ପାକିସ୍ତାନରେ ହେଲା ଗୋଟିଏ ପରେ ଗୋଟିଏ ଭୟଙ୍କର ବିସ୍ଫୋରଣ । ବିଦ୍ରୋହର ନିଆଁରେ ଜଳୁଛି ପୁରା ପାକିସ୍ତାନ । ଏଣେ ତେଣେ ଛିଟିକି ପଡ଼ିଛି ମୃତଦେହ । ଏହି ବିସ୍ଫୋରଣରେ ଅନେକ ଲୋକଙ୍କର ମୃତ୍ୟୁ ହୋଇଛି । ଭାରତ ପାଇଁ ଖୋଳୁଥିବା ଖାଲରେ ନିଜେ ପଡ଼ିଛି ପାକିସ୍ତାନ । ଭାରତରେ ଆକ୍ରମଣ ପାଇଁ ଯୋଜନା କରୁଥିବା ପାକିସ୍ତାନରେ ହୋଇଛି ସାଂଘାତିକ ବିସ୍ଫୋରଣ । ଗୃହ ଯୁଦ୍ଧରେ ଏବେ ପାକିସ୍ତାନ ଘାଣ୍ଟି ହେଉଛି ।

ଗୋଟିଏ ପରେ ଗୋଟିଏ ବିସ୍ଫୋରଣରେ ପାକିସ୍ତାନ ମେରୁଦଣ୍ଡକୁ ଭାଙ୍ଗି ଦେଉଛି । ଏହି ଭୟଙ୍କର ବିସ୍ଫୋରଣରେ ଅନେକ ଲୋକଙ୍କର ମୃତ୍ୟୁ ହୋଇଛି । ରକ୍ତାକ୍ତ ହୋଇଯାଇଛି ପାକିସ୍ତାନ । ପାକିସ୍ତାନ ଏବେ ଧ୍ବଂସ ହେବା ଉପରେ । ନିଜର ଗୃହ ଶତ୍ରୁ ମାନଙ୍କ ଦ୍ଵାରା ପାକିସ୍ତାନ ତଳିତଳାନ୍ତ ହୋଇଯିବ । କାଶ୍ମୀରକୁ ଆଶା କରୁଥିବା ପାକିସ୍ତାନ ପାଉଁଶରେ ସ୍ତୁପରେ ପରିଣତ ହୋଇଯିବ ।

ବିସ୍ଫୋରଣ ସବୁକିଛି ଛାରଖାର କରିପକାଇଛି। ପାକିସ୍ତାନର ଉତ୍ତର-ପଶ୍ଚିମ ଅଞ୍ଚଳରେ ଥିବା ଏକ ଜନଗହଳିପୂର୍ଣ୍ଣ ବଜାରରେ ଭୟଙ୍କର ବିସ୍ଫୋରଣ ଘଟିଛି । ଏହି ଆକ୍ରମଣରେ ୯ ଜଣଙ୍କର ମୃତ୍ୟୁ ଘଟିଥିବା ବେଳେ ୩୦ରୁ ଅଧିକ ଗୁରୁତର ଆହତ ହୋଇଛନ୍ତି । ଘଟଣାଟି ଘଟିଛି ଖାଇବର ପାଖ୍‌ତୁନ୍‌ଖ୍ୱା ପ୍ରଦେଶର ଲକ୍କି ମାରୱାଟ୍ ଜିଲ୍ଲାରେ।

ଏଥିସହ ପଢ଼ନ୍ତୁ: ବଢିଚାଲିଛି ଆମେରିକାର ଚିନ୍ତା; ଯୁଦ୍ଧରେ ଖର୍ଚ୍ଚ ହୋଇଗଲାଣି ଟ୍ରିଲିୟନ ଡଲାର 

ଯଦି ଦେଖିବା ମଙ୍ଗଳବାର ସ୍ଥାନୀୟ ନୌରଙ୍ଗ ବଜାରରେ ଏକ ବିସ୍ଫୋରକ ଭର୍ତ୍ତି ରିକ୍ସା ସାହାଯ୍ୟରେ ଏହି ଆକ୍ରମଣ କରାଯାଇଛି । ଖାଲି ସେତିକି ନୁହେଁ ଠିକ ଦୁଇ ଦିନ ପୂର୍ବରୁ ଆହୁରି ଗୋଟିଏ ବିସ୍ଫୋରଣ ହୋଇଥିଲା ଯେଉଁଥିରେ ୨୦ରୁ ଅଧିକ ପାକିସ୍ତାନୀ ପୋଲିସଙ୍କର ମୃତ୍ୟୁ ହୋଇଛି । ୩ ଦିନ ଭିତରେ ୪୦ ଜଣଙ୍କର ମୃତ୍ୟୁ ହେଲାଣି ।

ସେପଟେ ଯଦି ଦେଖିବା ପାକିସ୍ତାନ ଠାରୁ ଅଲଗା ହେବାକୁ ଚାହୁଁଛନ୍ତି ତାଲିବାନ ପାକିସ୍ତାନ, ଖାଇବର ପାଖ୍‌ତୁନ୍‌ଖ୍ୱା ଭଳି ପ୍ରଦେଶ । ଯାହାକୁ ନେଇ ହେଉଛି ଏମିତି ପାକିସ୍ତାନ ଉପରେ ଆକ୍ରମଣ । ପାକିସ୍ତାନ ପ୍ରଧାନମନ୍ତ୍ରୀ ଶେହବାଜ ସରିଫ ଏହି ଆକ୍ରମଣକୁ କଡ଼ା ନିନ୍ଦା କରିବା ସହ ଆତଙ୍କବାଦ ବିରୋଧରେ ଲଢ଼େଇ ଜାରି ରହିବ ବୋଲି କହିଛନ୍ତି । ଏପର୍ଯ୍ୟନ୍ତ କୌଣସି ଆତଙ୍କବାଦୀ ସଂଗଠନ ଏଥିପାଇଁ ନିଜକୁ ଦାୟୀ କରିନାହାନ୍ତି । ଯଦିଓ ପାକିସ୍ତାନ ତାଲିବାନ ଉପରେ ସନ୍ଦେହ କରାଯାଉଛି। କିନ୍ତୁ TTP ଏହି ବିସ୍ଫୋରଣରେ ନିଜର ସମ୍ପୃକ୍ତିକୁ ମନା କରିଛି ।