Pakistan Emergency / ଜରୁରୀ ସ୍ଥିତି ଲଗାଇଲେ ଶେହବାଜ ସରିଫ୍; ଖୈବର ପଖତୁନୱା ମୁଖ୍ୟମନ୍ତ୍ରୀଙ୍କୁ ବାନ୍ଧିନେଲେ

ନୂଆଦିଲ୍ଲୀ: ପାକିସ୍ତାନରେ ରାଜନୈତିକ ସଂକଟ ଚରମରେ ପହଞ୍ଚିଛି । ଇମ୍ରାନ ଖାନଙ୍କ ମୁକ୍ତି ଦାବି କରି ହେଉଥିବା ବିରୋଧର ସାମ୍ନା କରି ନପାରି ଶେହବାଜ ସରିଫ୍‌ଙ୍କ ସରକାର ଗଣତନ୍ତ୍ରର ସ୍ଵରକୁ ଚପାଇବାକୁ ପ୍ରୟାସ କରିଛି ।

ଖୈବର ପଖତୁନୱାରେ ଚାଲିଥିବା ଲମ୍ବା ଟଣାଓଟାର ଭିତରେ ରବିବାର ଶେହବାଜଙ୍କ ସରକାର ବଡ଼ ନିଷ୍ପତ୍ତି ନେଇଛି । ସଂଘୀୟ ମନ୍ତ୍ରିମଣ୍ଡଳ ରାଷ୍ଟ୍ରପତି ଆସିଫ ଅଲୀ ଜରଦାରୀଙ୍କୁ ସମ୍ବିଧାନର ଅନୁଚ୍ଛେଦ ୨୩୨ ଓ ୨୩୪ ଲାଗୁ କରିବାକୁ ସୁପାରିସ୍ କରିଥିଲା । ସୁପାରିସକୁ ରାଷ୍ଟ୍ରପତି ଜରଦାରୀ ସ୍ଵୀକାର କରିଛନ୍ତି ।

ଏଥିସହ ପଢ଼ନ୍ତୁ: ରିୟାଦ ବିମାନବନ୍ଦରରେ ସାଉଦି ଆରବର ହୁଥି ଆକ୍ରମଣ: ଚାଲିଗଲା ୧୨ ଜୀବନ, ୩୦୦ ଆହତ 

ଯାହାପରେ ପାକିସ୍ତାନର ଅଧିକାରୀ ଉତ୍ତର ଖୈବର ପଖତୁନୱା ପ୍ରାନ୍ତରେ ଜରୁରୀକାଳୀନ ସ୍ଥିତି ଘୋଷଣା କରିଛନ୍ତି । ସୁରକ୍ଷା ସହ ଜଡ଼ିତ ଦୁଇ ଅନୁଚ୍ଛେଦର ଦ୍ଵାହି ଦେଇ ରବିବାର ଖୈବର ପଖତୁନୱାରେ ଜରୁରୀ ସ୍ଥିତି ଲାଗୁ କରାଯାଇଛି । ଏଥିସହ ଜେଲ୍‌ରେ ବନ୍ଦୀ ଥିବା ଇମ୍ରାନ ଖାନଙ୍କ ପ୍ରାନ୍ତୀୟ ସରକାର ନିଲମ୍ବିତ ହୋଇଛି ।

ପାକିସ୍ତାନ ରାଷ୍ଟ୍ରପତି ଆସିଫ୍ ଅଲୀ ଜରଦାରୀ ଏକ୍ସ ପୋଷ୍ଟରେ ଏହି ସୂଚନା ଦେଇଛନ୍ତି । ଶେହବାଜ ସରକାର ପକ୍ଷରୁ ଜାରି ବିବୃତ୍ତିରେ ଖୈବର ପଖତୁନୱା ସରକାର ଉପରେ ବଡ଼ ଅଭିଯୋଗ ଅଣାଯାଇଛି । କୁହାଯାଇଛି, "କ୍ୟାବିନେଟ୍ ସାଥି ସ୍ଥିତିର ସମୀକ୍ଷା କରିବାରୁ ଜଣାପଡ଼ିଛି ସେଠାକାର ସରକାର ଆତଙ୍କବାଦୀ ବିରୋଧୀ ଲଢ଼େଇରୁ ଜାଣିଶୁଣି ପଛଘୁଞ୍ଚା ଦେଉଛି ।"

ବଡ଼ କଥା ହେଉଛି ଇମ୍ରାନ ଖାନଙ୍କୁ ମୁକ୍ତ କରିବାକୁ ନଇ ପିଟିଆଇର ମାର୍ଚ୍ଚ ପୂର୍ବରୁ ଖୈବର ପଖତୁନୱାରେ ଏମରଜେନ୍ସି ଲାଗୁ କରାଯାଇଛି । ଶେହବାଜ ସରକାରଙ୍କ ଏହି ନିଷ୍ପତ୍ତିକୁ କେନ୍ଦ୍ର ଗୃହମନ୍ତ୍ରୀ ମୋହସିନ ନକଭୀ ଖୋଲାଖୋଲି ସମର୍ଥନ କରିଛନ୍ତି ।

ନକଭୀ କହିଛନ୍ତି, "ରାଜ୍ୟରେ ବିଗିଡ଼ି ପଡ଼ିଥିବା ଆଇନ୍ ବ୍ୟବସ୍ଥାକୁ ଦେଖି ଜରୁରୀ ସ୍ଥିତି ଛଡ଼ା ସରକାରଙ୍କ ନିକଟରେ ଅନ୍ୟ କୌଣସି ବିକଳ୍ପ ନଥିଲା ।" ଏପରିକି ୨୦୨୪ ମାର୍ଚ୍ଚ ପରେ ଆତଙ୍କବାଦୀ ଗତିବିଧି ୧୯୫ ପ୍ରତିଶତ ବଢ଼ିଥିବା ଦାବି କରିଛନ୍ତି ନକଭୀ । ଖୈବର ପଖତୁନୱା ସରକାର ଆତଙ୍କବାଦୀ ବିରୋଧୀ ଲଢ଼େଇରୁ ନିଜକୁ ଅଲଗା ରଖୁଥିବା ନକଭୀ କହିଛନ୍ତି ।

ସରିଫଙ୍କୁ ମୁଖ୍ୟମନ୍ତ୍ରୀଙ୍କ ଚ୍ୟାଲେଞ୍ଜ

ପାକିସ୍ତାନ ସରକାର ଖୈବର ପଖତୁନୱାକୁ ନେଇ ନେଇଥିବା ନିଷ୍ପତ୍ତିକୁ ବିରୋଧ ମଧ୍ୟ ହୋଇଛି । ମୁଖ୍ୟମନ୍ତ୍ରୀ ସୋହେଲ ଅଫରିଦି, ଶେହବାଜ ସରିଫ୍‌ଙ୍କୁ ଖୋଲା ଆହ୍ଵାନ ଦେଇଛନ୍ତି । ଏହାକୁ ଅଫରିଦି ଖୋଲା ବିଦ୍ରୋହ କହିଥିବା ବେଳେ ସରିଫ ସରକାରର ଘୋଷଣାକୁ ମାନିବାକୁ ଇମ୍ରାନଙ୍କ ଦଳ PTI ମନା କରି ଦେଇଛି ।

ଏଥିସହ ପଢ଼ନ୍ତୁ: ବଦଳିଯିବ ପଡ଼ୋଶୀ ପାକିସ୍ତାନର ମାନଚିତ୍ର, ମୁନୀରଙ୍କୁ ଫାଇଦା ପାଇଁ ଖଣ୍ଡ ଖଣ୍ଡ ହେବାକୁ ଯାଉଛି... 

ମୁଖ୍ୟମନ୍ତ୍ରୀ ଗିରଫ

ଇମ୍ରାନ ଖାନଙ୍କ ଦଳର ଜଣେ ସାଂସଦ କହିଛନ୍ତି, ଖୈବର ପଖତୁନୱାର ମୁଖ୍ୟମନ୍ତ୍ରୀଙ୍କୁ ରବିବାର ଗିରଫ କାଯାଇଛି । ଜରୁରୀ ସ୍ଥିତି ଲାଗୁ ପରେ ମୁଖ୍ୟମନ୍ତ୍ରୀଙ୍କ ଗିରଫ କରାଯାଇଥିବା କହିଛନ୍ତି ପିଟିଆଇର ସାଂସଦ । ପିଟିଆଇ ନତା ଜୁନୈଦ ଅକବର କହିଛନ୍ତି, "ମୁଖ୍ୟମନ୍ତ୍ରୀ ସୋହେଲ ଅଫରିଦିଙ୍କ ସହ ଦଳର ପ୍ରାନ୍ତ ଅଧ୍ୟକ୍ଷଙ୍କୁ ଗିରଫ କରି ନିଆଯାଇଛି । ଯେତେବେଳେ କି ଘୋଷଣା ବ୍ୟାପକ ସେନା ମୁତୟନ ନେଇ ହୋଇଛି ।"