ଫିଲିପାଇନ୍ସ ମିଣ୍ଡାନାଓରେ ଭୟଙ୍କର ଭୂମିକମ୍ପ । ରିକ୍ଟର ସ୍କେଲରେ ଏହାର ତୀବ୍ରତା ୭.୫ ଥିବା ପ୍ରକାଶ ପାଇଛି । ଭୂମିକମ୍ପର କେନ୍ଦ୍ର ପାଖାପାଖି ୨୦ କିଲୋମିଟର ଗଭୀର ରହିଥିଲା । ତେବେ ଭୂକମ୍ପ ପରେ ଭୂକମ୍ପ ବିଜ୍ଞାନ ସଂସ୍ଥା ପକ୍ଷରୁ ସୁନାମୀ ଆଲର୍ଟ କରାଯାଇଛି । ସମୁଦର କୁଳରେ ରହୁଥିବା ଲୋକଙ୍କୁ ସୁରକ୍ଷିତ ସ୍ଥାନକୁ ଯିବାପାଇଁ ପରାମର୍ଶ ଦିଆଯାଇଛି ।

ଏହି ଭୂମିକମ୍ପର ମାତ୍ରା ଏତେ ତୀବ୍ର ଥିଲା ଯେ, ଅନେକ ଦେଶରେ ଏହାଯୋଗୁ ସୁନାମୀ ଆସିପାରେ ବୋଲି କୁହାଯାଉଛି । ଆମେରିକା ସୁନାମୀ ଚେତାବନୀ ପ୍ରଣାଳୀ ପକ୍ଷରୁ ସୂଚନା ମିଳିଛି ଯେ, ଭୂମିକମ୍ପର କେନ୍ଦ୍ରଠାରୁ ୩୦୦ କିଲୋମିଟର ମଧ୍ୟରେ ଭୟଙ୍କର ଲହଡି ଆସିବାର ସମ୍ଭାବନା ରହିଛି ।

BREAKING: A powerful 7.2-magnitude #earthquake has
struck the southern Philippine island of #Mindanao,
causing widespread panic among residents.#Tsunami #philipines pic.twitter.com/K4tLHk0OlJ
— NE. WATCH (@updates9696) October 10, 2025

ଏପର୍ଯ୍ୟନ୍ତ କୌଣସି ବଡ କ୍ଷତି ହୋଇନଥିବାର ସୂଚନା ମିଳିଛି । କିନ୍ତୁ ଭୂମିକମ୍ପର ତୀବ୍ରତା ଲୋକେ ଭୟବୀତ ହୋଇ ଘରୁ ବାହାରି ଯାଇଥିଲେ । ହେଲେ ଏପର୍ଯ୍ୟନ୍ତ ମୃତକ ତଥା ଆହତଙ୍କ ସଂଖ୍ୟା ସ୍ପଷ୍ଟ କରାଯାଇନାହିଁ । ତେବେ ଏହି ମିଣ୍ଡାନାଓ ଅଞ୍ଚଳ ଭୂକମ୍ପ ପାଇଁ ଅତ୍ୟନ୍ତ ସକ୍ରିୟ କ୍ଷେତ୍ର ବୋଲି କୁହାଯାଉଛି । ତେବେ ଭୂକମ୍ପ ନେଇ ଫିଲିପାଇନ୍ସର ରାଷ୍ଟ୍ରପତି କହିଛନ୍ତି, ଏହି ଅଞ୍ଚଳ ତଥା ଆଗାମୀ ପରିସ୍ଥିତି ଉପରେ କଡା ନଜର ରଖାଯାଇଛି ।

ଶକ୍ତିଶାଳୀ ଭୂକମ୍ପରେ ଫିଲିପାଇନ୍ସ ଉପରେ ପ୍ରଭାବ

ଫିଲିପାଇନ୍ସ ଭୂମିକମ୍ପ ପାଇଁ ଏକ ସକ୍ରିୟ କ୍ଷେତ୍ର । ଯେଉଁଠାରେ ଫିଲିପାଇନ୍ସ ସମୁଦ୍ର ପ୍ଲେଟ୍ ଏବଂ ୟୁରେସିଆନ୍ ପ୍ଲେଟ୍ ଭଳି ଅନେକ ଟେକ୍ଟୋନିକ୍ ପ୍ଲେଟ୍ ପରସ୍ପର ସଂସ୍ପର୍ଶରେ ଆସି ଧକ୍କା ଖାଏ। ଏହି ଧକ୍କା କାରଣରୁ ମାଟି ଭିତରେ ଶକ୍ତିଶାଳୀ ଭୂମିକମ୍ପ ସୃଷ୍ଟି ହୁଏ । ସୂଚନା ମୁତାବକ ଏହି ସ୍ଥାନରେ ପ୍ରତ୍ୟେକ ବର୍ଷ ୮୦୦ରୁ ଅଧିକ ଭୂମିକମ୍ପ ଆସିଥାଏ ।

Construction worker captures the M7.4 earthquake that hit the Philippines...😱

📍 Davao City pic.twitter.com/ToH8a0rPRo
— Volcaholic 🌋 (@volcaholic1) October 10, 2025

୭.୫ ତୀବ୍ରତାର ଭୂମିକମ୍ପ ଅତ୍ୟନ୍ତ ଶକ୍ତିଶାଳୀ ଅଟେ । ଏହା ଦ୍ଵାରା ଅନେକ କିଛି କ୍ଷତିଗ୍ରସ୍ତ ହେବାର ସମ୍ଭାବନା ଥାଏ । ହେଲେ ଏବେଯାଏଁ କ୍ଷତିଗ୍ରସ୍ତ ନେଇ କୌଣସି ସୂଚନା ପ୍ରକାଶ ପାଇନାହିଁ । ତେବେ ଏହି ତୀବ୍ରତାରେ ଭୂମିକମ୍ପର କେନ୍ଦ୍ର ସମୁଦ୍ର ମଧ୍ୟରେ ଥାଏ । ଏହାଯୋଗୁଁ ସୁନାମୀର ଭୟ ଥିବା କୁହାଯାଉଛି । ଯାହାର ପ୍ରଭାବ ତଳିଆ ଅଞ୍ଚଳ ଗୁଡିକରେ ରହିବ । ଏଥିରେ ଅନେକ କିଛି କ୍ଷତି ହେବାର ସମ୍ଭାବନା ରହିଛି ।

ଅଧିକ ପଢନ୍ତୁ : ପାଖେଇ ଆସୁଛି ଦୀପାବଳି ଓ ଧନତେରସ୍‍, ବିଶ୍ଵ ବଜାରରେ ରେକର୍ଡ ଭାଙ୍ଗୁଛି ସୁନା ରେଟ୍

Argus News | argus news | Odisha Latest News, Breaking News, Trending News, Live TV