Gelephu 108 Boudh Stupas Bhutan / ଭୁଟାନ୍ ଗେଲେଫୁ ଠାରେ ୧୦୮ ବୌଦ୍ଧ ସ୍ତୂପ ନିର୍ମାଣ; ପ୍ରଧାନମନ୍ତ୍ରୀ ମୋଦିଙ୍କୁ କରାଗଲା ଉତ୍ସର୍ଗୀର୍କୃତ

ଗେଲେଫୁ ମାଇଣ୍ଡଫୁଲନେସ୍ ସିଟି ଠାରେ ୯ ଘଣ୍ଟା ମଧ୍ୟରେ ୧୦୮ ବୌଦ୍ଧ ସ୍ତୂପ ("ଜାଙ୍ଗଚୁପ୍ ଚୋର୍ଟେନସ୍" ନାମରେ ମଧ୍ୟ ଜଣାଶୁଣା) ନିର୍ମାଣ ଏବଂ ଅଭିଷେକ କରିଛି ଭୂଟାନ୍। ଭାରତ-ଭୂଟାନ ମଧ୍ୟରେ ରହିଥିବା ଗଭୀର ସମ୍ପର୍କକୁ ପ୍ରତିଫଳିତ କରି ଏହି ସ୍ତୂପ ମଧ୍ୟରୁ ଗୋଟିଏ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଉତ୍ସର୍ଗ କରାଯାଇଥିଲା। ନଭେମ୍ବର ୧ ତାରିଖ ରବିବାର ଠାରୁ ଆରମ୍ଭ ହୋଇଥିବା ଏହି ପବିତ୍ର ସମାରୋହ ପର ଦିନ ମଧ୍ୟାନ୍ନ ପର୍ଯ୍ୟନ୍ତ ଜାରି ରହିଥିଲା। କାର୍ଯ୍ୟକ୍ରମରେ କେନ୍ଦ୍ରମନ୍ତ୍ରୀ କିରେନ୍ ରିଜିଜୁ, ଭୂଟାନ ରାଜା ଜିଗ୍ମେ ଖେସର ନାମଗ୍ୟେଲ ୱାଙ୍ଗଚୁକ୍ ଏବଂ ଦେଶର ମୁଖ୍ୟ ମଠାଧିଶ ଉପସ୍ଥିତ ଥିଲେ।

ଏହି ସମାରୋହରେ ଭାରତର ପ୍ରତିନିଧିତ୍ୱ କରି କେନ୍ଦ୍ରମନ୍ତ୍ରୀ କିରେନ୍ ରିଜିଜୁ, ଭୁଟାନ ରାଜାଙ୍କ ସହିତ ପ୍ରଧାନମନ୍ତ୍ରୀ ମୋଦିଙ୍କୁ ୭୬ତମ "ଜାଙ୍ଗଚୁପ୍ ଚୋର୍ଟେନ" ଉତ୍ସର୍ଗ କରି ଏକ ଫଳକ ଉନ୍ମୋଚନ କରିଥିଲେ। ଗେଲେଫୁ ମାଇଣ୍ଡଫୁଲନେସ୍ ସିଟି (GMC) ହେଉଛି ଭୂଟାନ ରାଜାଙ୍କ ଦୃଷ୍ଟିକୋଣର ଫଳାଫଳ। ଯିଏ ପ୍ରାଚୀନ ଭୁଟାନ ନୀତି ଏବଂ ପରମ୍ପରା ଉପରେ ଆଧାରିତ ଏକ ଆଧୁନିକ ସହରାଞ୍ଚଳ କେନ୍ଦ୍ର ବିକଶିତ କରିବାକୁ ଲକ୍ଷ୍ୟ ରଖିଥିଲେ। ଏହି ଜାଙ୍ଗଚୁପ୍ ଚୋର୍ଟେନ ସହରର ଆଧ୍ୟାତ୍ମିକ ମୂଳଦୁଆର ଏକ ଅଂଶ।\

Honoured to have a royal audience with His Majesty the King of Bhutan in Gelephu today. Conveyed the warm greetings of Hon’ble Prime Minister Shri @narendramodi ji and reaffirmed India’s steadfast commitment to our unique and enduring bilateral partnership. Congratulated Bhutan on the historic achievement of constructing 108 Buddhist Stupas (Jangchub Chortens) in just six hours on 1st November 2026, with the extraordinary participation of over 40,000 volunteers, monks and artisans who started the work after midnight. Expressed my heartfelt gratitude to His Majesty for graciously dedicating Stupa 76 to the Prime Minister of India, making this remarkable milestone an enduring symbol of the deep spiritual and civilisational bonds between our two nations. 🇮🇳🇧🇹 #IndiaBhutan #Project108 @MEAIndia @Indiainbhutan

— Kiren Rijiju (@KirenRijiju) November 1, 2026

ଏହି କାର୍ଯ୍ୟକ୍ରମରେ ଭୂଟାନ ରାଜା ଜିଗମେ ଖେସର ନାମଗ୍ୟେଲ ୱାଙ୍ଗଚୁକ୍, ତାଙ୍କ ସ୍ୱପ୍ନର ସହର ପାଇଁ ତାଙ୍କ ଦୃଷ୍ଟିକୋଣକୁ ସମର୍ଥନ କରିଥିବାରୂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଭାରତ ସରକାରଙ୍କୁ ପ୍ରଶଂସା କରିଥିଲେ। ଏନେଇ ସେ କହିଥିଲେ, "କେନ୍ଦ୍ରମନ୍ତ୍ରୀଙ୍କ ମାଧ୍ୟମରେ ମୁଁ ପ୍ରଧାନମନ୍ତ୍ରୀ, ଭାରତ ସରକାର ଏବଂ ଭାରତର ଜନସାଧାରଣଙ୍କ ପ୍ରତି ମୋର ହୃଦୟର କୃତଜ୍ଞତା ପ୍ରକାଶ କରୁଛି। ଆଜି ଆପଣ ଯାହା ଦେଖିଲେ ତାହା ଆମର ପରିଚୟର ଏକ ଝଲକ। ଏକ ଛୋଟ ଦେଶ ଯାହାର ଶକ୍ତି ଏହାର ଲୋକଙ୍କ, ମୂଲ୍ୟବୋଧ ଏବଂ ବିଶ୍ୱାସରେ ନିହିତ ଅଛି।"

ରାଜା ଆହୁରି କହିଥିଲେ, "ଆପଣ କେବଳ ଆପଣଙ୍କର ଉପସ୍ଥିତି କିମ୍ବା ସମର୍ଥନ ପ୍ରଦାନ କରିବାକୁ ଆସିନାହାଁନ୍ତି। ବରଂ ଆପଣ ଏହି କାହାଣୀର ଏକ ଅଂଶ ହୋଇଛନ୍ତି। ଭୁଟାନ ସର୍ବଦା ବନ୍ଧୁତା ମାଧ୍ୟମରେ ଅଗ୍ରଗତି କରିଛି। ଗେଲେଫୁ ଉପରେ ଆପଣଙ୍କର ବିଶ୍ୱାସ ପ୍ରକୃତରେ ଭୁଟାନ ଉପରେ ଆପଣଙ୍କର ବିଶ୍ୱାସ ଏବଂ ଆମେ ସେହି ବିଶ୍ୱାସକୁ ପୂର୍ଣ୍ଣ ସମ୍ମାନ ଦେବୁ। ଗେଲେଫୁ ଠାରେ ଆମେ ଆମର ଲୋକଙ୍କ ପାଇଁ, ଆମ ପିଲାଙ୍କ ପାଇଁ ଏବଂ ଭୂଟାନ ଭବିଷ୍ୟତ ପାଇଁ ପ୍ରକୃତରେ କିଛି ସ୍ୱତନ୍ତ୍ର ନିର୍ମାଣ କରୁଛୁ। ମୁଁ ପ୍ରାର୍ଥନା କରୁଛି ଯେ ଆମେ ଯାହା ନିର୍ମାଣ କରୁଛୁ ତାହା କେବଳ ଆମକୁ ନୁହେଁ, ବରଂ ଆଗାମୀ ବର୍ଷରେ ସମଗ୍ର ବିଶ୍ୱ ପାଇଁ ଲାଭଦାୟକ ହେଉ। ତାଶି ଡେଲେକ୍!"