ପୁଣି ଗାଜା ଉପରେ ଘନ ଘନ ଆକ୍ରମଣ ଆରମ୍ଭ କରିଦେଇଛି ଇସ୍ରାଏଲ ସେନା
ଅର୍ଗସ ବ୍ୟୁରୋ : ସରିଲା ୭ ଦିନର ଯୁଦ୍ଧ ବିରାମ । ପୁଣି ରକ୍ତର ଖେଳ ଆରମ୍ଭ । ଗାଜା ଉପରେ ଘନ ଘନ ଆକ୍ରମଣ ଆରମ୍ଭ କରିଦେଇଛି ଇସ୍ରାଏଲ ସେନା । ନଭେମ୍ବର ୨୪ରେ ପଣବନ୍ଦୀଙ୍କୁ ମୁକ୍ତ କରିବାକୁ ଉଭୟ ପକ୍ଷରୁ ଯୁଦ୍ଧ ବିରାମ ଘୋଷଣା କରାଯାଇଥିଲା । ଗାଜାରୁ ୧୦୫ଜଣ ପଣବନ୍ଦୀଙ୍କୁ ମୁକ୍ତ କରାଯାଇଥିବା ବେଳେ ଇସ୍ରାଏଲ୍ କାରାଗାରରୁ ମୁକ୍ତ ହୋଇଥିଲେ ୨୪୦ଜଣ କଏଦୀ ।
ଅଧିକ ପଢନ୍ତୁ ବିଦେଶ ଖବର
ପ୍ରଥମେ ୪ ଦିନର ଯୁଦ୍ଧ ବିରାମ ପରେ ଏହାକୁ ଆଉ ୨ଦିନ ବୃଦ୍ଧି କରାଯାଇଥିଲା । ଏବେ କିନ୍ତୁ ପୁଣି ଆରମ୍ଭ ହୋଇଛି ଆକ୍ରମଣ ଓ ପ୍ରତିଆକ୍ରମଣ । ଗାଜା ପକ୍ଷରୁ ପ୍ରଥମେ ଏକ ରକେଟ ମାଡ଼ କରାଯାଇଥିବା ଇସ୍ରାଏଲ ପକ୍ଷରୁ କୁହାଯାଇଛି । ଯାହାକୁ ଡିଫେନ୍ସ ସିଷ୍ଟମ ଜରିଆରେ ପ୍ରତିହତ କରିଥିଲା ଇସ୍ରାଏଲ ସେନା ।
📱 Get Argus News App
✨ଆଉ ଏହାପରେ ରକ୍ତମୁଖା ହୋଇ ଗାଜାରେ ଆତଙ୍କୀ ଆଡ୍ଡାରେ ଯୁଦ୍ଧ ବିମାନରୁ ବୋମା ଓ ରକେଟ ମାଡ଼ କରିଛି ଇସ୍ରାଏଲ । ଏଥିରେ କିଛି ଲୋକଙ୍କ ମୃତ୍ୟୁ ହୋଇଥିବା ଜଣାପଡ଼ିଛି । ବର୍ତ୍ତମାନ ସୁଦ୍ଧା ଇସ୍ରାଏଲ ଆକ୍ରମଣରେ ଗାଜାରେ ପ୍ରାଣ ହରାଇଛନ୍ତି ୧୪ ହଜାର ଲୋକ ।