Argus News - କୋଟି କୋଟି ଡଲାର ରହସ୍ୟ; ଖାମେନେଇଙ୍କୁ ମାରିବାକୁ କେତେ ଟଙ୍କା ଖର୍ଚ୍ଚ କରିଛନ୍ତି ଟ୍ରମ୍ପ ?

ମଧ୍ୟପ୍ରାଚ୍ୟରେ ଜାରି ରହିଛି ଘମାଘୋଟ ଯୁଦ୍ଧ । ଇସ୍ରାଏଲ ଓ ଆମେରିକାର ମିଳିତ ଆକ୍ରମଣରେ ଧରାଶାୟୀ ହୋଇଛି ଇରାନ । ଦେଶ ନିଜର ସର୍ବୋଚ୍ଚ ନେତା ଖାମେନେଇଙ୍କୁ ହରାଇଛି । ଆମେରିକାର ଆକ୍ରମଣରେ ଶେଷରେ ଇରାନର ସର୍ବୋଚ୍ଚ ନେତା ଖାମେନେଇଙ୍କ ମୃତ୍ୟୁ ଘଟିଛି । ଆମେରିକା ସିଧାସଖଳ ଖାମେନେଇଙ୍କ ବାସଭବନ ଉପରେ ମିସାଇଲ ମାଡ଼ କରିଥିଲା । ତେବେ ଆପଣ ଜାଣନ୍ତି କି ଖାମେନେଇଙ୍କୁ ମାରିବାକୁ ଆମେରିକା ବିଗତ ଦିନରେ କେତେ ଟଙ୍କା ଖର୍ଚ୍ଚ କରିଛି ? ଟ୍ରମ୍ପଙ୍କ ପ୍ଲାନ କଣ ଥିଲା ? ଏଠାରେ ଆସନ୍ତୁ ଜାଣିବା ।

ଇରାନରେ ଗୁପ୍ତ ଏଜେନ୍ସି ନିୟୋଜିତ କରିବା ଲାଗି ଆମେରିକା ନିଜ ସେଣ୍ଟ୍ରାଲ ଇଣ୍ଟେଲିଜେନ୍ସି ଏଜେନ୍ସି (CIA)ର ଅଧିକାରୀଙ୍କୁ ଗୁରୁ ଦାୟିତ୍ଵ ପ୍ରଦାନ କରିଥିଲା । କୁହାଯାଉଛି ଆକ୍ରମଣରେ ଅୟାତୁଲ୍ଲାହ ଅଲ୍ଲୀ ଖାମେନଇଙ୍କ ମୃତ୍ୟୁ CIAର ଗୁପ୍ତ ଇନପୁଟ୍ ଦ୍ଵାରା ସମ୍ଭବ ହୋଇପାରିଥିଲା । ଏପିରିକି ଆମେରିକାର ଏହି ଗୁପ୍ତଚର ଏଜେନ୍ସି ଇରାନର ରାସ୍ତାରେ ଲାଗିଥିବା କ୍ୟାମେରାକୁ ବି ହ୍ୟାକ୍ କରିଥିଲା । ଏଜେନ୍ସିର ସୂତ୍ର ଏତେ ଜବରଦସ୍ତ ଥିଲା ଯେ, ଖାମେନେଇଙ୍କ ବିଷୟରେ ପ୍ରତି ସେକେଣ୍ଡର ଖବର ଟ୍ରମ୍ପଙ୍କ ନିକଟରେ ପହଞ୍ଚୁଥିଲା ।

• ୨୦୨୩ରୁ ଇରାନରେ ସକ୍ରିୟ ଥିଲା CIA

ଅକ୍ଟୋବର ୨୦୨୩ରେ ଇସ୍ରାଏଲ ଉପରେ ହିଜବୋଲା ଏବଂ ହମାସ ଆକ୍ରମଣ ପରେ ଆମେରିକା ଇରାନରେ ବ୍ୟାପକ ଭାବରେ CIA ନିୟୋଜିତ କରିଥିଲା । ୨୦୨୩ରୁ ୨୦୨୫ ମଧ୍ୟରେ, ଆମେରିକା ଇରାନରେ ଗୁପ୍ତଚର ଠିକ୍ କରିବା ଏବଂ ଏହି ଅପରେସନ୍ କରିବା ପାଇଁ ପ୍ରାୟ ୨.୫ ବିଲିୟନ ଡଲାର (ପ୍ରାୟ ୨.୨୮ ଲକ୍ଷ କୋଟି ଟଙ୍କା) ଖର୍ଚ୍ଚ କରିଥିଲା । ଖାମେନେଇଙ୍କ ମୃତ୍ୟୁ ଘୋଷଣା କରି ରାଷ୍ଟ୍ରପତି ଟ୍ରମ୍ପ୍ ଆମେରିକୀୟ ଗୁପ୍ତଚର ସଂସ୍ଥାଗୁଡ଼ିକୁ ପ୍ରଶଂସା କରିଥିଲେ ।

ଟ୍ରମ୍ପ୍ ଲେଖିଥିଲେ, "ଖାମେନେଇ ଆମର ଗୁପ୍ତଚର ସଂସ୍ଥାଗୁଡ଼ିକର ଟ୍ରାକିଂ ସିଷ୍ଟମରୁ ଖସି ପାରିଲେ ନାହିଁ । ଆମେରିକା ବିଶ୍ୱର ସବୁଠାରୁ ବଡ଼ ଦୁଷ୍ଟକୁ ମାରିଛି ।" ଟ୍ରମ୍ପ୍ ଖାମେନେଇଙ୍କ ମୃତ୍ୟୁକୁ ଆମେରିକା ପାଇଁ ଏକ ପ୍ରମୁଖ ସଫଳତା ବୋଲି ବର୍ଣ୍ଣନା କରିଥିଲେ ।

ପଢନ୍ତୁ ଏହି ଖବର: 'ଯଦି ଜାହାଜ ବାହାରିବ ନିଆଁ ଲଗାଇଦେବୁ'; ଷ୍ଟ୍ରେଟ୍ ହୋର୍ମୁଜ ପଥ ବନ୍ଦ କଲା ଇରାନ

• ଖାମେନେଇଙ୍କ ମୃତ୍ୟୁ ପାଇଁ ଆମେରିକା କେତେ ଟଙ୍କା ଖର୍ଚ୍ଚ କଲା ?

ଆମେରିକା ଅକ୍ଟୋବର ୨୦୨୩ରେ ମଧ୍ୟପ୍ରାଚ୍ୟ ଉପରେ ଧ୍ୟାନ ଦେଇଥିଲା । ଏହି ପଦକ୍ଷେପର ଏକ ଅଂଶ ଭାବରେ, ଆମେରିକା ପ୍ରାରମ୍ଭରେ ଇସ୍ରାଏଲକୁ ୨୧.୭ ବିଲିୟନ ଡଲାରର ସାମରିକ ପ୍ୟାକେଜ୍ ପ୍ରଦାନ କରିଥିଲା । ଏହା ସହିତ, ଆମେରିକା ମଧ୍ୟପ୍ରାଚ୍ୟରେ କାର୍ଯ୍ୟ ପାଇଁ ୧୨.୭ ବିଲିୟନ ଡଲାର ଆବଣ୍ଟନ କରିଥିଲା । ଏହି ଅର୍ଥରାଶି ଅକ୍ଟୋବର ୨୦୨୩ରୁ ସେପ୍ଟେମ୍ବର ୨୦୨୫ ପର୍ଯ୍ୟନ୍ତ ଖର୍ଚ୍ଚ ହୋଇଥିଲା । ଅକ୍ଟୋବର ୨୦୨୫ରୁ ଫେବୃଆରୀ ୨୦୨୬ ପର୍ଯ୍ୟନ୍ତ ଇରାନ ଅପରେସନରେ ଆମେରିକା କେତେ ଟଙ୍କା ଖର୍ଚ୍ଚ କରିଛି ସେ ବିଷୟରେ ସୂଚନା ଏପର୍ଯ୍ୟନ୍ତ ଉପଲବ୍ଧ ନାହିଁ । ତଥାପି ଇରାନରେ ଗୁପ୍ତଚର ଏଜେନ୍ସି ଲଗାଇବାରେ ଆମେରିକା ବହୁ ଅର୍ଥ ଖର୍ଚ୍ଚ କରିସାରିଛି ।

• CIAର ରାଡାରରେ ଥିଲେ ଖାମେନେଇ

ଅୟାତୁଲ୍ଲାହ ଅଲ୍ଲୀ ଖାମେନେଇ ସିଆଇଏର ରାଡାରରେ ଥିଲେ । ପ୍ରକୃତରେ, ଖାମେନେଇ ଏକମାତ୍ର ବିଶ୍ୱ ନେତା ଥିଲେ ଯିଏ ଖୋଲାଖୋଲି ଭାବରେ ଆମେରିକାର ବିରୋଧ କରୁଥିଲେ । ଖାମେନେଇ ତାଙ୍କ ଜୀବନରେ କେବେ ଆମେରିକା ଗସ୍ତ କରିନଥିଲେ । ସିଆଇଏ ଖାମେନେଇଙ୍କୁ ଏକ ହିଟ୍ ଲିଷ୍ଟରେ ରଖିଥିଲା ।

ଅଧିକ ଖବର ପଢନ୍ତୁ...