ପୁଣି ଅଶାନ୍ତ ହେଲା ବାଂଲାଦେଶ । ଡିସେମ୍ବର ୧୨ ତାରିଖରେ ଢାକାର ବିଜୟ ନଗର ଅଞ୍ଚଳରେ ଶରିଫ ନାମକ ଜଣେ ଲିଡରଙ୍କୁ କିଛି ଅଜ୍ଞାତ ଆକ୍ରମଣକାରୀ ଗୁଳି ମାରିଥିଲେ । ସେ ଗୁରୁତର ହୋଇଯାଇଥିଲେ । ତାଙ୍କୁ ଚିକିତ୍ସା ପାଇଁ ଢାକାର ଏକ ହସ୍ପିଟାଲରେ ଭର୍ତ୍ତି କରାଯାଇଥିଲା । ପରେ ଏୟାର ଆମ୍ବୁଲାନ୍ସ ଯୋଗେ ସିଙ୍ଗାପୁର ପଠାଯାଇଥିଲା । ତେବେ ଚିକିତ୍ସିତ ଅବସ୍ଥାରେ ତାଙ୍କର ଗୁରୁବାର ମୃତ୍ୟୁ ହୋଇଥିଲା । ଯାହା ପରେ ବାଂଲାଦେଶରେ ହିଂସା ଦେଖିବାକୁ ମିଳିଥିଲା।ଆଉ ପୁଣି ଥରେ ଜଳିଲା ଭାରତର ପଡୋଶୀ ଦେଶ । ୪ଟି ସହରରେ ଭଙ୍ଗାରୁଜା ଏବଂ ହିଂସାକାଣ୍ଡ । ପୂର୍ବତନ ପ୍ରଧାନମନ୍ତ୍ରୀ ସେଖ ହସିନା ବିରୋଧୀ ଆନ୍ଦୋଳନର ମୁଖ୍ୟ ଶରିଫ ଉସମାନ୍ ହାଦୀଙ୍କ ମୃତ୍ୟୁ ପରେ ବାଂଲାଦେଶ ଅଶାନ୍ତ ହୋଇଛି ।

ସିଙ୍ଗାପୁରରେ ଇନକିଲାବ୍ ମଞ୍ଚର ସଂଯୋଜକ ଶରିଫଙ୍କ ମୃତ୍ୟୁ ପରେ ଗୁରୁବାର ରାତ୍ରରେ ଢାକାରେ ନିଆଁ ଜଳିଛି ।ବିଳମ୍ବିତ ରାତିରେ ପ୍ରଦର୍ଶନକାରୀମାନେ ଭାରତୀୟ ହାଇ କମିଶନରଙ୍କ କାର୍ଯ୍ୟାଳୟ ଆଗରେ ନାରାବାଜି କରିଥିଲେ । ଏପରିକି ପଥର ମଧ୍ୟ ଫିଙ୍ଗିଥିଲେ । ଏହାସହ ସେମାନେ ଭାରତ ବିରୋଧୀ ନାରା ଦେଇଥିଲେ । ଜାତୀୟ ଗଣମାଧ୍ୟମ ଅନୁସାରେ, ଅନେକ ସାମ୍ବାଦିକ ଏବଂ କର୍ମଚାରୀ କାର୍ଯ୍ୟାଳୟରେ ଏବେବି ଫସି ରହିଛନ୍ତି । ଏହାପରେ ଉପଦ୍ରବକାରୀମାନେ ଏକ ଖବର କାଗଜ ସଂସ୍ଥା ଉପରେ ଆକ୍ରମଣ କରିଥିଲେ । ସେଠାରେ ମଧ୍ୟ ସେମାନେ ଭଙ୍ଗାରୁଜା କରିଥିଲେ ।

ଏଥିସହ ପଢ଼ନ୍ତୁ: କ'ଣ ରହିଛି ଆଜି ଆପଣଙ୍କ ରାଶିରେ ? ଜାଣନ୍ତୁ...

ପ୍ରଥମେ ଶରିଫଙ୍କ ସମର୍ଥକମାନେ ଖବର କାଗଜର କାର୍ଯ୍ୟାଳୟରେ ଭଙ୍ଗାରୁଜା କରିଥିଲେ । ଏହାସହ କାର୍ଯ୍ୟାଳୟରେ ନିଆଁ ଲଗାଇ ଦେଇଥିଲେ । ଏହାପରେ ପାଲଟା ଜବାବ ଦିଆଯାଇଥିଲା। ଗୁରୁବାର ଶରିଫଙ୍କ ମୃତ୍ୟୁ ଖବର ବାଂଲାଦେଶରେ ବ୍ୟାପି ଯାଇଥିଲା । ହଜାର ହଜାର ଲୋକ ରାଜରାସ୍ତାକୁ ଓହ୍ଲାଇଥିଲେ । ସେମାନେ ଶରିଫଙ୍କ ସୁରକ୍ଷାରେ ତ୍ରୁଟି ହୋଇଥିବା ଅଭିଯୋଗ କରିଛନ୍ତି । କାଗଜପତ୍ର ବାହାର କରି ନିଆଁ ଲଗାଇ ଦେଇଥିଲେ । ଏହାପରେ ଏହି ହିଂସା ବଢ଼ିବାରେ ଲାଗିଥିଲା। ତେବେ ଦେଶରେ ବଢୁଥିବା ହିଂସାକୁ ନେଇ ଅନ୍ତରୀଣ ସରକାରର ମୁଖ୍ୟ ମହମ୍ମଦ ୟୁନୁସ ଢାକାରେ ଉଚ୍ଚସ୍ତରୀୟ ବୈଠକ ଡାକିଛନ୍ତି ।

ଅଧିକ ପଢ଼ନ୍ତୁ ବିଦେଶ ଖବର: