ରୁଷିଆରେ ଯୁକ୍ରେନର ଡ୍ରୋନ ହମଲା । ଏହି ଆକ୍ରମଣରେ ଓଡ଼ିଆ ଯୁବକଙ୍କ ମୃତ୍ୟୁ ହୋଇଥିବା ଜଣାପଡ଼ିଛି। ମୃତକ ହେଲେ ଗଞ୍ଜାମ ଜିଲ୍ଲା ଚିକିଟି ବ୍ଲକ ମାଧବନ୍ଧ ଗାଁର ଏ .ରାମାୟା। ରୁଷିଆର ଏକ କମ୍ପାନୀରେ କାମ କରନ୍ତି ରାମାୟା। ହଠାତ୍‌ ହୋଇଥିଲା ଡ୍ରୋନ୍‌ ଆଟାକ୍‌। ଆଉ ଚାଲିଯାଇଥିଲା ଓଡ଼ିଆ ପୁଅଙ୍କ ଜୀବନ। ସେପଟେ ଘଟଣା ସମ୍ପର୍କରେ ଶୁଣିବା ପରେ ରାମାୟାଙ୍କ ପରିବାର ଲୋକେ ଦୁଃଖରେ ଭାଙ୍ଗିପଡିଛନ୍ତି। ଏହାସହ ଗଞ୍ଜାମ ଜିଲ୍ଲାପାଳଙ୍କୁ ଭେଟି ଶବ ଆଣିବା ପଦକ୍ଷେପ ନେବା ପାଇଁ ଅନୁରୋଧ କରିଛନ୍ତି। କେବଳ ଯେ ମୃତ ରାମାୟାଙ୍କ ପରିବାର ନୁହଁନ୍ତି ଏଘଟା ସ୍ଥାନୀୟ ଅଞ୍ଚଳରେ ଦୁଃଖର ଛାଇ ଖେଳିଯାଇଛି। ପେଟପାଟଣା ପାଇଁ ବିଦେଶରେ ରହି କାମ କରୁଥିବା ରାମାୟାଙ୍କ ଜୀବନ ଆଉ ନାହିଁ।

ରବିବାର ଦିନ ୟୁକ୍ରେନ ଋଷ ଉପରେ ସବୁଠାରୁ ବଡ ଡ୍ରୋନ ଆକ୍ରମଣ କରିଥିବାରୁ ଚାରି ଜଣଙ୍କ ମୃତ୍ୟୁ ହୋଇଥିବା ବେଳେ ଜଣେ ଭାରତୀୟ ଶ୍ରମିକ ମଧ୍ୟ ପ୍ରାଣ ହରାଇଛନ୍ତି ବୋଲି ଭାରତୀୟ ଦୂତାବାସ କହିଛି।''ଡ୍ରୋନ୍ ଆକ୍ରମଣରେ ଜଣେ ଭାରତୀୟ ଶ୍ରମିକଙ୍କ ମୃତ୍ୟୁ ହୋଇଥିବା ବେଳେ, ମସ୍କୋରେ ହୋଇଥିବା ଆକ୍ରମଣରେ ଅନ୍ୟ ତିନି ଜଣ ଆହତ ହୋଇଛନ୍ତି। ରାତିସାରା ହୋଇଥିଲା ଡ୍ରୋନ୍ ଆକ୍ରମଣ।"ମସ୍କୋ ଅଞ୍ଚଳରେ ହୋଇଥିବା ଏକ ଡ୍ରୋନ୍ ଆକ୍ରମଣରେ ଜଣେ ଓଡ଼ିଆ ଶ୍ରମିକ ପ୍ରାଣ ହରାଇଛନ୍ତି ଏବଂ ଅନ୍ୟ ତିନି ଜଣ ଆହତ ହୋଇଛନ୍ତି। ଦୂତାବାସ ଅଧିକାରୀମାନେ ଘଟଣାସ୍ଥଳ ପରିଦର୍ଶନ କରିଛନ୍ତି ଏବଂ ହସ୍ପିଟାଲରେ ଆହତ ଶ୍ରମିକମାନଙ୍କୁ ଭେଟିଛନ୍ତି," ବୋଲି ସୂଚନା ରହିଛି।" ଦୂତାବାସ ଶୋକ ପ୍ରକାଶ କରିବା ସହ ମୃତ ଶ୍ରମିକମାନଙ୍କୁ ଆବଶ୍ୟକ ସହାୟତା ଯୋଗାଇବା ପାଇଁ କମ୍ପାନୀ ପରିଚାଳନା ଏବଂ ସ୍ଥାନୀୟ କର୍ତ୍ତୃପକ୍ଷଙ୍କ ସହ କାମ କରୁଛି,"।

ଏଥିସହ ପଢ଼ନ୍ତୁ: ଆମେରିକା ଏୟାର ଶୋ’ରେ ଅଘଟଣ, ଦୁଇଟି ଫାଇଟର ଜେଟ୍‌ ମଧ୍ୟରେ ମୁହାଁମୁହିଁ ଧକ୍କା

ସ୍ଥାନୀୟ କର୍ତ୍ତୃପକ୍ଷଙ୍କ ଅନୁଯାୟୀ ୟୁକ୍ରେନ ଆକ୍ରମଣରେ ଅତି କମରେ ଚାରି ଜଣଙ୍କର ମୃତ୍ୟୁ ହୋଇଥିଲା ଏବଂ ପ୍ରାୟ ୧୨ ଜଣ ଆହତ ହୋଇଥିଲେ। ୟୁକ୍ରେନ ରାଷ୍ଟ୍ରପତି ଭୋଲୋଡିମିର ଜେଲେନ୍ସକି ଡ୍ରୋନ ଆକ୍ରମଣକୁ ନିଶ୍ଚିତ କରି କହିଛନ୍ତି ଯେ ଏହା "ସମ୍ପୂର୍ଣ୍ଣ ଭାବରେ ଯଥାର୍ଥ"।

One Indian worker has lost his life and three others have been injured in a drone attack in Moscow region earlier today. Embassy officials have visited the location and met the injured workers in the hospital.

The Embassy condoles the loss of life and is working with the…

— India in Russia (@IndEmbMoscow) May 17, 2026

.ସବୁଠାରୁ ବଡ଼ ଆକ୍ରମଣ ମଧ୍ୟରୁ ଗୋଟିଏ:

ଯୁଦ୍ଧ ସମୟରେ ୟୁକ୍ରେନର ରାଜଧାନୀ ଏବଂ ଅନ୍ୟାନ୍ୟ ସହର ଉପରେ ରୁଷ ଦ୍ୱାରା କରାଯାଇଥିବା ଆକ୍ରମଣ ପରେ ରୁଷର ସର୍ବବୃହତ ବିମାନବନ୍ଦର ନିକଟରେ ଭଗ୍ନାବଶେଷ ପଡ଼ିଥିବା ମଧ୍ୟ ଦେଖିବାକୁ ମିଳିଛି। ମସ୍କୋରେ ତିନି ଜଣ ଲୋକ ପ୍ରାଣ ହରାଇଥିଲେ ମଧ୍ୟ, ଉତ୍ତର-ପୂର୍ବ ୟୁକ୍ରେନ ସୀମାନ୍ତ ବେଲଗୋରୋଡ ଅଞ୍ଚଳରେ ଚତୁର୍ଥ ବ୍ୟକ୍ତି ପ୍ରାଣ ହରାଇଛନ୍ତି। ଜେଲେନ୍ସକି କହିଛନ୍ତି ଯେ ଡ୍ରୋନଗୁଡ଼ିକ ୟୁକ୍ରେନୀୟ ଅଞ୍ଚଳରୁ 500 କିଲୋମିଟରରୁ ଅଧିକ ଦୂରରୁ ଉଡ଼ିଥିଲା ​​ଏବଂ ୟୁକ୍ରେନ ମସ୍କୋ ଏବଂ ଏହାର ଆଖପାଖରେ କେନ୍ଦ୍ରିତ ରୁଷୀୟ ବାୟୁ ପ୍ରତିରକ୍ଷା ପ୍ରଣାଳୀକୁ ନୋଟିସ୍‌ କରୁଛି। ଯୁଦ୍ଧ ସମାପ୍ତ କରିବାର ଏକ ସମାଧାନ ଖୋଜୁଥିବା ବେଳେ ୟୁକ୍ରେନ ବାରମ୍ୱାର ସପ୍ତାହଗୁଡ଼ିକରେ ରୁଷ ଭିତରେ ଥିବା ଲକ୍ଷ୍ୟସ୍ଥଳ ଉପରେ ଡ୍ରୋନ ଆକ୍ରମଣ ବୃଦ୍ଧି କରିବାରେ ଲାଗିଛି। ଏଥିରୁ ସ୍ପଷ୍ଟ ଯେ, ଏହି ଆକ୍ରମଣ କେବେ ଥମିବ ତାହା କଳ୍ପନା ବାହାରେ।

ଅଧିକ ପଢ଼ନ୍ତୁ ବିଦେଶ ଖବର: