ଯାହା ସନ୍ଦେହ ହେଉଥିଲା ତାହା ସତ ହେଲା, ଭାରତ ଅଭିଯୋଗ କରୁଥିଲା କାନାଡ଼ା ସ୍ୱୀକାର କଲା

ଖଲିସ୍ତାନୀ ଆତଙ୍କବାଦୀଙ୍କ । ଯିଏ ଭାରତରେ ସୃଷ୍ଟି କରିଥାନ୍ତି ଅରାଜକତା । ବିଦେଶରୁ ଟଙ୍କା ପାଇ ଭାରତରେ କରିଥାନ୍ତି ଉତ୍ପାତ । ଦଙ୍ଗା କରନ୍ତି, ଆନ୍ଦୋଳନ ବି କରନ୍ତି । ହିଂସାତ୍ମକ କାଣ୍ଡ ବି ଭିଆନ୍ତି । ସେମାନଙ୍କ ଉଦେଶ୍ୟ... ଭାରତରୁ ପଞ୍ଜାବକୁ ଅଲଗା କରି, ଗଠନ କରିବେ ନିଜର ସ୍ୱତନ୍ତ୍ର ରାଜ୍ୟ । ଆଉ ଭାରତକୁ କରିବେ ଦୁର୍ବଳ ।

ସବୁଠାରୁ ବଡ଼ କଥା ହେଲା, ଏହି ଖଲିସ୍ତାନୀ ଆତଙ୍କବାଦୀଙ୍କୁ କାନାଡ଼ାରୁ ଫଣ୍ଡିଂ କରାଯାଏ ବୋଲି ଭାରତ ବହୁ ପୂର୍ବରୁ ଅଭିଯୋଗ କରି ଆସୁଥିଲା । ହେଲେ ଏକଥାକୁ କାନାଡ଼ା କେବେ ବି ସ୍ୱୀକାର କରୁନଥିଲା । କିନ୍ତୁ ଏବେ ଏକ ସରକାରୀ ରିପୋର୍ଟ ସାମ୍ନାକୁ ଆସିଛି, ଯେଉଁଥିରେ ସ୍ୱୀକାର କରାଯାଇଛି ଯେ କାନାଡ଼ା ଏହି ଆତଙ୍କାବଦୀ ସଂଗଠନକୁ ଫଣ୍ଡିଂ କରେ । ଆଉ ତାହା ପୁଣି ଭାରତରେ ବିଶୃଙ୍ଖଳା ଘଟାଇବା ପାଇଁ । ଏହି ଖବର ସାମ୍ନାକୁ ଆସିବା ପରେ ଏବେ ସବୁଠି ଖଲିସ୍ତାନୀ ଆତଙ୍କବାଦୀ ଓ କାନାଡ଼ା ସରକାରଙ୍କୁ ନେଇ ଚର୍ଚ୍ଚା ଆରମ୍ଭ ହୋଇଛି ।

ଏହି ଆତଙ୍କବାଦୀ ସଂଗଠନକୁ କେବଳ ଯେ କନାଡ଼ା ସରକାର ଫଣ୍ଡିଂ କରନ୍ତି ତା ନୁହେଁ.. ଅନ୍ୟ ଦେଶମାନେ ମଧ୍ୟ ଦଙ୍ଗା ପାଇଁ ଟଙ୍କା ଦିଅନ୍ତି । କାନାଡ଼ା ସରକାରଙ୍କ ରିପୋର୍ଟରେ ଏହାକୁ ପରୋକ୍ଷରେ ସ୍ୱୀକାର କରାଯାଇଛି । ଏଥିରେ କୁହାଯାଇଛି ଖଲିସ୍ତାନୀ ଆତଙ୍କବାଦୀ ସଂଗଠନ ଏବେ ବି ସରକାରୀ ଫଣ୍ଡ ସଂଗ୍ରହ କରିବାରେ ସକ୍ରିୟ ରହିଛି । ପୂର୍ବରୁ ଏମାନଙ୍କର ଏକ ବଡ଼ ଫଣ୍ଡ ରେଜିଂ ନେଟ୍‌ଓ୍ୱାର୍କ କାମ କରୁଥିଲା । କିନ୍ତୁ ଏବେ ଏହାର ପରିଧି ହ୍ରାସ ପାଇଛି । ଏବେ କେବଳ କିଛି ନିର୍ଦ୍ଧିଷ୍ଟ ସଂସ୍ଥା ଓ ବ୍ୟକ୍ତିମାନେ ଏହି ଆତଙ୍କବାଦୀ ସଂଗଠନ ସହ ଜଡ଼ିତ ଅଛନ୍ତି ଆଉ ପଣ୍ଡିଂ କରୁଛନ୍ତି । ଏମାନେ ଖଲିସ୍ତାନୀ ଆନ୍ଦୋଳନ ସହ ଜଡ଼ିତ, କିନ୍ତୁ ଅନ୍ୟ କୌଣସି ବିଶେଷ ସଂଗଠନ ସହ ଏମାନେ ଜଡ଼ିତଥିବା ନଜର ଆସନ୍ତି ନାହିଁ । ଏମାନଙ୍କୁ ଯେଉଁ ଆର୍ଥୀକ ସହାୟତା ମିଳେ, ସେଥିରୁ ହିଁ ସଂଗଠନ ବଞ୍ଚି ରହେ ।

 ଏହା ସହ ପଢ଼ନ୍ତୁ:- 'ଭୈରବଙ୍କ ବଢୁଥିବା ହାକିମାତିକୁ ନେଇ ନାଖୁସ ଅନେକ ନେତା'

ହେଲେ ଏତେ ସବୁ ସତ୍ତ୍ୱେ ପୂର୍ବରୁ ଯେତେବେଳେ ଭାରତ ଏହି ଅଭିଯୋଗ ଆଣୁଥିଲା, ସେତେବେଳେ କାନାଡ଼ାର ପୂର୍ବତନ ପ୍ରଧାନମନ୍ତ୍ରୀ ଜଷ୍ଟିସ ଟ୍ରୁଡୋ ଏହାକୁ ଖଣ୍ଡନ କରିଆସୁଥିଲେ । ଏମିତିକି ସେ ଭାରତ ଉପରେ ପାଲଟା ଦୋଷ ଲଦିଥିଲେ ।

କିନ୍ତୁ ବାସ୍ତବରେ କାନାଡ଼ାରୁ ହିଁ ଏହି ଆତଙ୍କବାଦୀ ସଂଗଠନକୁ ଟଙ୍କା ଆସିଥାଏ । ଯାହାର ପ୍ରମାଣ ମଧ୍ୟ ମିଳିଛି । କାନାଡ଼ା କ୍ରିମିନାଲ କୋଡ ଅନୁଯାୟୀ, କିଛି ଆତଙ୍କବାଦୀ ସଂଗଠନକୁ ତାଲିକାଭୁକ୍ତ କରାଯାଇଛି । ସେମାନେ ହେଲେ ଫିଲିସ୍ତୀନୀ ସଂଗଠନ ହମାସ, ଲେବାନନୀ ଚରମପନ୍ଥୀ ଗୋଷ୍ଠୀ ହିଜବୁଲ୍ଲା, ଖାଲିସ୍ତାନୀ ସନ୍ତ୍ରାସବାଦୀ ଗୋଷ୍ଠୀ ବାବର ଖାଲସା ଇଣ୍ଟରନ୍ୟାସନାଲ, ଇଣ୍ଡରନାସନାଲ ସିଖ୍ ୟୁଥ୍‌ ଫେଡ୍‌ରେସନ୍‌ । ଏହି ସଂଗଠନ ଗୁଡ଼ିକୁ କାନାଡ଼ାରୁ ଆର୍ଥିକ ସହଯୋଗ ମିଳୁଥିବା ନେଇ ଦେଶର ଗୁଇନ୍ଦା ବିଭାଗ ଓ ପ୍ରବର୍ତ୍ତନ ଏଜେନ୍ସି ରିପୋର୍ଟ ଦେଇସାରିଛନ୍ତି ।

ଏହାସହ ପଢ଼ନ୍ତୁ:- ବିଜେଡିର ପତ୍ତନ ଆରମ୍ଭ: ଦଳ ଛାଡ଼ିବେ ବଡ଼ ବଡ଼ ନେତା

ଦୀର୍ଘ ଦିନ ଧରି ଭାରତ ଅଭିଯୋଗ କରିଆସୁଛି ଯେ, ଖଲିସ୍ତାନୀ ଆତଙ୍କବାଦୀଙ୍କ ବିରୋଧରେ କଡ଼ା ଆକ୍ସନ ନେବାରେ ବିଫଳ ହୋଇଛନ୍ତି କାନାଡ଼ା ସରକାର । କିଛି ବର୍ଷ ପୂର୍ବରୁ ଏହି କାରଣରୁ ଦୁଇ ଦେଶ ମଧ୍ୟରେ କଥା କଟାକଟି ମଧ୍ୟ ଦେଖିବାକୁ ମିଳିଥିଲା । ତେବେ ଏହି ରିପୋର୍ଟ କେବଳ ଯେ କାନାଡ଼ାର ଆଭ୍ୟନ୍ତରୀଣ ସୁରକ୍ଷା ପ୍ରତି ବିପଦ ତାହା ନୁହେଁ ବରଂ ଆନ୍ତର୍ଜାତୀୟ ସମ୍ପର୍କ ଉପରେ ମଧ୍ୟ ପ୍ରଭାବ ପଡ଼ିପାରେ । କାନାଡ଼ାରେ ଖଲିସ୍ତାନୀ ବିଚାରଧାରା ରଖୁଥିବା କିଛି ଲୋକ ଏବେ ବି ସକ୍ରିୟ ରହିଛନ୍ତି । ଯେଉଁମାନେ ସାମାଜିକ ଓ ରାଜନୈତିକ ସ୍ତରରେ ପ୍ରଭାବ ସୃଷ୍ଟି କରିବାକୁ ଚେଷ୍ଟା କରୁଛନ୍ତି ।

ଏବେ ଏହି ରିପୋର୍ଟ ପ୍ରକାଶ ପାଇବା ପରେ କାନାଡ଼ା ସରକାର କି ପଦକ୍ଷେପ ନେଉଛନ୍ତି, ତା ଉପରେ ସାର ବିଶ୍ୱର ନଜର ରହିଛି ।

ଏହାସହ ପଢ଼ନ୍ତୁ:- ନଭେମ୍ବରରେ ବିହାର ଭୋଟ୍ ନେଇ ଅକ୍ଟୋବରରେ ହୋଇପାରେ ତାରିଖ ଘୋଷଣା