ଆପଣ ପ୍ରତ୍ୟେକ ଦିନ ଅନେକ ଆଶ୍ଚର୍ଯ୍ୟ କଲାଭଳି ଖବର ନିଶ୍ଚୟ ଶୁଣୁଥିବେ। ଏଥିରୁ ଅନେକ କିଛି ଆମକୁ ଶିକ୍ଷା ଦେଇଥାଏ ତ ଆଉ କିଛି ଆମକୁ ଆଶ୍ଚର୍ଯ୍ୟ କରିଥାଏ । ଠିକ ଏହିପରି ଏକ ଖବର ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ୧୫ ବର୍ଷରେ ମାଆ ହେଲା ସ୍କୁଲ ପଢୁଆ ଝିଅ । ବାପାର ବୟସ ବି ମାତ୍ର ୧୨। ଉଭୟ ହେଉଛନ୍ତି ପ୍ରେମିକ ପ୍ରେମିକା । କିନ୍ତୁ କଅଁଳ ବୟସରେ ଖସି ଗଲା ପାଦ । ଯାହା ପାଇଁ ବଡ ଭୁଲ କରିଦେଲେ ସେମାନେ । ଏପରି କିଛି ଘଟଣା ଘଟିଛି ଆମେରିକାର ଅର୍କାସସରେ ।ସବୁଠାରୁ ବଡ କଥା ହେଉଛି ଯେ, ହଣ୍ଟର ଏବେବି ସ୍କୁଲରେ ପାଠ ପଢୁଛନ୍ତି ।

ତେଣୁ ସବୁ ଦାୟିତ୍ୱ ନେବା କଷ୍ଟକର ହୋଇଯାଉଛି । ସେ ଏବେ ଅଷ୍ଟମ ଶ୍ରେଣୀରେ ପଢୁଥିବାରୁ ଫେଲ୍ ହେବାର ଭୟ ମଧ୍ୟ ରହୁଛି । ବେଲା ମଧ୍ୟ ପାଠପଢାକୁ ନେଇ ସିରିୟସ ଅଟନ୍ତି । ହଣ୍ଟରଙ୍କୁ ଯେପରି ସ୍କୁଲରେ କିଛି ସମସ୍ୟା ନହୁଏ ସେଦିଗରେ ସେ ନିରନ୍ତର ପ୍ରୟାସ କରୁଛନ୍ତି । ରିପୋର୍ଟ ଅନୁସାରେ, ଅର୍କାସସରେ ରୁହନ୍ତି ବେଲା ଏବଂ ହଣ୍ଟର । ବେଲାଙ୍କ ବୟସ ୧୫ ହୋଇଥିବା ବେଳେ ହଣ୍ଟର ୧୨ ବର୍ଷର । ତେବେ ବେଲା ଗର୍ଭବତୀ ହେବା ସମୟରେ ହଣ୍ଟର ମାତ୍ର ୧୨ବର୍ଷର ହୋଇଥିଲେ । ପରିବାର ଲୋକେ ଏହା ଜାଣିବା ପରେ ଚକିତ ହୋଇଯାଇଥିଲେ । ବେଲା ନିଜ ସନ୍ତାନଙ୍କୁ ଜନ୍ମ ଦେବାକୁ ନିଷ୍ପତ୍ତି ନେଇଥିଲେ । ଏବେ ଏକ ପ୍ରସିଦ୍ଧ ଶୋର ପ୍ରମୋ ରିଲିଜ୍ ହେଲା ପରେ ସବୁ ଘଟଣା ସାମ୍ନାକୁ ଆସିଛି । ଦୁହେଁ ସବୁ କଥା ଖୋଲି କହିଛନ୍ତି।

ବେଲା ଶୋରେ କହିଛନ୍ତି ଯେ, ତାଙ୍କ ଓଜନ ବଢିବାକୁ ଲାଗିଥିଲା । ସେ ପ୍ରଥମେ କିଛି ଜାଣିନଥିଲେ । ପରେ ସେ ଗର୍ଭବତୀ ଥିବା ଜଣାପଡିଥିଲା । ଏକଥା ପରିବାର ଲୋକେ ଜାଣି ବହୁତ ରାଗିଥିଲେ । ପରେ କିନ୍ତୁ ସମର୍ଥନ କରିଥିଲେ । ହଣ୍ଟରଙ୍କ ପରିବାର କିନ୍ତୁ ଆଦୌ ଖୁସି ନଥିଲେ । ସେମାନେ ବେଲାଙ୍କ ଉପରେ ଗର୍ଭପାତ କରିବାକୁ ଚାପ ପକାଇଥିଲେ । କିନ୍ତୁ ବେଲା ସେମାନଙ୍କ କଥା ମାନିନଥିଲେ । ଏବେ ସେ ସମସ୍ତ କଥାକୁ ଦୁନିଆ ସାମ୍ନାରେ ରଖିଛନ୍ତି ।

ଏଥିସହ ପଢ଼ନ୍ତୁ: ମଦ ପିଇ କଲେ ବଡ଼ ଭୁଲ: କ୍ରିକେଟରଙ୍କୁ ମାଡିବସିଲା ପୋଲିସ୍‌, ଏବେ ଜେଲରେ...

ଏହି ଶୋରେ କମ୍ ବୟସର ଯୁବକ-ଯୁବତୀଙ୍କ କାହାଣୀ ସ୍ଥାନ ପାଇଥାଏ । ଉଭୟ ବେଲା ଏବଂ ହଣ୍ଟର ଗତବର୍ଷ ନିଜ ଝିଅ ବେସଲିର ନାମକରଣ କରିଥିଲେ । ସେହି ସମୟରେ ବେଲା ୧୫ ଏବଂ ହଣ୍ଟର ୧୨ବର୍ଷର ଥିଲେ । ଉଭୟଙ୍କ କାହାଣୀ ସାମ୍ନାକୁ ଆସିବା ପରେ ନେଟିଜେନ୍ସ ଭିନ୍ନ ଭିନ୍ନ କମେଣ୍ଟ କରୁଛନ୍ତି । ଜଣେ ୟୁଜର କହିଛନ୍ତି ଯେ, ବେଲା ସନ୍ତାନ ଜନ୍ମ ଦେବା ସମୟରେ ସେ ନିଜେ ଏକ ଛୋଟ ଛୁଆ ହୋଇଥିଲେ । ଆଉକେହି କେହି ଏହାକୁ ଖରାପ ସ୍ୱପ୍ନ ସହ ତୁଳନା କରିଛନ୍ତି ।

ଅଧିକ ପଢ଼ନ୍ତୁ ବିଦେଶ ଖବର: