ଅର୍ଗସ ବ୍ୟୁରୋ : ଖଲିସ୍ତାନୀ ଆତଙ୍କବାଦୀ ହରଦୀପ ସିଂ ନିଜାର ହତ୍ୟା ଘଟଣାରେ କାନାଡା ପୋଲିସ ୩ଜଣ ଭାରତୀୟଙ୍କୁ ଗିରଫ କରିଛି । ଗତବର୍ଷ ନିଜାରଙ୍କୁ ହତ୍ୟା କରାଯାଇଥିଲା । ଏହାକୁ ନେଇ ଭାରତ ଓ କାନାଡା ମଧ୍ୟରେ କୂଟନୈତିକ ସମ୍ପର୍କରେ ତିକ୍ତତା ଦେଖାଦେଇଥିଲା । ଏପରିକି ନିଜାର ହତ୍ୟାକାଣ୍ଡରେ ଭାରତୀୟ ଏଜେଣ୍ଟଙ୍କ ହାତ ଥିବା କାନାଡାର ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୁ ଅଭିଯୋଗ କରିଥିଲେ । କିନ୍ତୁ ଭାରତ ପକ୍ଷରୁ ଏହି ଅଭିଯୋଗକୁ ଖଣ୍ଡନ କରିବା ସହ ଭିତ୍ତିହୀନ ଓ ଉଦ୍ଦେଶ୍ୟ ପ୍ରଣୋଦିତ ବୋଲି କୁହାଯାଇଥିଲା ।

ସୂଚନା ଅନୁସାରେ, ପୋଲିସ କହିଛି ଯେ ତଦନ୍ତ ଆରମ୍ଭ ହେବା ପୂର୍ବରୁ ସେମାନେ ସେମାନଙ୍କୁ ଜାଣି ନଥିଲେ । ଆଇଆଇଆଇଟି ର ଅଧିକାରୀ ତଥା ଅଧୀକ୍ଷକ ମନଦୀପ ମୁକର ଏବଂ ଆରସିଏମପି ସହକାରୀ କମିଶନର ଡେଭିଡ୍ ଟେବଉଲ ଏବଂ ବ୍ରାୟନ ଏଡୱାର୍ଡସ ସାମ୍ବାଦିକଙ୍କ ସହ କଥାବାର୍ତ୍ତାରେ ତିନି ଜଣ ସନ୍ଦିଗ୍ଧଙ୍କୁ ଗିରଫ କରାଯାଇଥିବା ନିଶ୍ଚିତ କରିଛନ୍ତି ।

ଅଧିକ ପଢନ୍ତୁ ବିଦେଶ ଖବର

ସର୍ଚ୍ଚ ଅପରେସନ୍ ବେଳେ ପୋଲିସ ୩ ଜଣଙ୍କୁ ଗିରଫ କରିଛି । କାନାଡା ଏହି ତିନି ଜଣଙ୍କୁ ଭାରତୀୟ ନାଗରିକ ବୋଲି ବର୍ଣ୍ଣନା କରୁଛି । ଜୁନ୍ ୨୦୨୩ ରେ କାନାଡାର ବ୍ରିଟିଶ କଲମ୍ବିଆରେ ଥିବା ଏକ ଗୁରୁଦ୍ୱାର ବାହାରେ ଖଲିସ୍ତାନୀ ଆତଙ୍କବାଦୀ ହରଦୀପ ସିଂ ନିଜାରଙ୍କୁ ଗୁଳି କରି ହତ୍ୟା କରାଯାଇଥିଲା। କାନାଡା ଏହି ହତ୍ୟାକାଣ୍ଡ ପାଇଁ ଭାରତକୁ ଦାୟୀ କରିଛି ।

Argus News | argus news | Odisha Latest News, Breaking News, Trending News, Live TV