ପାକିସ୍ତାନ ପାଇଁ କର ବା ମର ସ୍ଥିତି । ଏଥର ନ ଜିତିଲେ ଟୁର୍ଣ୍ଣାମେଣ୍ଟରୁ ଆଉଟ୍ । ଏସିଆ କପ୍ ୨୦୨୫ରେ ପାକିସ୍ତାନ ଟିମ୍ ଖୁବ୍‌ ଦୁର୍ବଳ ଦେଖାଯାଉଛି । ଆରମ୍ଭରୁ ପାକ୍‌ ଟିମ୍‌ର ପ୍ରଦର୍ଶନ ଅତି ଶୋଚନୀୟ । କ୍ରୀଡ଼ା ବିଶେଷଜ୍ଞଙ୍କ ଅନୁଯାୟୀ ପାକିସ୍ତାନ ଟିମ୍‌ ବାଂଲାଦେଶଠାରୁ ମଧ୍ୟ ଦୁର୍ବଳ ପ୍ରଦର୍ଶନ କରୁଛି । ବାଂଲାଦେଶ ବୋଲରମାନେ ଏବେ ଭଲ ଫର୍ମରେ ରହିଥିବା ବେଳେ ତାଙ୍କ ଫିଲ୍ଡିଂ ମଧ୍ୟ ଖୁବ୍‌ ଟାଇଟ୍‌ ରହୁଛି । ୨୪ ତାରିଖରେ ଖେଳାଯାଇଥିବା ଭାରତ-ବାଂଲାଦେଶ ମ୍ୟାଚ୍‌ରେ ଏହା ସ୍ପଷ୍ଟ ବାରି ହୋଇପଡ଼ୁଥିଲା ।

ଅନ୍ୟପଟେ ଏସିଆ କପ୍‌ର ଲିଗ୍‌ ମ୍ୟାଚ୍‌ ଗୁଡ଼ିକରେ ମଧ୍ୟ ପାକିସ୍ତାନ ବୋଲରଙ୍କ ଲାଇନ୍ ଲେନ୍ଥ ଠିକ୍‌ ରହୁନଥିଲା । ଫିଲ୍ଡିଂ ମଧ୍ୟ ଢିଲା ରହିଥିଲା । ତେବେ ଏଭଳି ପରିସ୍ଥିତିରେ ବାଂଲାଦେଶଠାରୁ ପାକିସ୍ତାନ ଟିମ୍‌ ଜିତିବା କଷ୍ଟକର ବୋଲି ମନେ ହେଉଛି । ଯଦି ପାକିସ୍ତାନ ଟିମ୍‌ ବାଂଲାଦେଶକୁ ପରାସ୍ତ ନକରେ ତେବେ ଫାଇନାଲରେ ଏଣ୍ଟ୍ରି କରିବ ବାଂଲାଦେଶ । ଆଉ ଟୁର୍ଣ୍ଣାମେଣ୍ଟରୁ ବାଦ୍‌ ପଡ଼ିବ ପାକିସ୍ତାନ ।

ଏହାସହ ପଢ଼ନ୍ତୁ: ୯୯.୯୯ ପରସେଣ୍ଟାଇଲ ରଖିଥିଲେ, ତଥାପି ପରିବାର ଲୋକଙ୍କ ଚାପ ଆଗରେ ହାର ମାନିଲେ ଛାତ୍ର

ପାକିସ୍ତାନ ଟିମ୍‌ ଯଦି ବାଂଲାଦେଶଠାରୁ ପରାଜିତ ହୁଏ, ତେବେ ଦଳ ଫାଇନାଲକୁ ଯାଇପାରିବନି କି ନିଜ ଦେଶକୁ ଫେରିପାରିବନି । ଏଭଳି କିଛି ଲେଖିଛନ୍ତି ପାକିସ୍ତାନୀ ସୋସିଆଲ ମିଡିଆ ୟୁଜର । ଦଳର ଖରାପ ପ୍ରଦର୍ଶନ ପାଇଁ ତାଙ୍କୁ ଟ୍ରୋଲ କରାଯାଉଛି । ଭାରତଠାରୁ ପରାଜିତ ହେବା ପରେ ପାକିସ୍ତାନୀ ଖେଳାଳିଙ୍କୁ ତାଙ୍କ ଦେଶର ଲୋକମାନେ ଗାଳି କରୁଛନ୍ତି । ଆଉ କହୁଛନ୍ତି ଭାରତଠାରୁ କିଛି ଶିଖ ।

ଏସିଆ କପ୍ ସୁପର ଫୋର୍ ମ୍ୟାଚ୍‌ରେ ପାକିସ୍ତାନ ପୁଣି ଭାରତଠାରୁ ହାରିବା ପରେ ଏଭଳି ଭାବେ ପାକ୍ ଖେଳାଳିଙ୍କ ଉପରେ ବର୍ଷିଛନ୍ତି ପାକିସ୍ତାନୀ ଫ୍ୟାନ୍ସ । କ୍ୟାପ୍ଟେନ ସହ ସବୁ ଖେଳାଳିକୁ ଧୋଇଛନ୍ତି ।

"ଆମେ ଟଙ୍କା ଖର୍ଚ୍ଚ କରି ଦୂରରୁ ଆସୁଛୁ । କିନ୍ତୁ ଆମ ଖେଳାଳି ଏମିତି ଖେଳୁଛନ୍ତି । ପାକିସ୍ତାନ ସବୁବେଳେ କହୁଛି ଜିତିବୁ, ଜିତିବୁ.. ହେଲେ ଇଣ୍ଡିଆଠୁ ସବୁବେଳେ ଧୂଳି ଚାଟୁଛି ବୋଲି କହିଛନ୍ତି ପାକିସ୍ତାନୀ ଫ୍ୟାନ୍ସ । ଏପରିକି ଇଣ୍ଡିଆ ଫାଇନାଲ ଡିଜର୍ଭ କରୁଛି, ଇଣ୍ଡିଆ ହିଁ ଏସିଆ କପ୍ ଜିତିବ" ବୋଲି ଆଉ କିଛି ପାକିସ୍ତାନୀ ଫ୍ୟାନ୍ସ ପ୍ରତିକ୍ରିୟା ଦେଇଛନ୍ତି।

ଏହାସହ ପଢ଼ନ୍ତୁ: ଜବରଦସ୍ତ ଝଟ୍‌କା ! ଭାରତୀୟ ନିୟମ ମାନିବାକୁ ବାଧ୍ୟ...

ସେପଟେ ବାରମ୍ବାର ଇଣ୍ଡିଆଠୁ ହାରିଲା ପରେ ବି ଭାଙ୍ଗୁନି ପାକିସ୍ତାନୀ ଖେଳାଳିଙ୍କ ମୁହଁ ଫୁଟାଣି କି କମୁନି ଔଦ୍ଧତ୍ୟାମି । ମ୍ୟାଚ୍ ବେଳେ ପଡିଆରେ ଦେଖିବାକୁ ମିଳିଥିଲା ପାକ୍‌ ଖେଳାଳୀଙ୍କ ଔଦ୍ଧତ୍ୟ ଆଚରଣ । ଅର୍ଦ୍ଧଶତକ ମାରିବା ପରେ ଗନ୍ ସେଲିବ୍ରେସନ୍ କରିଥିଲେ ପାକିସ୍ତାନ ଓପନର ସାହିବଜାଦା ଫରହାନ୍ ।

ବ୍ୟାଟ୍‌କୁ ବନ୍ଧୁକ ଭଳି ଧରିଥିଲେ, ଗୁଳି ଚଳାଇଲା ଭଳି ପ୍ରଦର୍ଶନ କରିଥିଲେ । ଯାହାର ଫଟୋ ଓ ଭିଡିଓ ଭାଇରାଲ୍ ହେବା ପରେ ଫରହାନଙ୍କୁ କଡା ସମାଲୋଚନା କରିଛନ୍ତି କ୍ରିକେଟ ଫ୍ୟାନ୍ସ । ଏମିତିକି ଏହାକୁ ଆତଙ୍କବାଦୀ ଆଚରଣ କହି ସମାଲୋଚନା କରିଛନ୍ତି ଫ୍ୟାନ୍ସ । କେବଳ ଫରହାନ ନୁହଁନ୍ତି, ହାରିସ୍ ରୌଫ ମଧ୍ୟ ନିଜ ସୀମା ଅତିକ୍ରମ କରିଛନ୍ତି । ହାରିସ୍ ରୌଫ୍ ଅଙ୍ଗୁଳିରେ ୬-୦ର ସଙ୍କେତ ଦେଖାଇ ଭାରତୀୟଙ୍କୁ ପରିହାସ କରିଥିଲେ । ମ୍ୟାଚରେ ଶୋଚନୀୟ ପରାଜୟ କରିଥିଲେ ବି ବାହାଦୁରୀ ଛାଡ଼ିନଥିଲା ପାକିସ୍ତାନ ।

ଆଉ ଏବେ ଏହି ଗନ୍ ସେଲିବ୍ରେସନ୍ ପାଇଁ ଫସିଯିବ ପାକିସ୍ତାନ । ପଡ଼ିଆରେ ପାକିସ୍ତାନର ଔଦ୍ଧତ୍ୟ ଆଚରଣ ବିରୋଧରେ ଆଇସିସି ନିକଟରେ ଫେରାଦ ହୋଇଛି ବିସିସିଆଇ । ପାକିସ୍ତାନୀ କ୍ରିକେଟର ହାରିସ୍ ରୌଫ୍ ଓ ସାହିବଜାଦା ଫରହାନଙ୍କ ନାଁରେ ଅଭିଯୋଗ କରିଛି ଭାରତ । ୨ ଖେଳାଳି ପଡ଼ିଆରେ ଉସୁକାଇବା ଭଳି ଆଚରଣ କରିଥିଲେ । ବିସିସିଆଇର ଅଭିଯୋଗ ପରେ ଆଇସିସି ଏଲିଟି ପ୍ୟାନେଲ ନିକଟରେ ହାଜର ହୋଇପାରନ୍ତି ଉଭୟ ଖେଳାଳି।