ଜେମିମା ରୋଡ୍ରିଗ୍ସ । ଗତକାଲିଠୁ ଘରେ ଘରେ ପରିଚିତ ଏହି ନାଁ । ଅସମ୍ଭବକୁ ସମ୍ଭବ କରିଛନ୍ତି ଜେମିମା । ଅକ୍ଟୋବର ୩୦ରେ ଦିନିକିଆ ମହିଳା ବିଶ୍ବକପ୍‌ରେ ଖେଳାଯାଉଥିଲା ଦ୍ବିତୀୟ ସେମିଫାଇନାଲ ମ୍ୟାଚ୍‌ । ସାମ୍ନାରେ ଥିଲେ ଭାରତ-ଅଷ୍ଟ୍ରେଲିଆ । ଭାରତୀୟ ମହିଳା କ୍ରିକେଟ୍ ତାରକା ଜେମିମା ରୋଡ୍ରିଗ୍ସ ଅଷ୍ଟ୍ରେଲିଆ ବିପକ୍ଷରେ ଚମତ୍କାର ପ୍ରଦର୍ଶନ କରି ଭାରତକୁ ୨୦୨୫ ମହିଳା ବିଶ୍ୱକପ୍ ଫାଇନାଲରେ ପହଞ୍ଚାଇଛନ୍ତି। ସେମିଫାଇନାଲରେ ୩୩୮ ରନର ବିଶାଳ ଲକ୍ଷ୍ୟ ପିଛା କରିବା ସମୟରେ ଏହି ୨୪ ବର୍ଷୀୟା ଖେଳାଳି ତାଙ୍କ କ୍ୟାରିୟରର ସର୍ବୋତ୍ତମ ଇନିଂସ ଖେଳିଥିଲେ। ସେ ୧୩୪ ବଲ୍ ରୁ ୧୨୭ ରନ କରି ଭାରତକୁ ୯ ବଲ୍ ବାକି ଥାଇ ବିଜୟୀ କରାଇଥିଲେ।

ଚଳିତ ଆଇସିସି ମହିଳା ବିଶ୍ବକପ୍‌ ଆରମ୍ଭରୁ ଜେମିମାଙ୍କ ଭଲ ପ୍ରଦର୍ଶନ କରିପାରିନଥିଲେ । ଶ୍ରୀଲଙ୍କା ବିପକ୍ଷରେ ଖେଳାଯାଇଥିବା ପ୍ରଥମ ମ୍ୟାଚ୍‌ରେ ସେ ଖାତା ଖୋଲିପାରିନଥିଲେ । ଏହା ପରେ ପାକିସ୍ତାନ ବିପକ୍ଷରେ ୩୨, ଦକ୍ଷିଣ ଆଫ୍ରିକା ବିପକ୍ଷରେ ୦ ଓ ଅଷ୍ଟ୍ରେଲିଆ ବିପକ୍ଷରେ ମାତ୍ର ୩୩ ରନ୍‌ କରିଥିଲେ । ଲଗାତର ୪ଟି ମ୍ୟାଚ୍‌ରେ ଫେଲ୍‌ ହେବା ପରେ ଇଂଲଣ୍ଡ ବିପକ୍ଷ ମ୍ୟାଚ୍‌ରେ ତାଙ୍କୁ ବାଦ୍‌ ଦିଆଯାଇଥିଲା । ଏତେ ସବୁ ପରେ ବି ହାର୍ ମାନିନଥିଲେ ଜେମିମା । ନିଜର ହଜିଯାଇଥିବା ଫର୍ମକୁ ଫେରାଇବା ପାଇଁ ଲଢ଼େଇ ଜାରି ରଖିଥିଲେ ।

ଜେମିମା ରୋଡ୍ରିଗ୍ସ କେତେ ସମ୍ପତ୍ତିର ମାଲିକ ?

ଏବେ ଆସନ୍ତୁ ଜେମିମା ରୋଡ୍ରିଗ୍ସ ତାଙ୍କର ଲୋକପ୍ରିୟତା ତାଙ୍କ ଆର୍ଥିକ ଓ ବ୍ରାଣ୍ଡ ପୋର୍ଟଫୋଲିଓରେ ପ୍ରତିଫଳିତ ହୁଏ। ସେ ତାଙ୍କ BCCI କେନ୍ଦ୍ରୀୟ ଚୁକ୍ତିନାମା ଅନୁଯାୟୀ ବାର୍ଷିକ ୩୦ ଲକ୍ଷ (ଗ୍ରେଡ୍ B) ପାଆନ୍ତି। ତାଙ୍କର ମ୍ୟାଚ୍ ଫି ଟେଷ୍ଟ ପାଇଁ ୧୫ ଲକ୍ଷ, ଦିନିକିଆ ପାଇଁ ୬ ଲକ୍ଷ ଏବଂ ଟି20 ପାଇଁ ୩ ଲକ୍ଷ। ତାଙ୍କର ହୁଣ୍ଡାଇ, ଜିଲେଟ୍, ରେଡ୍ ବୁଲ୍, ଡ୍ରିମ 11 ଏବଂ ପ୍ଲାଟିନମ୍ ଇଭାରା ଭଳି ପ୍ରମୁଖ ବ୍ରାଣ୍ଡ ସହିତ ମଧ୍ୟ ସମ୍ପାଦନା ଅଛି। ବିଭିନ୍ନ ରିପୋର୍ଟ ଅନୁସାରେ, ୨୦୨୫ ସୁଦ୍ଧା ଜେମିମାଙ୍କ ମୋଟ ସମ୍ପତ୍ତି ୮ କୋଟିରୁ ୧୫ କୋଟି ମଧ୍ୟରେ ହେବ ବୋଲି ଆକଳନ କରାଯାଇଛି।

ଏଥିସହ ପଢ଼ନ୍ତୁ: ମୁଁ ସବୁଦିନ କାନ୍ଦୁଥିଲି ଓ ଚିନ୍ତାରେ ରହୁଥିଲି: ଜେମିମା ରୋଡ୍ରିଗ୍ସ

ଜେମିମା ଗୋଟିଏ ଖ୍ରୀଷ୍ଟିଆନ ପରିବାରରୁ ଆସିଛନ୍ତି। ତାଙ୍କ ବାପା ଜଣେ ସ୍କୁଲ ପ୍ରଶିକ୍ଷକ ଥିଲେ। କେହି କଳ୍ପନା କରିନଥିଲେ ଯେ ସେ ଦିନେ ଦେଶ ପାଇଁ ଖେଳିବେ। ଜେମିମା ସ୍ନାତକ ସେଣ୍ଟ ଜୋସେଫଙ୍କ କନଭେଣ୍ଟ ହାଇସ୍କୁଲ ଏବଂ ରିଜଭି କଲେଜ ଅଫ୍ ଆର୍ଟସ୍, ସାଇନ୍ସ ଆଣ୍ଡ୍ କମର୍ସରେ ପଢ଼ିଥିଲେ। ଗୋଟିଏ ରିପୋର୍ଟ ଦାବି କରୁଛି ଯେ ତାଙ୍କର ସମ୍ପତ୍ତି ମୂଲ୍ୟ ୮୦ ନିୟୁତରୁ ୧୫୦ ନିୟୁତ ମଧ୍ୟରେ ହୋଇପାରେ।

ମୁଁ ସବୁଦିନ କାନ୍ଦୁଥିଲି :

ଜେମିମାଙ୍କ ସଫଳତା ପଛରେ ଥିଲା ଅସହ୍ୟ କଷ୍ଟ, ଯନ୍ତ୍ରଣା । କିନ୍ତୁ କେହି ଜାଣିପାରିନଥିଲେ । ମ୍ୟାଚ୍ ସରିବା ପରେ ଜେମିମା କହିଛନ୍ତି ଯେ "ମୁଁ ଟୁର୍ଣ୍ଣାମେଣ୍ଟ ଆରମ୍ଭରେ ବହୁତ ଚିନ୍ତାରେ ଥିଲି । ମ୍ୟାଚ୍ ପୂର୍ବରୁ ଅନେକ ଥର ମୁଁ ମୋ ମାଆଙ୍କୁ ଫୋନ୍ କରି କାନ୍ଦୁଥିଲି । ଯେତେବେଳେ ନିଜେ ଚିନ୍ତାରେ ଥାଅ, ସେ ସମୟରେ ସବୁକିଛି ଶୂନ୍ୟ ଲାଗିଥାଏ । ଆପଣ ବୁଝିପାରନ୍ତି ନାହିଁକି ଆପଣଙ୍କୁ କ'ଣ କରିବା ଉଚିତ" । ଏହା ସହିତ ସେ କହିଛନ୍ତି ଯେ " ମୋ ବାପା-ମା, ବାନ୍ଧବୀ ଅରୁନ୍ଧତି, ସ୍ମୃତି, ରାଧା (ପରିବାର ବର୍ଗ) ସମସ୍ତେ ମୋ ସହିତ ଠିଆ ହୋଇଥିଲେ । ଅନେକ ଥର ଅରୁନ୍ଧତି ସାମନାରେ ମଧ୍ୟ କାନ୍ଦି ପକାଉଥିଲି ଓ ସ୍ମୃତି କେବଳ ମୋ ପାଖରେ ଠିଆ ହୋଇଥାଏ । କିଛି କହୁ ନଥାଏ କିନ୍ତୁ ତାର ଏହି ଉପସ୍ଥିତି ବହୁତ ମହତ୍ତ୍ୱପୂର୍ଣ୍ଣ ଥିଲା, ମୁଁ ବହୁତ ଭାଗ୍ୟବାନ ଯେ ଏପରି ବାନ୍ଧବୀ ପାଇଛି ଯାହାକୁ ମୁଁ ମୋର ପରିବାର ବୋଲି କହିପାରିବି ।"

ଅଧିକ ପଢ଼ନ୍ତୁ ଖେଳ ଖବର: