ହର୍ମୁଜରୁ ତୃତୀୟ ବିଶ୍ୱଯୁଦ୍ଧର ରଣହୁଙ୍କାର ! ହର୍ମୁଜ ପ୍ରଣାଳୀରେ ଆରମ୍ଭ ହୋଇଥିବା ସଂଘର୍ଷରେ ଆସିଛି ଏକ ଭୟାନକ ମୋଡ଼ । ଏହି ବିବାଦ ଏବେ କେବଳ ଦୁଇଟି ଦେଶ ମଧ୍ୟରେ ସୀମିତ ନାହିଁ । ଇଟାଲୀ, ଜର୍ମାନୀ ଏବଂ ଫ୍ରାନ୍ସ ଭଳି ୟୁରୋପୀୟ ମହାଶକ୍ତିମାନେ ବର୍ତ୍ତମାନ ହର୍ମୁଜ ରଣକ୍ଷେତ୍ରକୁ ଓହ୍ଲାଇବାକୁ ସଜବାଜ ହେଲେଣି । ଆରମ୍ଭ ହେଲା କି ବିଶ୍ୱଯୁଦ୍ଧ ?

ହର୍ମୁଜ ପ୍ରଣାଳୀରେ ଆରମ୍ଭ ହୋଇଥିବା ସଂଘର୍ଷରେ ଆସିଛି ଏକ ଭୟାନକ ମୋଡ଼ । ଏହି ବିବାଦ ଏବେ କେବଳ ଦୁଇଟି ଦେଶ ମଧ୍ୟରେ ସୀମିତ ନାହିଁ । ଇଟାଲୀ, ଜର୍ମାନୀ ଏବଂ ଫ୍ରାନ୍ସ ଭଳି ୟୁରୋପୀୟ ମହାଶକ୍ତିମାନେ ବର୍ତ୍ତମାନ ହର୍ମୁଜ ରଣକ୍ଷେତ୍ରକୁ ଓହ୍ଲାଇବାକୁ ସଜବାଜ ହେଲେଣି । ପୂର୍ବରୁ ଟ୍ରମ୍ପଙ୍କୁ ଇରାନ ବିପକ୍ଷରେ ସହଯୋଗ କରିବାକୁ ମନା କରୁଥିବା ଦେଶ, ହର୍ମୁଜ ପ୍ରଣାଳୀର ସୁରକ୍ଷା ପାଇଁ ଯୁଦ୍ଧବିରତିର ସର୍ତ୍ତ ରଖିଛନ୍ତି ।

ଏହି ବଦଳୁଥିବା ସମୀକରଣ ସ୍ପଷ୍ଟ କରୁଛି ଯେ, ୟୁରୋପ ଏବେ ଆଉ କେବଳ ଦର୍ଶକ ହୋଇ ରହିବାକୁ ଚାହୁଁନାହିଁ, ବରଂ ନିଜର ଆର୍ଥିକ ସ୍ୱାର୍ଥ ରକ୍ଷା ପାଇଁ ଯୁଦ୍ଧର ନିଆଁକୁ ଆମନ୍ତ୍ରଣ କରୁଛି । ୟୁରୋପୀୟ ଶକ୍ତିଙ୍କ ଏହି ରଣହୁଙ୍କାର ପରୋକ୍ଷରେ ତୃତୀୟ ବିଶ୍ୱଯୁଦ୍ଧର ଏକ ଶକ୍ତିଶାଳୀ ମୂଳଦୁଆ ପକାଇଛି । ଯଦି ସିଜଫାୟାର ସର୍ତ୍ତ ପୂରଣ ନହୁଏ, ତେବେ NATO ବାହିନୀର ପ୍ରତ୍ୟକ୍ଷ ସାମରିକ ହସ୍ତକ୍ଷେପ ହର୍ମୁଜ ପ୍ରଣାଳୀକୁ ଏକ ରକ୍ତରଞ୍ଜିତ କରିବ । ସେପଟେ ଇରାନର ପରମାଣୁ ଅଭିଳାଷକୁ କୌଣସି ପରିସ୍ଥିତିରେ ବରଦାସ୍ତ କରାଯିବ ନାହିଁ । ଇରାନକୁ ପରମାଣୁ ଶକ୍ତି ସମ୍ପନ୍ନ ଦେଶ ହେବାରୁ ରୋକିବା ପାଇଁ ଆମେରିକା ଯେକୌଣସି ସୀମାକୁ ଯାଇପାରେ ବୋଲି ହୁଙ୍କାର ଦେଇଛନ୍ତି ଟ୍ରମ୍ପ ।

ପଶ୍ଚିମ ଏସିଆରେ ସଂଘର୍ଷ ଶେଷ ହେବା ବଦଳରେ ଆହୁରି ଲମ୍ବୁଛି । ଇରାନ ସହ ସଂଘର୍ଷ ପାଇଁ ଆମେରିକା ଏବେ ୨୦୦ ବିଲିୟନ ଡଲାରର ଏକ ବିଶାଳ ପାଣ୍ଠି ଦାବି କରି ମହାସମରର ପ୍ରସ୍ତୁତି ଆରମ୍ଭ କରିଦେଇଛି । ପ୍ରତିରକ୍ଷା ସଚିବ ପିଟ୍ ହେଗସେଥ୍‌ଙ୍କର ସେହି ଗୋଟିଏ ଧାଡ଼ି—"ଖରାପ ଲୋକଙ୍କୁ ମାରିବା ପାଇଁ ଟଙ୍କା ଦରକାର"—ସ୍ପଷ୍ଟ କରୁଛି ଯେ ଆମେରିକା ଏବେ ଆଉ ଆଲୋଚନା ମୁଡ୍‌ରେ ନାହିଁ । ଯଦିଓ ରାଷ୍ଟ୍ରପତି ଟ୍ରମ୍ପ ସୈନ୍ୟ ନ ପଠାଇବାକୁ କହୁଛନ୍ତି, କିନ୍ତୁ ଆମେରିକାର ଏହି ବିଶାଳ ଆର୍ଥିକ ନିବେଶ ହିଁ ତୃତୀୟ ବିଶ୍ୱଯୁଦ୍ଧର ସବୁଠାରୁ ବଡ଼ ସଙ୍କେତ ।

ଏହାରି ଭିତରେ ଆମେରିକାର ସବୁଠାରୁ ଶକ୍ତିଶାଳୀ ଏବଂ ଅତ୍ୟାଧୁନିକ F-35 ଫାଇଟର ଜେଟ୍‌କୁ ଧ୍ୱଂସ କରିଦେଇଥିବା ଦାବି କରିଛି ଇରାନ । ପଞ୍ଚମ ପିଢ଼ିର ଏହି ଅଦୃଶ୍ୟ ଘାତକ ବିମାନକୁ ଇରାନ କିଭଳି ମାତ୍ ଦେଲା, ତାହା ଏବେ ପାଶ୍ଚାତ୍ୟ ଦେଶଗୁଡ଼ିକ ପାଇଁ ସବୁଠାରୁ ବଡ଼ ଚିନ୍ତାର ବିଷୟ । F-35 ଫାଇଟର ଜେଟ୍‌ ଧ୍ବଂସ ହେବା କେବଳ ଆମେରିକାର ଗର୍ବ ଚୂରମାର୍ କରିନାହିଁ, ବରଂ ପ୍ରମାଣ କରିଛି ଯେ ଇରାନ ଏବେ ମହାସମର ପାଇଁ ସମ୍ପୂର୍ଣ୍ଣ ପ୍ରସ୍ତୁତ । ଆମେରିକାର ସର୍ବଶ୍ରେଷ୍ଠ ଯୁଦ୍ଧବିମାନ ଉପରେ ଆକ୍ରମଣ କରି ଇରାନ ଏବେ ପଏଣ୍ଟ ଅଫ୍ ନୋ ରିଟର୍ଣ୍ଣରେ ପହଞ୍ଚିଛି । ଅର୍ଥାତ୍ ଏବେ ଆଉ ଆଲୋଚନା ନୁହେଁ, ବରଂ କେବଳ ଆକ୍ରମଣ ଓ ପ୍ରତି-ଆକ୍ରମଣର ଖେଳ ଚାଲିବ ।

ସେପଟେ ଯଦି ଇଟାଲୀ, ଜର୍ମାନୀ, ଫ୍ରାନ୍ସ ଏବଂ NATO ବାହିନୀ ଯୁଦ୍ଧ ନିଆଁରେ ପ୍ରବେଶ କରନ୍ତି ତେବେ ଇନ୍ଧନ ଓ ଅର୍ଥନୀତି ପାଇଁ ଆରମ୍ଭ ହୋଇଥିବା ଏହି ଲଢ଼େଇ ଏବେ ତୃତୀୟ ବିଶ୍ୱଯୁଦ୍ଧର ରୂପ ନେବା ନିଶ୍ଚିତ ।

ଏଥିସହ ପଢ଼ନ୍ତୁ: ଗୋଟିଏ ଦିନରେ ଇସ୍ରାଏଲର ଡବଲ୍ ଆକ୍ରମଣ, ଇରାନର ୨ ବଡ଼ କମାଣ୍ଡର ମୃତ