ଶ୍ରୀଲଙ୍କା କ୍ରିକେଟ୍ ଟିମକୁ ବଡ଼ ଧକ୍କା, ଆଇସିସି ସଦସ୍ୟତାରୁ ଶ୍ରୀଲଙ୍କା କ୍ରିକେଟ ବୋର୍ଡ ନିଲମ୍ବିତ
ଅର୍ଗସ ବ୍ୟୁରୋ : ଶ୍ରୀଲଙ୍କା କ୍ରିକେଟ୍ ଟିମ୍ କୁ ବଡ଼ ଧକ୍କା । ଆଇସିସି ସଦସ୍ୟତା ହରାଇଲା ଶ୍ରୀଲଙ୍କା କ୍ରିକେଟ୍ ବୋର୍ଡ । ରାଜନୈତିକ ହସ୍ତକ୍ଷେପ ପାଇଁ କାର୍ଯ୍ୟାନୁଷ୍ଠାନ ନେଲା ଆଇସିସି । ଭାରତଠାରୁ ଶୋଚନୀୟ ପରାଜୟ ପରେ ବୋର୍ଡର ସମସ୍ତ ସଦସ୍ୟଙ୍କୁ ବହିଷ୍କାର କରିଥିଲେ ଶ୍ରୀଲଙ୍କା କ୍ରୀଡ଼ା ମନ୍ତ୍ରୀ । ସରକାରଙ୍କ ହସ୍ତକ୍ଷେପ ଆଇସିସିର ଆଇନ ଉଲ୍ଲଂଘନ ହୋଇଥିବାରୁ ଏଭଳି ଆକ୍ସନ ନେଇଛି ଆଇସିସି ।
ଅଧିକ ପଢନ୍ତୁ ଖେଳ ଖବର
ଆଇସିସି ପକ୍ଷରୁ କୁହାଯାଇଛି ଶ୍ରୀଲଙ୍କା କ୍ରିକଟରେ ବ୍ୟାପକ ସରକାରୀ ହସ୍ତେକ୍ଷପ ହେଉଛି । ଯାହା ଫଳରେ ଶ୍ରୀଲଙ୍କା କ୍ରିକେଟ ବୋର୍ଡ ଭଙ୍ଗ ହୋଇଯାଇଛି । ଆଜି ଆଇସିସି ବୋର୍ଡର ବୈଠକରେ ଶ୍ରୀଲଙ୍କା କ୍ରିକେଟର ସଦସ୍ୟତାକୁ ନିଲମ୍ବିତ କରାଯାଇଛି ।
ଏଣିକି ଆଇସିସି ପକ୍ଷରୁ ହେବାକୁ ଥିବା କୌଣସି ପ୍ରତି ଯୋଗିତାରେ ଶ୍ରୀଲଙ୍କା ଟିମ ଭାଗ ନେଇ ପାରିବ ନାହିଁ । ବିଶ୍ୱକପରେ ଶ୍ରୀଲଙ୍କା ଟିମର ଖରାପ ପ୍ରଦର୍ଶନ ପରେ ଶ୍ରୀଲଙ୍କା କ୍ରିକେଟ ବୋର୍ଡକୁ ବରଖାସ୍ତ କରିଦେଇଛି । ଏହାପରେ ଆଇସିସିର ଏହି ପଦକ୍ଷେପ ଶ୍ରୀଲଙ୍କା ଟିମକୁ ଶକ୍ତ ଝଟକା ବୋଲି କୁହାଯାଉଛି ।
