ଇରାନରେ ବଢ଼ୁଥିବା ବିରୋଧ ପ୍ରଦର୍ଶନ ଏବଂ ସରକାରଙ୍କ କଡ଼ା ଚେତାବନୀ ମଧ୍ୟରେ ଆମେରିକା ଏବଂ ଇରାନ ମଧ୍ୟରେ ଉତ୍ତେଜନା ପୁଣି ଥରେ ଚରମ ସୀମାରେ ପହଞ୍ଚିବା ପରି ମନେ ହେଉଛି । ଏହି ସମୟରେ ୱାଲ ଷ୍ଟ୍ରିଟ୍ ଜର୍ଣ୍ଣାଲ ରିପୋର୍ଟରେ ଦାବି କରାଯାଇଛି ଯେ ଆମେରିକା ଇରାନ ଉପରେ ଆକ୍ରମଣ କରିବାକୁ ବିଚାର କରୁଛି । ରିପୋର୍ଟରେ କୁହାଯାଇଛି ଯେ ଟ୍ରମ୍ପ ପ୍ରଶାସନ ଇରାନ ସାମରିକ ଘାଟି ବିରୁଦ୍ଧରେ ଏକ ବଡ଼ ଧରଣର ବିମାନ ଆକ୍ରମଣ ପାଇଁ ବିକଳ୍ପଗୁଡ଼ିକ ବିଚାର କରୁଛି । ତଥାପି, ରଣନୀତି ଉପରେ ଏପର୍ଯ୍ୟନ୍ତ କୌଣସି ସହମତି ହୋଇପାରି ନାହିଁ । ଆମେରିକୀୟ ଅଧିକାରୀମାନେ ସ୍ପଷ୍ଟ କରିଛନ୍ତି ଯେ ବର୍ତ୍ତମାନ କୌଣସି ସାମରିକ ନିୟୋଜନ କିମ୍ବା ଅସ୍ତ୍ରଶସ୍ତ୍ର ଗତିବିଧି କରାଯାଇ ନାହିଁ । ଏହି ଯୋଜନା କେବଳ ସମ୍ଭାବ୍ୟ ପରିସ୍ଥିତି ପାଇଁ ପ୍ରସ୍ତୁତ କରାଯାଉଛି ।

ଇରାନରେ ଟ୍ରମ୍ପଙ୍କ ମିଶନ । ଖାମେନିଙ୍କୁ କ୍ଷମତାଚ୍ୟୁତ କରିବା ପାଇଁ କାଉଣ୍ଟଡାଉନ୍ ଆରମ୍ଭ । ଟ୍ରମ୍ପଙ୍କ ମୁଖ୍ୟ ଟାର୍ଗେଟ ଏବେ ଇରାନ । କାରଣ ଲୋକମାନେ ଆୟାତୋଲ୍ଲା ଅଲି ଖାମେନିଙ୍କ ବିରୋଧରେ ଜୋରଦାର ପ୍ରତିବାଦ କରୁଛନ୍ତି । ଟ୍ରମ୍ପ ଆଗାମୀ 48 ଘଣ୍ଟା ମଧ୍ୟରେ ଇରାନରେ ଦ୍ୱିତୀୟ ପର୍ଯ୍ୟାୟ ବିଦ୍ରୋହ ଆରମ୍ଭ କରିବାକୁ ଯାଉଛନ୍ତି ।

ଦାବି କରାଯାଉଛି ଯେ ଟ୍ରମ୍ପ ପ୍ରତିବାଦକାରୀଙ୍କୁ ଇରାନରେ ଆକ୍ରମଣ କରିବାକୁ ନିର୍ଦ୍ଦେଶ ଦେଇପାରନ୍ତି । ଆଗାମୀ 48 ଘଣ୍ଟା ଆରବ ବିଶ୍ୱରେ ପ୍ରଚଣ୍ଡ ଧ୍ୱଂସ ଘଟିବାର ସମ୍ଭାବନା ରହିଛି । ଇରାନରେ ବିଦ୍ରୋହ ଖାମେନିଙ୍କ ୩୬ ବର୍ଷର ଶାସନକୁ ଜାଳିପୋଡ଼ି ପାଉଁଶ କରିପାରେ । ଟ୍ରମ୍ପ ସାମରିକ ଶକ୍ତି ବ୍ୟବହାର କରି ଖାମେନିଙ୍କୁ ହଟାଇବା ପାଇଁ ପ୍ରସ୍ତୁତ ହେଉଛନ୍ତି ।

ଇରାନର ପ୍ରାୟ ସମସ୍ତ ପ୍ରମୁଖ ସହରରେ ବିଦ୍ରୋହର ନିଆଁ ଜଳୁଛି । ୩୦ଟି ପ୍ରଦେଶକୁ ପ୍ରତିବାଦର ନିଆଁ ବ୍ୟାପିଛି । ପ୍ରାୟ ୧୧୦ଟି ସହର ଖାମେନି ଶାସନ ବିରୋଧରେ ହିଂସାରେ ଲିପ୍ତ । ୧୦ଟି ସରକାରୀ କୋଠାରେ ନିଆଁ ଲଗାଇ ଦେଇଛନ୍ତି ଆନ୍ଦୋଳନକାରୀ । ଦୁଇଟି IRGC ଶିବିର ପୋଡ଼ି ଦିଆଯାଇଛି । ପ୍ରାୟ ୨୫ଟି ମସଜିଦ ପୋଡ଼ି ଦେଇଛନ୍ତି । ୨୬ଟି ବ୍ୟାଙ୍କ ଲୁଟ କରିଛନ୍ତି ଆନ୍ଦୋଳନକାରୀ ।

ସେପଟେ ଇରାନରେ ମୃତ୍ୟୁ ସଂଖ୍ୟା ୫୧ରେ ପହଞ୍ଚିଛି । ସେହିପରି ୨୧୭ ଜଣ ବିକ୍ଷୋଭକାରୀ ହସ୍ପିଟାଲରେ ଭର୍ତ୍ତି ହୋଇଛନ୍ତି । ଯଦି ସେମାନଙ୍କର ମୃତ୍ୟୁ ହୁଏ, ତେବେ ଇରାନରେ ମୃତ୍ୟୁ ସଂଖ୍ୟା ୨୦୦ ଟପିପାରେ । ଖାମେନିଙ୍କ ସୈନିକମାନେ ଆନ୍ଦୋଳନକାରୀଙ୍କୁ ନିୟନ୍ତ୍ରଣ କରିବାରେ ଅସମର୍ଥ ।
ଅନ୍ୟପଟେ ଆମେରିକା ବାୟୁସେନା ଇରବିଲ ଏୟାରବେସରେ ମୁତୟନ ବଢାଇଛି । ନୂତନ ଅସ୍ତ୍ରଶସ୍ତ୍ର ବହନ କରୁଥିବା ଏକ C-17 ଗ୍ଲୋବମାଷ୍ଟର କାତାରର ଆମେରିକା ଅଲ ଉଦେଇଦ ବାୟୁସେନା ଘାଟିରେ ଅବତରଣ କରିଛି । ଆମେରିକୀୟ KC-135 ଇନ୍ଧନ ଭର୍ତ୍ତି ବିମାନ ପାରସ୍ୟ ଉପସାଗର ଉପରେ ଉଡ଼ୁଥିବାର ଦେଖିବାକୁ ମିଳିଛି । ଆମେରିକା ଇରାନ ଉପରେ କଠୋର ଘେରାବନ୍ଦୀ ଲଗାଇଛି । ଇରାନ ଏବଂ ଇରାକ ମଧ୍ୟରେ ଥିବା କୁର୍ଦିସ୍ତାନ ସୀମାରେ ଆମେରିକାର ଡେଲଟା ଫୋର୍ସର ସୈନିକମାନେ ମୁତୟନ ଅଛନ୍ତି । ଏମାନେ ସେହି ସୈନିକ ଯେଉଁମାନେ ଭେନେଜୁଏଲାରେ ମାଦୁରୋଙ୍କୁ ଅପହରଣ କରିଥିଲେ ।