ଅର୍ଗସ ବ୍ୟୁରୋ : ମାରିଆ ବ୍ରାନ୍ୟାସ । ଦୂନିଆର ସବୁଠୁ ବୟସ୍କା ବୃଦ୍ଧ ମହିଳା ଭାବେ ସେ ପରିଚିତ ଥିଲେ । ତେବେ ୧୧୭ ବର୍ଷ ବୟସରେ ତାଙ୍କର ମୃତ୍ୟୁ ଘଟିଛି । ସେ ଆମେରିକାର ବଂଶୋଦ୍ଭବ ଥିଲେ । ହେଲେ ସ୍ପେନରେ ରହୁଥିଲେ । ସବୁଠାରୁ ଫିଟ୍ ତଥା ସୁସ୍ଥ ଥିବା ମହିଳା ଭାବେ ସେ ବେଶ ପରିଚିତ ଥିଲେ । ତେବେ ବୁଠୁ ବଡ କଥା ହେଉଛି ସେ ମୃତ୍ୟୁ ବେଳ ମଧ୍ୟ କୌଣସି ରୋଗରେ ପଡିନଥିଲେ କି ଅସୁସ୍ଥ ହୋଇନଥିଲେ । ତେବେ ତାଙ୍କର ମୃତ୍ୟୁ ହୋଇଥିବା ତାଙ୍କର ପରିବାର ଲୋକେ ଏକ୍ସ ହ୍ୟାଣ୍ଡଲରେ ଜଣାଇଛନ୍ତି ।

ସେ ଲେଖିଛନ୍ତି, ମାରିଆ ଯେମିତି ଚାହୁଁଥିଲେ ସେମିତି ତାଙ୍କର ମୃତ୍ୟୁ ହୋଇଛି । ବିନା କଷ୍ଟରେ, ବିନା ଯନ୍ତ୍ରଣାରେ ସେ ଚିର ନିଦ୍ରାରେ ଶୋଇ ଯାଇଛନ୍ତି । ଏବଂ କିଛିଦିନ ତଳେ ସେ କହିଥିଲେ, ଗୋଟେ ଦିନ ଏମିତି ଆସିବ, ଯେତେବେଳେ ଏ ଲମ୍ବା ଯାତ୍ରା ସମାପ୍ତ ହେଇଯିବ । ମୁଁ ଚାହେଁ, ମୃତ୍ୟୁ ସମୟରେ ମଧ୍ୟ ମୁଁ ହସୁଥାଏ, ଏବଂ ଶାନ୍ତିର ମୃତ୍ୟୁ ପାଏ । ଏବଂ ମୋର ମୃତ୍ୟୁ ପରେ କେହି ବି କାନ୍ଦିବନି, କି ମନଦୁଃଖ କରିବନି । କାରଣ ମୁଁ ନିଜେ ଖୁସି ରହିବାକୁ ଭଲପାଏ, ଏବଂ ମୁଁ ଯେଉଁଠି ରହିବି, ଖୁସି ରହିବି ।

ଅଧିକ ପଢନ୍ତୁ : ୩୯ ବର୍ଷରେ ୧୦୦ ପିଲାର ବାପା ପାଭେଲ ଡ୍ୟୁରୋଭ

୧୯୦୭ ମାର୍ଚ୍ଚ ୪ରେ ଜନ୍ମଗ୍ରହଣ କରିଥିଲେ ମାରିଆ । ଆମେରିକାରେ ଜନ୍ମଗ୍ରହଣ କରିଥିବା ମାରିଆ ପରେ ଫ୍ରାନ୍ସ ଚାଲି ଆସିଥିଲେ । ସେଠାରେ ରହିବା ପରେ ତାଙ୍କୁ ଦୁଇଟି ବିଶ୍ବଯୁଦ୍ଧର ସାମ୍ନା କରିବାକୁ ପଡିଥିଲା । ଯଦିଓ ସେ ସେହି ବିଶ୍ବଯୁଦ୍ଧରୁ ବଞ୍ଚି ଯାଇଥିଲେ , ପରେ ତାଙ୍କୁ ସ୍ପାନିଶ ସିଭିଲ ୱାରର ଭୟାବହତା ସାମ୍ନା କରିବାକୁ ପଡିଥିଲା । ପରେ ପୁଣି ସେ କୋଭିଡ ୧୯ ଭଳି ମହାମାରୀର ସାମ୍ନା କରିଥିଲେ ଏବଂ କିଛି ସପ୍ତାହ ଯାଏଁ ସେହି ଭାଇରସର ରୋଗରେ ମଧ୍ୟ ପୀଡିତ ଥିଲେ । ହେଲେ ପୁଣି ବଞ୍ଚି ଯାଇଥିଲେ ସାହାସୀ ମାରିଆ । ଜୀବନର ଶେଷଯାଏଁ ସେ ଖୁବ ଖୁସି ରହୁଥିଲେ । କେବେ ବି ନିଜ ଉପରେ ସେ ପ୍ରେସର ଦିଅନ୍ତିନି । ଏବଂ ଟକ୍ସିକ ଲୋକଙ୍କ ଠାରୁ ଦୂରେଇ ରୁହନ୍ତି ବୋଲି ସେ କୁହନ୍ତି । ତେବେ ତାଙ୍କ ପରିବାରର ଅନେକ ସଦସ୍ୟ ୯୦ ବର୍ଷରୁ ଅଧିକ ବୟସର ହୋଇଥିବାରୁ ଏହ ପଛର କାରଣ ଜେନେଟିକ୍ ବୋଲି ମଧ୍ୟ ସେ କହନ୍ତି। ଜାନୁଆରି ୨୦୨୩ ପରଠାରୁ ମାରିଆ ସବୁଠାରୁ ବୟସ୍କ ବ୍ୟକ୍ତି ଭାବେ ଗିନିଜ୍ ୱାର୍ଲ୍ଡ ରେକର୍ଡ କରିଛନ୍ତି।

Argus News | argus news | -Argusnews Home: Odisha Latest News, Breaking News, Trending News, Live TV and more