JD Vance statement / ଜେଡି ଭାନ୍ସଙ୍କ ଟିପ୍ପଣୀକୁ ନେଇ ବିବାଦ, କହିଲେ 'ମୋର ଇଚ୍ଛା ମୋ ସ୍ତ୍ରୀ ଖ୍ରୀଷ୍ଟିଆନ ହେଇଯାଉ'...

ଯେମିତି ମୁଁ ଖ୍ରୀଷ୍ଟିଆନ ଧର୍ମରେ ବିଶ୍ଵାସ କରିଛି, ,ସେମିତି ମୋ ସ୍ତ୍ରୀ ବି କରୁ । ଖୁବଶୀଘ୍ର ସେ ଖ୍ରିଷ୍ଟିଆନ ଧର୍ମକୁ ନିଜର କରୁ । ଆମେରିକାରେ ଆୟୋଜିତ ମିସିସିପିର ଟର୍ଣ୍ଣିଂ ପଏଣ୍ଟ ୟୁଏସଏରେ ଏକ କାର୍ଯ୍ୟକ୍ରମ ଆୟଜିତ ହେଉଥିଲା । ସେହି କାର୍ଯ୍ୟକ୍ରମରେ ଏପରି କହିଛନ୍ତି ଆମେରିକା ଉପରାଷ୍ଟ୍ରପତି ଜେଡି ଭାନ୍ସ । ଅନେକ ସମୟରେ ତାଙ୍କର ପତ୍ନୀ ଉଷା ଭାନ୍ସ ଚର୍ଚ୍ଚ ଯାଇଥାନ୍ତି । ସେଥିପାଇଁ ସେ କହିଛନ୍ତି , ମତେ ଆଶା ଅଛି ଦିନେ ନା ଦିନେ ମୋର ପତ୍ନୀ ଖ୍ରୀଷ୍ଟିଆନ୍ ଧର୍ମ ଗ୍ରହଣ କରିବେ ।

୨୦୧୯ ପୂର୍ବରୁ ଜେଡି ଭାନ୍ସ ମଧ୍ୟ ଜଣେ ନାସ୍ତିକ ଥିଲେ । ସେ କୌଣସି ଧର୍ମରେ ବିଶ୍ଵାସ କରୁନଥିଲେ । ୨୦୧୯ରେ ହିଁ ସେ ନିଜେ ଖ୍ରୀଷ୍ଟିଆନ ଧର୍ମ ଗ୍ରହଣ କରିଥିଲେ । କିନ୍ତୁ ତାଙ୍କର ପତ୍ନୀ ଉଷା ଭାନ୍ସ ହିନ୍ଦୁ ପରିବାରର ଅଟନ୍ତି । ୟେଲ୍ ଲ ସ୍କୁଲରେ ସେ ଜେଡି ଭାନ୍ସଙ୍କୁ ଭେଟିଥିଲେ, ଆଉ ସେଠାରେ ହିଁ ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ଗଢି ଉଠିଥିଲା । ୨୦୧୪ରେ ଉଭୟ ବିବାହ କରିଥିଲେ । ଏବେ ତାଙ୍କର ୩ଜଣ ପିଲା ଅଛନ୍ତି । ତେବେ ତାଙ୍କର ପିଲାମାନେ ଖ୍ରୀଷ୍ଟିଆନ ଧର୍ମକୁ ହିଁ ଆପଣାଇଥାନ୍ତି ।

ସେଥିପାଇଁ ସେ କହିଛନ୍ତି, ତାଙ୍କର ଇଚ୍ଛା ତାଙ୍କର ପତ୍ନୀ ଖ୍ରୀଷ୍ଟିୟାନ ଧର୍ମକୁ ଆପଣାନ୍ତୁ । ଏପରି ଷ୍ଟେଟମେଣ୍ଟ ଦେବାବେଳେ ସେ ତାଙ୍କର ପତ୍ନୀଙ୍କୁ ବାଧ୍ୟ କରିନଥିଲେ ମଧ୍ୟ ନିଜର ଇଚ୍ଛାକୁ ପ୍ରକାଶ କରିଥିଲେ ।

ଅଧିକ ପଢନ୍ତୁ : ଜେମିମାଙ୍କୁ ନେଇ ବଢ଼ୁଛି ଚର୍ଚ୍ଚା, ଦରମା ସହ ବ୍ରାଣ୍ଡରୁ ପାଆନ୍ତି ଏତେ ଟଙ୍କା ?

ହେଲେ ଜନସାଧାରଣ ଗଣମାଧ୍ୟମ ସାମ୍ନାରେ ନିଜର ଏହି ଇଚ୍ଛା ପ୍ରକାଶ କରିବା ତାଙ୍କୁ ଭାରି ପଡିଛି । ଯାହାକୁ ନେଇ ଅନେକ ବିବାଦ ଦେଖିବାକୁ ମିଳିଛି । ଜେଡି ଭାନ୍ସ ହିନ୍ଦୁ ଧର୍ମକୁ ନେଇ କେମିତି ଏପରି ଟିପ୍ପଣୀ ଦେଇପାରିଲେ ବୋଲି ଅନେକ ଲୋକ ବିରୋଧ କରିଛନ୍ତି । ଆମେରିକାର ହିନ୍ଦୁ ଆମେରିକାନ ଫାଉଣ୍ଡେସନ ଏହାକୁ ନେଇ ଜେଡିଭାନ୍ସଙ୍କ ଟିପ୍ପଣୀକୁ ତାତ୍ସଲ୍ୟ କରିଛନ୍ତି । ସେ କହିଛନ୍ତି ଜେଡି ଭାନ୍ସଙ୍କ ଏହି ଟିପ୍ପଣୀ ହିନ୍ଦୁ ଧ୍ରମକୁ ଅସମ୍ମାନ କରୁଛି । ସେପଟେ ଜେଡି ଭାନ୍ସଙ୍କ ପ୍ରଶଂସକ କହିଛନ୍ତି, ଏହି ଟିପ୍ପଣୀରେ କୌଣସି ରାଜନୈତିକ ଉଦ୍ଦେଶ୍ୟ ନାହିଁ, ବରଂ ସେ ତାଙ୍କ ପତ୍ନୀକୁ ନିଜର କେବଳ ଇଚ୍ଛାଟେ କହିଛନ୍ତି ।

ତେବେ ଏହାକୁ ନେଇ ଉଷା ଭାନ୍ସଙ୍କ ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନାହିଁ । କିନ୍ତୁ ପୂର୍ବରୁ ଏହାକୁ ନେଇ ଉଷା କହିଥିଲେ, ତାଙ୍କର ଧର୍ମ ପରିବର୍ତ୍ତନ କରିବା ନେଇ କୌଣସି ଯୋଜନା ନାହିଁ ।