ଅର୍ଗସ ବ୍ୟୁରୋ : ଇସ୍ରାଏଲ ପକ୍ଷରୁ ବୁଧବାର ଉତ୍ତର ଗାଜା ସୀମାରେ କରାଯାଇଥିବା ଏୟାରଷ୍ଟ୍ରାଇକ୍‌ରେ ହମାସ ନେତା ଇସମାଇଲ ହାନିଆଙ୍କ ୩ ପୁଅଙ୍କ ମୃତ୍ୟୁ ଘଟିଛି । ସେମାନେ ହେଲେ ହାଜେମ, ଆମିର, ମହମ୍ମଦ। ତେବେ ଗାଜାର ଅଲ-ଶତି ଶିବିରରୁ ସେମାନେ ଯେଉଁ କାର୍‌ରେ ଯାଉଥିଲେ, ତା ଉପରେ ବୋମାମାଡ଼ ହୋଇଥିଲା । 

ଅଧିକ ପଢନ୍ତୁ ବିଦେଶ ଖବର

ଏଥିରେ ହାନିଆଙ୍କ ପୁଅଙ୍କ ସହ ୪ ନାତି, ୩ ବାଳିକା ଏବଂ ଜଣେ ବାଳକ ମଧ୍ୟ ନିହତ ହୋଇଛନ୍ତି । ଆମିର ହାନିଆ ହମାସ ସାମରିକ ଓ୍ବିଙ୍ଗରେ ଏକ ସ୍କ୍ବାର୍ଡ କମାଣ୍ଡର ଥିଲେ । ସେହିଭଳି ହାଜେମ ଏବଂ ମହମ୍ମଦ ହାନିଆ ସାମରିକ ଓ୍ବିଙ୍ଗ୍‌ରେ ନିମ୍ନସ୍ତରର କର୍ମଚାରୀ ଥିଲେ ବୋଲି ଆଇଡିଏଫ୍‌ କହିଛି । ଏହାଛଡ଼ା ହାନିଆଙ୍କ ୩ ପୁଅ ସେଣ୍ଟ୍ରାଲ ଗାଜା ଅଞ୍ଚଳରେ ଆତଙ୍କବାଦୀ କାର୍ଯ୍ୟକଳାପ କରିବାକୁ ଯାଉଥିଲେ ।