ମଧ୍ୟପ୍ରାଚ୍ୟରେ ବଢ଼ୁଥିବା ଯୁଦ୍ଧ ମଧ୍ୟରେ ସାରା ବିଶ୍ବରେ ତୈଳ ସଙ୍କଟ ଦେଖିବାକୁ ମିଳୁଛି । ଏସବୁ ମଧ୍ୟରେ ପାକିସ୍ତାନରେ ବଢ଼ୁଥିବା ତୈଳ ସଙ୍କଟକୁ ଦୃଷ୍ଟିରେ ରଖି ସରକାର ସପ୍ତାହରେ ଦୁଇ ଦିନିଆ ସ୍ମାର୍ଟ ଲକଡାଉନ ଉପରେ ବିଚାର କରୁଛନ୍ତି । ଲକଡାଉନ ସମ୍ପର୍କିତ ଏକ ପ୍ରସ୍ତାବ ସାମ୍ନାକୁ ଆସିଛି ।

ପାକିସ୍ତାନ ପ୍ରଧାନମନ୍ତ୍ରୀଙ୍କ ନିର୍ଦ୍ଦେଶ ଅନୁଯାୟୀ, ସମଗ୍ର ଦେଶରେ ଏବେ ପ୍ରତି ଶନିବାର ଏବଂ ରବିବାର ସମ୍ପୂର୍ଣ୍ଣ ଲକଡାଉନ ରହିବ । ଏହା ୪ ଏବଂ ୫ ଏପ୍ରିଲ ୨୦୨୬ ଠାରୁ କାର୍ଯ୍ୟକାରୀ ହେବ । ଲକଡାଉନ ପ୍ରତି ଶନିବାର ରାତି ୧୨:୦୧ (12.01 AM) ରୁ ଆରମ୍ଭ ହେବ ଏବଂ ରବିବାର ରାତି ୧୧:୫୯ ପର୍ଯ୍ୟନ୍ତ ଜାରି ରହିବ । ଏହି ସମୟ ମଧ୍ୟରେ ସମସ୍ତ ଦୋକାନ, ବଜାର, କାରଖାନା ଏବଂ ଅନ୍ୟାନ୍ୟ ବ୍ୟବସାୟ ସମ୍ପୂର୍ଣ୍ଣ ବନ୍ଦ ରହିବ। ସେବା କ୍ଷେତ୍ର ମଧ୍ୟ ବନ୍ଦ ରହିବ। ସାର୍ବଜନୀନ କିମ୍ବା ବାଣିଜ୍ୟିକ ସ୍ଥାନରେ ବିବାହ ଏବଂ ଅନ୍ୟାନ୍ୟ ସମାରୋହକୁ ଅନୁମତି ଦିଆଯିବ ନାହିଁ ।

ପାକିସ୍ତାନରେ ହସ୍ପିଟାଲ, ଔଷଧ ଦୋକାନ ଏବଂ ଅନ୍ୟାନ୍ୟ ଅତ୍ୟାବଶ୍ୟକୀୟ ସରକାରୀ ସେବା ଖୋଲା ରହିବ । ଅତ୍ୟାବଶ୍ୟକୀୟ ଯାତ୍ରା ଏବଂ ସେବା ପ୍ରଭାବିତ ନହେବା ପାଇଁ ବିମାନବନ୍ଦର, ବନ୍ଦର ଏବଂ ରେଳ ଷ୍ଟେସନ ମଧ୍ୟ କାର୍ଯ୍ୟକ୍ଷମ ରହିବ। ସରକାର ଏହା ମଧ୍ୟ ନିଷ୍ପତ୍ତି ନେଇଛନ୍ତି ଯେ ଲକଡାଉନ ସମୟରେ ସହର ମଧ୍ୟରେ ଥିବା ରାସ୍ତା, ରାଜପଥ ଏବଂ ମୋଟରୱେ ବନ୍ଦ ରହିବ । ଯାହା ଦ୍ୱାରା ସାର୍ବଜନୀନ ଯାନବାହାନ ଚଳାଚଳକୁ ରୋକାଯିବ । ତଥାପି, ଅତ୍ୟାବଶ୍ୟକୀୟ ଯାତ୍ରାକୁ ଅନୁମତି ଦେବା ପାଇଁ ସାର୍ବଜନୀନ ବସ୍ ଗୁଡ଼ିକୁ ଛାଡ ଦିଆଯାଇଛି ।

ଏହା ସହିତ ପ୍ରାଦେଶିକ ସରକାରଙ୍କୁ ଦୁଇ ଏବଂ ତିନି ଚକିଆ ଯାନର ପଞ୍ଜୀକରଣ ତ୍ୱରାନ୍ୱିତ କରିବାକୁ ନିର୍ଦ୍ଦେଶ ଦିଆଯାଇଛି। ଏହା ସରକାର ଆବଶ୍ୟକ କରୁଥିବା ଲୋକଙ୍କୁ ସିଧାସଳଖ ସବସିଡି ପ୍ରଦାନ କରିପାରିବେ । ସରକାର କହିଛନ୍ତି ଯେ ଏହି ପଦକ୍ଷେପଗୁଡ଼ିକ ଦେଶରେ ତୈଳ ଅଭାବକୁ ଦୂର କରିବା ଏବଂ ଗୁରୁତ୍ୱପୂର୍ଣ୍ଣ ସମ୍ପଦ ସଂରକ୍ଷଣ କରିବା ପାଇଁ ଉଦ୍ଦିଷ୍ଟ ।