ଗ୍ରାହକଙ୍କ ଚିନ୍ତା ବଢାଉଛି ସୁନାଦର । ପାଖେଇ ଆସିଲାଣି ଦୀପାବଳି ଓ ଧନତେରସ। ହେଲେ ଚିନ୍ତାରେ ପଡ଼ିଛନ୍ତି ଲୋକେ। ଦିନକୁ ଦିନ ନୂଆ ରେକର୍ଡ ଭାଙ୍ଗୁଛି ସୁନା ରେଟ୍ । ଘରୋଇ ଓ ବିଶ୍ବ ବଜାରରେ ସୁନା ଓ ରୂପା ରେଟ୍ ଲକ୍ଷେ ପାର୍ କରି ସାରିଲାଣୀ । ଆଜି ଅକ୍ଟୋବର ୧୦ରେ ଭୁବନେଶ୍ଵର ବଜାରରେ ୧୦ ଗ୍ରାମର ୨୪ କ୍ୟାରେଟ୍ ସୁନା ଦର ୧ ଲକ୍ଷ ୨୪ ହଜାର ୧୬୦ ଟଙ୍କା ରହିଥିବା ବେଳେ ୨୨ କ୍ୟାରେଟ୍ ସୁନା ୧ ଲକ୍ଷ ୧୩ ହଜାର ୮୧୦ ଟଙ୍କା ରହିଛି । ସେହିପରି ଗତକାଲି ଭୁବନେଶ୍ଵରରେ ୧୦ ଗ୍ରାମର ୨୪ କ୍ୟାରେଟ୍ ସୁନା ଦର ୧ଲକ୍ଷ ୨୪ ହଜାର ୨୦ ଟଙ୍କା ରହିଥିବା ବେଳେ ୨୨ କ୍ୟାରେଟ୍‌ ସୁନାର ମୂଲ୍ୟ ଆଜି ୧୦ ଗ୍ରାମ ପିଛା ୧ ଲକ୍ଷ ୧୩ ହଜାର ୮୦୦ ଟଙ୍କା ରହିଥିଲା ।

ଖାଲି ସୁନା ନୁହେଁ ରୂପା ଦର ମଧ୍ୟ ଆକାଶଛୁଆଁ ହୋଇଛି ୧ ଗ୍ରାମକୁ ୧୭୧ ଟଙ୍କା ରେ ପହଞ୍ଚିଛି । ଅନ୍ୟପଟେ ଆଗକୁ ଦୀପାବଳି ଓ ଧନତେରାସ ଥିବାରୁ ମାଲାବାର ଗୋଲ୍ଡ ଆଣ୍ଡ ଜୁଏଲାର୍ସ ଗ୍ରାହକଙ୍କ ପାଇଁ ଅଫର୍ ପ୍ରଦାନ କରୁଥିବା ବେଳେ ଦରରେ ଅହେତୁକ ବୃଦ୍ଧି ଗ୍ରାହକ ଙ୍କ ଉପରେ ପ୍ରଭାବ ପକାଇଛି । ଗ୍ରାହକଙ୍କ କହିବା ମୁତାବକ ବିବାହ, ବ୍ରତଘର ଆସିଲେ ବିଧି ରକ୍ଷା ପାଇଁ ସୁନା କିଣିବାକୁ ପଡେ । କିନ୍ତୁ ଅଚାନକ ଏହି ଦର ବୃଦ୍ଧି ପକେଟ କୁ ବାଧିବା ସହ ଆବଶ୍ୟକତା ପାଇଁ ବାଧ୍ୟ ହୋଇ ଏହି ଦର ରେ ସୁନା କିଣିବାକୁ ପଡୁଛି ବୋଲି ।

ଅଧିକ ପଢନ୍ତୁ : ଡରାଉଛି ସୁନା, ୨୨ କ୍ୟାରେଟ୍‌ ସୁନା ୧୦ ଗ୍ରାମକୁ ଲକ୍ଷେ ୨୪ ହଜାର

ଚଳିତ ସପ୍ତାହର ସୋମବାର ୨୨ କ୍ୟାରେଟ୍‌ ସୁନା ଦର ୧୨୫୦ ଟଙ୍କା, ମଙ୍ଗଳବାର ୧୧୫୦ ଟଙ୍କା ଓ ବୁଧବାର ୧୭୫୦ ଟଙ୍କା ବଢ଼ିଛି। ସେହି ସମୟରେ ୨୪ କ୍ୟାରେଟ୍ ସୁନା ଦର ଏହି ତିନି ଦିନରେ ଯଥାକ୍ରମେ ୧୩୭୦ ଟଙ୍କା, ୧୨୫୦ ଟଙ୍କା ଓ ୧୯୧୦ ଟଙ୍କା ବୃଦ୍ଧି ପାଇଛି। ତିନି ଦିନରେ ୨୨ କ୍ୟାରେଟ୍‌ ସୁନା ଦର ୪୫୦୦ ଟଙ୍କା ଓ ୨୪ କ୍ୟାରେଟ୍‌ ସୁନା ଦାମ୍ ୪୫୩୦ ଟଙ୍କା ବଢ଼ିଛି। ଅନ୍ତର୍ଜାତୀୟ ବଜାରରେ ସୁନାର ଆଉନ୍ସ ପିଛା ଦାମ୍ ୪୦୦୦ ଡଲାରରୁ ଅଧିକ ହେବା ଏବଂ ଆମେରିକୀୟ ଡଲାର ତୁଳନାରେ ଟଙ୍କା ଦୁର୍ବଳ ରହୁଥିବାରୁ ସୁନା ଓ ରୁପା ମହଙ୍ଗା ହେଉଛି।

କେବଳ ଓଡ଼ିଶା ନୁହେଁ ସାରା ବିଶ୍ବରେ ସୁନା ଦର ବଢ଼ୁଛି। ୨୦୨୫ରେ ବର୍ତ୍ତମାନ ସୁଦ୍ଧା ସୁନା ମୂଲ୍ୟ ୫୬ ପ୍ରତିଶତ ଓ ରୁପା ଦରରେ ୬୯ ପ୍ରତିଶତର ବୃଦ୍ଧି ହୋଇଛି। ଗୋଟିଏ ପଟେ ନିବେଶକମାନଙ୍କ ଲାଗି ଏହି ଦୁଇ ଧାତୁ ବେଶ୍ ଆକର୍ଷଣୀୟ ହୋଇଥିବା ବେଳେ ଗହଣା ବିକ୍ରେତା ଓ ଗ୍ରାହକମାନଙ୍କ ପାଇଁ ଏହାର ଦର ଚିନ୍ତାର କାରଣ ପାଲଟିଛି। ଏଭଳି ଚଢ଼ା ଦରରେ ଗହଣା କିଣିବା ଅନେକ ଗ୍ରାହକଙ୍କ ପାଇଁ କଷ୍ଟକର ହୋଇପଡ଼ିଛି।