରେ ଗୁରୁତ୍ୱପୂର୍ଣ୍ଣ ସୂଚନା ସାମ୍ନାକୁ ଆସିଛି । ତଦନ୍ତ ପରେ ପୋଲିସ ଆକ୍ରମଣକାରୀ ଏବଂ ଆକ୍ରମଣରେ ବ୍ୟବହୃତ ଅସ୍ତ୍ରଶସ୍ତ୍ର ବିଷୟରେ ଗୁରୁତ୍ୱପୂର୍ଣ୍ଣ ସୂଚନା ଦେଇଛନ୍ତି । ସେହିପରି ପୋଲିସ୍‌ ଇହୁଦୀ ସମ୍ପ୍ରଦାୟକୁ ଟାର୍ଗେଟ୍‌ କରି କରାଯାଇଥିବା ଆକ୍ରମଣକୁ ଆତଙ୍କବାଦୀ ଆକମ୍ରଣ ବୋଲି ଘୋଷଣା କରିଛି । ପୋଲିସ୍‌ ଅଧିକାରୀ କହିଛନ୍ତି ଯେ ଆକ୍ରମଣରେ ଜଣେ ବନ୍ଧୁକଧାରୀ ସମେତ ଅତି କମରେ ୧୫ ଜଣ ପ୍ରାଣ ହରାଇଛନ୍ତି ଏବଂ ପ୍ରାୟ ୪୦ ଜଣ ଆହତ ହୋଇଛନ୍ତି।

ଅଧିକ ପଢ଼ନ୍ତୁ ବିଦେଶ ଖବର: