Argus News - ପୋପ୍‌ଙ୍କୁ ଟାର୍ଗେଟ୍ କଲେ ଟ୍ରମ୍ପ, ନିଜକୁ 'ଯୀଶୁ ଖ୍ରୀଷ୍ଟ'ଙ୍କ ସହ କଲେ ତୁଳନା...

ପାଗଳ ହୋଇଗଲେଣି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ। କେତେବେଳେ କଣ କହୁଛନ୍ତି ଆଉ କଣ କରୁଛନ୍ତି ତାହା କେବଳ ଟ୍ରମ୍ପ ହିଁ ଜାଣନ୍ତି। ବର୍ତ୍ତମାନ ଏମିତି କିଛି କରି ଚର୍ଚ୍ଚାରେ ଅଛନ୍ତି ଟ୍ରମ୍ପ। ଯାହାକୁ ନେଇ ତାଙ୍କୁ ଭିନ୍ନ ଭିନ୍ନ କଥା ସାମ୍ନାକୁ ଆସୁଛି। ଅସ୍ତ୍ର ଯୁଦ୍ଧ ପରେ ଧର୍ମ ଯୁଦ୍ଧକୁ ଡେଇଁଲେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ। କ୍ୟାଥୋଲିକ ଚର୍ଚ୍ଚର ସର୍ବୋଚ୍ଚ ନେତା ପୋପ୍ ଲିଓ ଚତୁର୍ଦ୍ଦଶ ଏବଂ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ମଧ୍ୟରେ ବିବାଦ ବଢ଼ିବାରେ ଲାଗିଛି। ଟ୍ରମ୍ପ ତ୍ରୁଥ୍ ସୋସିଆଲରେ ନିଜର ଏକ AI ଫଟୋ ସେୟାର କରିଛନ୍ତି।

୬୦ ମିନିଟର ଏକ ରିପୋର୍ଟରେ ବରିଷ୍ଠ ଆମେରିକୀୟ କାର୍ଡିନାଲମାନେ ଟ୍ରମ୍ପଙ୍କ ନୀତି ବିଷୟରେ ପ୍ରଶ୍ନ ଉଠାଇବା ପରେ ବିବାଦ ଆହୁରି ଘନିଷ୍ଠ ହୋଇଗଲା। ପୋପ୍ ଲିଓ ଚତୁର୍ଦ୍ଦଶ ନିରନ୍ତର ଯୁଦ୍ଧ ବିରୁଦ୍ଧରେ ଶାନ୍ତି ଏବଂ କୂଟନୀତି ପାଇଁ ଅପିଲ୍ କରିଛନ୍ତି। ବିନାଶର ଧମକ ଏବଂ ଶକ୍ତି ପ୍ରଦର୍ଶନ ଠିକ୍ ନୁହେଁ ବୋଲି କହିଛନ୍ତି ପୋପ୍।ଏଥିରେ ସେ ଯୀଶୁ ଖ୍ରୀଷ୍ଟଙ୍କ ପରି ଆଶ୍ଚର୍ଯ୍ୟଜନକ କାର୍ଯ୍ୟ କରୁଥିବା ଦର୍ଶାଯାଇଛି। ଫଟୋରେ, ଟ୍ରମ୍ପ ଏକ ଲମ୍ବା ପୋଷାକ ପିନ୍ଧିଛନ୍ତି ଏବଂ ଜଣେ ରୋଗୀଙ୍କ ଉପରେ ହାତ ରଖି ତାଙ୍କୁ ସୁସ୍ଥ କରୁଛନ୍ତି।''

ଇରାନ ଏବଂ ଭେନେଜୁଏଲା ଭଳି ଦେଶ ଉପରେ ଆମେରିକାର କଠୋର ମନୋଭାବକୁ ପୋପ୍ ସମାଲୋଚନା କରିଥିବାରୁ ଟ୍ରମ୍ପ୍ ବିରକ୍ତ। ଟ୍ରମ୍ପ୍ ଲେଖିଛନ୍ତି, "ମୁଁ ଏପରି ପୋପ୍ ଚାହୁଁନାହିଁ ଯିଏ ଭାବନ୍ତି ଯେ ଇରାନର ପରମାଣୁ ଅସ୍ତ୍ର ଠିକ୍ ଅଛି। ଯିଏ ଭେନେଜୁଏଲା ଉପରେ ଆମେରିକାର ଆକ୍ରମଣକୁ ଭୁଲ କହୁଛନ୍ତି। ଟ୍ରମ୍ପ୍ ପୋପ୍ ଲିଓ ଚତୁର୍ଦ୍ଦଶଙ୍କୁ କଡା ସମାଲୋଚନା କରିଥିଲେ। ତାଙ୍କୁ ବୈଦେଶିକ ବ୍ୟାପାରରେ 'ଭୟଙ୍କର' ଏବଂ ଅପରାଧ ରୋକିବାରେ 'ଦୁର୍ବଳ' ବୋଲି କହିଥିଲେ। ଟ୍ରମ୍ପ ଦାବି କରିଛନ୍ତି ଯେ ଯଦି ସେ ରାଷ୍ଟ୍ରପତି ହୋଇନଥାନ୍ତେ, ତେବେ ପୋପ୍ ଫ୍ରାନ୍ସିସ୍ ମୃତ୍ୟୁ ପରେ ଲିଓ ଚତୁର୍ଦ୍ଦଶ କେବେବି ପୋପ୍ ହୋଇନଥାନ୍ତେ। ସେ ଅଭିଯୋଗ କରିଛନ୍ତି ଯେ ଚର୍ଚ୍ଚ ତାଙ୍କୁ କେବଳ ଟ୍ରମ୍ପ ପ୍ରଶାସନ ସହିତ ମୁକାବିଲା କରିବା ପାଇଁ ନିର୍ବାଚିତ କରିଛି କାରଣ ସେ ଆମେରିକୀୟ।

ଏଥିସହ ପଢ଼ନ୍ତୁ: ଆମେରିକା ସହ କିଛି ଡିଲ୍‌ ହେବନାହିଁ ଏବେ ଖାଲି ଯୁଦ୍ଧ

ତାଙ୍କ ପୋଷ୍ଟରେ, ଟ୍ରମ୍ପ୍ ପୋପଙ୍କୁ COVID-19 ମହାମାରୀ ସମୟରେ ଖ୍ରୀଷ୍ଟିଆନ ସଂଗଠନଗୁଡ଼ିକ ଅନୁଭବ କରୁଥିବା ଭୟକୁ ସମ୍ବୋଧିତ ନକରିବା ପାଇଁ ଅଭିଯୋଗ କରିଥିଲେ। ଟ୍ରମ୍ପଙ୍କ ଅନୁଯାୟୀ ସେହି ସମୟରେ ଚର୍ଚ୍ଚ ସେବା ପରିଚାଳନା କରିବା ପାଇଁ ପାଦ୍ରୀ ଏବଂ ମନ୍ତ୍ରୀମାନଙ୍କୁ ଗିରଫ କରାଯାଇଥିଲା। ସେଥିପାଇଁ ପୋପ୍ ଲିଓ XIVଙ୍କୁ ରାଜନୀତି ଛାଡି ଧର୍ମ ଉପରେ ଧ୍ୟାନ ଦେବାକୁ ପରାମର୍ଶ ଦେଇଥିଲେ ଟ୍ରମ୍ପ। ଫଟୋରେ ଆମେରିକୀୟ ପତାକା, ସାମରିକ ବିମାନ ଏବଂ ଦୂତମାନେ ଦେଖାଯାଉଛନ୍ତି। ଯାହା ସିଧାସଳଖ ଯୀଶୁ ଲାଜାରଙ୍କୁ ପୁନରୁତ୍ଥାନ କରିବାର ବାଇବେଲ କାହାଣୀକୁ ମନେ ପକାଇଥାଏ। ଯୋହନଙ୍କ ସୁସମାଚାର ଅନୁସାରେ, ଯୀଶୁ ତାଙ୍କ ମୃତ୍ୟୁର ଚାରି ଦିନ ପରେ ଲାଜାରଙ୍କୁ ଚମତ୍କାର ଭାବରେ ପୁନରୁତ୍ଥାନ କରି କବରରୁ ବାହାରକୁ ଆସିବାକୁ ନିର୍ଦ୍ଦେଶ ଦେଇଥିଲେ।

ଅଧିକ ପଢ଼ନ୍ତୁ ବିଦେଶ ଖବର: